وتقيني اني بحبك مغرم..
ثم اصنعي ماشئت بي أن تصنعي...
يعقوب:- كول يابه شنو الموضوع .
جدي ناصر:- بويه هذا شيخ .... يريد يموت طايح بالفراش وماريد العرس يتأجل وره السنه مالته العرس لازم يصير باجر...
يعقوب:- صار يابه تأمر..
جدي ناصر:- يله يابه كول ل هيا تحضر نفسه ولاتفشلني ويه الوادم..
هيا:- اني من سمعت الكلام نصعقت شنو باجر ياربي يعني بعد ماكو امل هاهيه راح احمد من ايدي ليش بس اني حظي هيج ليش اوف ربي 😭 راح اموت اللهي ارحم بحالي وكمت اضرب بأيدي بالحايط لمن أحسه نكسرت ..
سحر:- جنت كاعده بالغرفه وسمعت عمي صاح ليعقوب بس مسمعت شيريد منه شويه واجه يعوقوب ضايج كتله ها يعقوب شيريد ابوك شنو الموضوع ياستار ..
يعقوب :- يكول باجر لازم يصير العرس لان شيخ ... يريد يموت ..
سحر:- ياا وشنلحك احنه باجر ..
يعقوب:- مادري اني المهم باجر العرس ..
سحر:- رحت اكول لهيا تحضر نفسه سوده عليه بنيتي نظلمت يا اللهي اني حياتي عشتها بالضيم والعذاب وهسه بنتي تتعذب مثلي رجعت بيه الذاكرة لذاك اليوم الي خسرت بي ابني اتذكر جنت حامل بطفلي الرابع صارت عركه جبيرة وضربوني من كثر الضرب كمت اطلك اخذوني للمستشفى ولدت ابني ميت حته ماشفته وماشفت شكله لحد الآن اني ابجي علي هذا شي بسيط من عذابي ياربي ناسي واعرفهم ماريد بنتي تتعذب عدهم اللهي دخيلك بعد ماكدر اسوي شي بنتي ضاعت من ايدي شلون راح اكله باجر عرسج واني ادري بيه تحب احمد واشوفه شلون تتعذب علموده دخيلك ربي كسرتني بنتي ..
هيا ماما تعالي عندي موضوع وياج..
هيا:- كولي ماما..
سحر:- شبيج ماما تبجين ..
هيا:- مابيه شي ..كولي شنو الموضوع..
سحر:- اكلج ماما باجر الحنه وعكب باجر العرس لان شيخ ... يريد يموت وجدج كال لازم تزوج قبل ليموت ماريد العرس يتأخر..
هيا:- الي تردونه ماما ..
سحر:- جهزي نفسج ..
هيا:- ماشي ماما ادللي..
طلعت من الغرفه ابجي نكسرت كلبي نمرد احمد راح من ايدي كلشي انتهه صار الليل قرب العرس مابقه شي واصير بين ايدين عمر ماحسيت شوكت نمت...
غزل:- اني جنت صغيرة مافتهم شنو معنى واحد يخسر حبيبه بس جنت انقهر لان اشوف هيا مقهورة وضايجه وجانت كلشي تسولفلي وتكعد تبجي ساعات حته مرات تجي تريد تنتحر بس متكدر تخاف من كلام الناس اليوم الحنه مالت هيا امي كلتلي روحي كعديه خل تجهز نفسه اني ركضت للغرفه اريد اكعده..
هيا هيا اكعدي ماما تكول خل تكعد ماظل وقت ..
هيا:- كعدت عله صوت غزل تكعدني فتحت عيوني اي هسه كايمه ..
غزل:- يله كومي تأخرتي..
هيا:- كايمه كمت لكيت خالاتي ملتمات وغسق جايه وبنات عمي امي كلتلي تعالي تريكي بس اني ماشتهي كتله ماما ماشتهي ماكدر فوك القهر اجي اكل ماكدرت احط لكمه بحلكي اخذتني رغد للحمام تنظفلي جسمي طبينه للحمام سويت جسمي وسبحت وطلعت جنت اجهز بغراضي الي أخذه للصالون واجتي بنت عم عمر نورس تريد تحاجيني..
نورس:- هيا تعالي عندي موضوع وياج ..
هيا:- كولي نورس ..
نورس:- هيا لتاخذين عمر هذا واحد طايح حظه وأبو نسوان..
هيا:- اني كلبي لجمني من كلتلي هيج وخفت وماكدر اسوي شي بهاي اللحظه دخلت علينه امي وطردته..
سحر:- كاعده اني اجهز للحنه و شفت نورس طبت لهيا اني رأسا عفت كلشي من ايدي وركضت عليه ادري بيه هاي حيه وتريد تسوي شي حته تفضحنه فتحت الباب وطبيت عليهن وطردته هيه خلت ومشت..
هيا:- ماما ليش طردتيه خل تحجي ابن عمه وتعرف عنه كلشي..
سحر:- لا ماما متعرفيه هذني امهات مشاكل ويدورن فضايح حته يتشمتن بينه..
هيا:- صار الظهر طلعنه رحنه للصالون الي حاجزينه همه مشت وياي مرة عم عمر وامي مالي نفس بكلشي سوتلي مكياج وتسريحه وكملت كلشي صار العصر رجعنه للبيت سوولي حنه بيت اهلي واني صح جنت اضحك كدام النسوان بس من داخلي محطمه ماكدر اسوي كلشي كدام عيني اشوف حياتي تخرب وماكدر اسوي شي كله بسبب جدي هو السبب بكلشي خلصت الحنه واني ماشايفه شي منه عروس بس مو مثل كل عروس فرحانه لعرسه وتجهز وهيه طايره من الفرح اني ميته من داخلي لان مو الشخص الي لازم اعيش ويا هذا اليوم جنت احلم بهذا اليوم ويه احمد اوف احمد ماراح انساك راح يبقه حبك بكلبي للموت 😔💔صار الصبح واني منايمه اليوم عرسي ياريت اموت قبل لايكمل العرس تمنيت ما اكعد ابد بس حظي من الدنيا كلشي صار عكس ما اني اريد كمت من فراشي واني احس بالكسر الي بيه يهدم حيلي كوه امشي جهزت نفسي حته اروح للصالون شويه واجت السيارة رحت للصالون ولمن كملت للعصر اجوي اخذوني من الصالون لبيتهم كعدت شويه يم النسوان وطببوني للغرفه وياي اختي وخالتي طببني يمشون بيه مثل الجثه كعدوني بالغرفه حته ماشفته شلونه من القهر وماهامني كلشي الي يهمني بس روحي الي نكسرت اني لازم انسه كلشي بوقت قصير شلون راح اكدر انسه احمد واحب عمر راح يصير عمر زوجي للابد حرام عليه اخونه حته بتفكيري يا اللهي هذا الشي صعب واريدك تقدرني علي وتخليني انسه احمد واحب عمر واني كاعده وسارحه بأفكاري دخل عمر للغرفه وجايب الشيخ ويا حته يعقدولي لان عرسي صار بسرعه بأسبوع واحد مالحكنه نعقد طب الشيخ للغرفه واجه عمر كعد يمي..
بلش الشيخ يعقد هيا يعقوب ناصر هل انت موافقه على الزواج من عمر خليل جاسم قولي نعم وانت وكيلي اني ماحجي ساكته رجع الشيخ سأل مره ثانيه واني هم ساكته بالمره الثالثه ندسني عمر كلت نعم وانت وكيلي يا الله صلو على محمد..
عمر خليل جاسم هل انت موافق على الزواج من هيا يعقوب ناصر قل نعم وانت وكيلي عمر جان كلش فرحان لان هو يريدني بسرعه كال نعم وانت وكيلي حسيت الدنيا ظلمت بعيني من كال نعم حسيت كلشي نتهه ماكو بعد مفر هاهيه صرت زوجت عمر ولازم احاول انسه كلشي واانسه احمد ..
طلع الشيخ من الغرفه بقيت بس اني وعمر بالغرفه واسمع النسوان تسولف بره وتضحك اهلي راحو مابقه احد يمي بس بيبتي باتت يمي قفل الباب عمر واجه بأتجاهي تقرب مني وشال البرقع عن وجهي وباوعلي ..
عمر:- هلو اني عمر عمري ٢٩سنه مواصفاتي شاب عادي وجسمي نحيل وطولي وسط ماكملت دراسة وجنت طايش واحب النسوان ويوميه ويه وحده من جان عمري ١٨سنه اتذكر صارت عركه عد عمامي بين عمي يعقوب وجدي ناصر عله خطوبة هيا وأحمد اني اعرف كلشي بين احمد وهيا لان جان احمد صديقي ويسولفلي كلشي المهم من كملت العركه الصبح اجه جدي حاجه ابوي وطلب منه يخطب هيا الي اني هنا فرحت كلش لان احب هيا واريده وعقل مراهق ماجنت افكر بكلشي بس اريد هيا فرحت كلش اجه جدي حاجاني رأسا كتله موافق رحنه خطبنه هيا وجهزنه كلشي بأسبوع اني ادري هيا متحبني ومجبورة عليه بس ميهمني هذا الشي اهم شي تصير زوجتي وحلالي هذا الأسبوع كله مالتقيت بيه ولاحجيت وياهه لان متطيق تشوفني اليوم العرس واني كلش فرحان جبت الشيخ وعقدلنه طلع الشيخ اني قفلت الباب وتقربت يم هيا رفعت البرقع عن وجهه اللهم صل على محمد وال محمد شنو هذا الحسن والجمال من زمان حاط عيني عليج واليوم صرتي الي مامصدك وأحمد اخذت حبيبته منه وكسرته اكره ما احبه اخذته منك اباوع بوجهه شفته ضايجه..
هيا حبيبتي شبيج ضايجه اكو شي واني مادري ..
هيا:- مابيه شي ..
حاول يتقرب مني بتعدت عنه..
عمر:- اجيت اريد المسه شو هاي شردت مني اني اعلمج اني تشردين مني اخذج اخذج وأكثر راسج (احجي بكلبي)شبيج هيا ليش تبتعدين عني بيج شي ..
هيا:- لا والله مابيه شي بس خايفه..
عمر:- ماشي لتخافين معليه بيج روحي نامي ..
هيا:- تمام اغير ملابسي وانام فتحت الكنتور لكيت ملابسي مصفطات بالكنتور فتحت الباب وصرت ورا هو دار وجهه عني حته اغير ملابسي غيرتهن وكملت ونمت عله الجربايه هو هم نام بصفي غمضت عيوني بس ماغفيت لان اخاف حاول يتقربلي مره ثانيه اني طفرت وكمت ابجي ..
عمر:- نامت بصفي واني روحي طاكه عليه وعريس وليلة عرسي اليوم حاولت اتقرب منه مره ثانيه شردت مني وكامت تبجي اني لعب الشيطان بعقلي وكمت أصيح عليه هيا بيج شي احجي ..
هيا:- والله مابيه شي عمر وأبجي ..
عمر:- لعد ليش هيج تسوين..
هيا:- عمر افهمني اخاف والله اخاف..
عمر:- لا انت جذابه متخافين متخافين شبيج انت محتركه لو جسمج مشوه ومتريديني اشوف مو..
هيا:- لا والله كلشي مابي وكمت ابجي نزعت ملابسي وشوفته جسمي كتله شوف كلشي مابيه بس لتتقرب مني اخاف جنت زغيرة عمري ١٥سنه وماعرف هاي السوالف واني ما احبه احب احمد ظليت ابجي ..
عمر:- البسي ملابسج هيا وروحي نامي معليه بيج ..
هيا:- لبست ملابسي ونزلت نمت جوه وهو بقه فوك عله الجربايه..اخذت تقريبا ساعه عباله نايمه سمعته يخابر...
عمر:- نزلت جوه نامت وره ساعه تقريبا ماسمع صوت منه كلت نامت اتصلت بحبيبتي.
الو هلو حبيبتي شلونج هاي نامت متسمع كلشي حبيبتي اني عريس واليوم ليلتي وهاي متخليني اتقرب منه اتصلت عليج اريدج تعوضيني عنه اني اعرف شبيه بعده تحب احمد بس اني أعلمه اله اخليه تشيل اسمه من راسه..
هيا:- اني اسمع كلشي بس ميهمني كلشي لان ما احبه ولا اخاف علي ولا اغار علي كيفت ونمت لان ماعرف شنو معنى الخيانه رغم اني جنت احب احمد بس قطعت كلشي ويا لان تزوجت ..
ماحسيت شوكت نمت كعدت الصبح عله صوت الباب يندك حيل طفرت وهو طفر من نومته صاح منو...
يتبع......
