إذا مافعلتَ الخيرَ ضوعِفَ شرُّهم....
وكلّ إناءٍ بالذي فيه يَنضحُ...
-فتحت الموبايل وشفت الصدمه شفت صورة نور(عشيقته اسمه نور)وهيه بالمستشفى وفاقده الوعي ..بنتها حاجيه ويه عمر (طبعا هيه جبيرة اكبر مني وبناته بعمري وهيه عده صالون)
-عمر ماما نزلت الطفل وزعلانه منك كلش...
عمر:- ليش نزلت ابني اني مو كلتلها لتنزلي اريده هذا ثمرت حبنه اني وياهه شلون تسوي هيج...
-تخربطت كلش واني وحدي وانت مو يمها مأجيتها واني سحلتها للشارع وأجرت تكسي وجبته للمستشفى...
اني من الصدمه كمت اضحك بعد ماعرف شسوي...
سرى:- ولج شبيج هيا ليش تضحكين شنو شفتي...
هيا:- تعالي شوفي ولج شوفي المصيبه.....
سرى:- هههه حيل تستاهل والله إن شاء الله بعد أكثر يصير بيه وكل وحده تاخذ رجل غيرهه ....
هيا:- يكله اني جايج ركض ورايحله للمستشفى...سديت الموبايل ورجعته لمكانه كعد عمر...عمر شبيك صاير شي احجيلي...
عمر:- لا تعبان وراسي يوجعني ماكو شي...
هيا:- ضحكت من كلي هيج ...شك بيه فاتحه الموبايل..اني بينتله لان بعد ما اتحمل احس روحي انفجر بس يلمسني واحجيهن كلهن ...لليل نام كمت اريد افتح الموبايل لكيته مغيير الرمز حاولت بي منفتح نقهرت كلش وشمرته بالكاع ..ركضت علي خفت لاينكسر شلته من الكاع كلشي مابي الحمدلله ضميته بمكانه ونمت ...ضليت على هاي الحاله ٥ ايام بعد مااتحمل هملني كلش وعايفني ...اجه ب٣ الصبح واني كاعده عيني ماغمضت...
وين جنت ليش لحد هسه يله اجيت ماتكول عندي مره وجهال بالبيت منتظريني ...
عمر:- اسكتي لا أشك حلكج سمعتي منو انت وتحجين هيج وياي...
هيا:- شنو منو اني عمر صدك تحجي اني مو مرتك وام جهالك...
عمر:- انت قندرة امشي ولي يله...
هيا:- انت شلون تحجي وياي هيج..حجايه مني حجايه منه تلاغينه وضربني موتني ...
عمر:- من الصبح تلمين غراضج وتولين لهلج سمعتي ماتبقين هنا يله ولي...
هيا:- محجيت شي كاعده وأبجي كمت لميت غراضي وضليت كاعده انتظر الصبح يطلع ...للصبح لكفت غراضي وجهالي ورحت لهلي..من شافوني نصدمو..حجيتلهم كلشي صار ...كالو بعد ماكو رجعه اله اكعدي هنا واسكتي ..بقيت يم اهلي رفعت علي دعوة نفقة من وصله البلاغ تخبل كام يراسلني يوميه وهو جان كلمة ميدزلي كام يراسلني ويتصل عليه يتوسل اسحب الدعوة ويرجعني اني مقبلت وحضرته من كل البرامج حته من الاتصال حضرته بقيت يم اهلي زعلانه ٩ اشهر وماكو راتب رفعت الدعوة بس لسه ماصار الراتب بس اهلي ماقصرو وياي من مصرف وكلشي ...عمر نقطعت أخباره ولا يتواصل وياي عمي يجي كل يوم يشوف الجهال ويرجع رتاحيت يم اهلي الحمدلله ونسيت كلشي سجلت حيدر بالمدرسة وعلي صار صف ثاني ومرتاحين الحمدلله..وره التسع أشهر قرر عمر يرجعني اجه وجاب مشيه جبيره وحلف لابوي وكله منا ونتهت بعد ماسويله شي ولا اخونه طبعا احنه نصدك لان قسم بكل أهل البيت عليهم السلام وجاب المشيه جبيره بس جان اكو شرط حته يرجعني وهو انو اوقف الدعوة وفعلاً وقفت الدعوة ورجعت ويا من رجعت عمي فرح كلش وعمتي فرحت لان راح ارجع اشتغل وانظف واخبز كل همهه هذا ...
عمر:- ها شلونج...
هيا:- زينه الحمدلله...
عمر:- رتاحيتي يم اهلج....
هيا:- اي رتاحيت ...
عمر:- لا والله مشلوع كلبج محد يريدج...
هيا:- لا بله شنو محد يريدني لعد مو صارلي تسع اشهر يمهم وحته مصرف همه يصرفون عليه...
عمر:- اي اصلا ميحبونج همه غصباً عليهم...
هيا:- شلون ميحبوني اهلي بله...
عمر:- خليني ساكت احسن مو نسوان اخوتج مشوفاتج الضيم...
هيا:- شبيك انت منيلك هذا الكلام منين سامع هيج حجي منو كلك مشوفاتني الضيم ...سكت ولف راسه ونام ..عشتو نامت عليك وصله أن شاء الله..لفيت راسي ونمت ..كعدت الصبح على صوت عمتي تصيح نفس كل يوم هيه هيج متخلي واحد ينام تنام من وقت وتكعد من الصبح وتريد الكل وياهه كعدت لبست ملابسي وحجابي وطلعت اشتغل ...مر يومين على رجعتي عمر رجع نفس وضعه القديم يطلع الصبح يجي بالليل ...اجه بالليل بي اثار عضات وبوس ...شنو هاي عمر مو كلت بعد معليه وما أعيدها...اباوعله يضم راسه ويضحك ميحجي وياي ...كعدت ابجي وافرفح .... امداني رجعتلك صدكت بيك من قسمت يعني تقسم جذب متخاف من الله انت ...نام ولاهتملي ولا كأنو ابجي يمه ...بقة نفس حالته خليت وسكتت هذا ميفيد ويا كلشي ...اجه شهر محرم لبست اسود وبدت علامات الحزن تبين الكل علك الرايات على سطوح البيت ولبسو اسود عمر تركته بعد ماحجيت ويا..عمي صار ياخذنه اني وسرى وحماتي والجهال للمواكب على الشارع نروح نخدم ونرجع والجهال متونسين خلص شهر محرم بده شهر صفر وبدت الزيارة ..احنه بالزيارة نجيب بالبيت زورا نخدمهم ونبيتهم للصبح نرجعهم للشارع ويكملون مشيهم اخر محطه يباتون بيه الزوار يمنه نوب يطلعون من عدنه يمشون يوصلون الظهر للامام ....
عمر:- هيا راح يجون زوار..
هيا:- الساعه ب١١ ...هلا بيهم جيبهم احضرلهم عشه لو لا...
عمر:- لا لا متعشين بس يباتون يمنه..
هيا:- خير أن شاء الله يله روح جيبهم...راح يجيبهن شويه ورجع...
عمر:- هيا تعالي تعالي تلكي الزائرات...
هيا:- اي صار ..اجيت فتحت الباب نصدمت من شفتهن بس مابينت هذه عشيقته هيه وبناته وصلت بي يجيبه للبيت ...ضحكت وستقبلتهن دخلتهن للبيت جوه وقدمتلهن شاي ومي وكعدت يمهن سرى يم اهله لان متخدم يمنه تروح يم اهله خيريه وعمتي كعدن يمهن يسولفن وياهن..اباوعلهن ممبينات زائرات مخليات مكياج كلش قوي وملابسهن نضيفه مو مال زوار ومن المشي متوصخه ..كعدت يمهن اسولف وياهن وهيه الموبايل ماوكع من ايده تراسل ويه عمر وكل شويه يخابرهه وتحجي ويا بصوت ناصي ..اني نقهرت كلش من تصرفاتهم ثنينهم ولو شتوقع مره مثل هاي كلشي سوت بقت على هاي متسويه..عمر يطب ويطلع بالبيت يسوي نفسه ميعرفهن هو فرحان بجيتهن للبيت شفته طب للغرفه ركضت ورا..طبيت للغرفه وقفلت الباب..عمر ليش جايبه...
عمر:- منو شبيج...
هيا:- عشيقتك شكو جايبه للبيت...
عمر:- شو انت تجفصين صاحبتي شنو زايرات الحسين سلام الله عليه ذني شنو صاحبتي...
هيا:- ها يعني متعرفهن..
عمر:- اي ما اعرفهن...
هيا:- خوش اني راح احجي وياهه واشوف...
عمر:- احجي وياهه شعليه اني وين اعرفهن...
هيا:- طلع من الغرفه وهو متوتر وخايف اني رجعت يمهن صارت ب١٢ ..
نور:- يله احنه نترخص نريد نروح..
فهيمه:- وين تروحن ماتطلعن زايرات انتن تبقم تنامن وتتريكن يله تروحن..
نور:- لا حجيه نروح هسه لان ورانه طريق نريد نوصل بسرعه..
فهيمه:- بكيفجن يعيني..
هيا:- صارت الساعه بل٢ واني كاعده وياهن ماعفتهن عمر رايح راد كمت ورا ...عمر كافي تروح وترد بالبيت والزايرات كاعدات عيب خليهن ياخذن راحتهن..
عمر:- ها اي بعد ما اطب..
هيا:- يسوي نفسه ميعرفهن..رجعت يمهن كالن نريد نروح ..لا ماتروحن ماكو روحه هسه ...
نور:- لا نروح ويرجعنه الولد الي جابه..
هيا:- هذا زوجي وما اخلي يرجعجن ساعه با٢ اكو زائره تطلع هسه وعده بنات شابات..ضاجت مني كلش وضلت بس تباوعلي من فوك ليجوه اكلتني بنضراته حقد عليه..بعد ماتحملت صحتله..نور عيني تعالي عندي موضوع وياج..
اجت طيبته لغرفتي وسديت الباب كعدنه اني وياهه بالغرفه ماحس غير الباب ندفر..
- ماما يله كومي الولد يكول يله خل اوصلجن...
هيا:- روحي شويه وتجيج...
نور:- تفضلي شتردين مني...
هيا:- اني اعرفج انت عشيقة عمر ..
نور:- لا متوهمه انت مو اني..
هيا:- لا ممتوهمه انت هيه نفسه شايفتج اني عندج صور ويه عمر ...شوفي اني معليه بيج ولا راح اسويلج شي ولا الي شغله بي هو عايفني من تزوجته لحد هذا اليوم وهاملني وهو يحبج ويموت عليج وماعنده غيرج بكلبه وانت اختي الجبيرة واحترمج والبيت بيتج وماعندي شي وياج وخلي بالج على عمر لان الظاهر لكه سعادته وياج..
نور:- لا لا وخري عني اريد اطلع انت جذابه شنو هذا الكلام ...
هيا:- لا والله متروحين ضلت تعيط أجن بناته يركضن لبست عباته وجنطته ..اذا رحتي اني اتطلك بسببج..حسيته فرحت من كتله هيج وزادت عياط وتنتر وتصيح وضايجه تلكاهه عمر حضنه بالباب ...
عمر:- ماخليج تورحين ابد ..
نور:- وخر عني هسه اروح..
هيا:- أصرت تروح..اجه عم عمر وأخذه لبيته ميدري عباله زائره ...اجه عمر دفر عليه الباب ..
عمر:- هيا هيا اليوم اموتج شلون هيج تحجين وياهه اليوم شيخلصج مني حقيرة جلبه بنت الجلاب ...
هيا:- ماحس غير جيت عليه دفرات بطني وبوكسات على راسي موتني ويسب ويغلط نتهيت جوه ايده...
عمر:- ماتبقين هنا هسه تروحين لهلج ..
هيا:- ماعوف بيتي علمود وحده جايه من الشارع لو تموت ما اروح...
عمر:- ماتبقين هنا كدامي بس اشوفج اكتلج...
هيا:- اكتلني اكتلني هو انت شخليت بيه لو تموت ما اروح مو يوميه زعلانه علمود وحده ك...ميصير هيج ترا يوميه زعلانه مو عيشه هاي يوميه ازعل وترجعني وازعل وترجعني..
عمر:- خوش ابقي بس يوميه اضربج لمن انت تملين وتروحين لهلج وحدج بسيطه اني الج...
هيا:- ضليت يومين وين مايشوفني يضربني لمن ثالث يوم كعدنه الصبح...
عمر:- كومي سويلي ريوك...
هيا:- اي حاضر ..فرحت كلش كلت همزين يعني بعد ميضربني بلكت نسه الحجي ورجعلي ..رحت للمطبخ خليت القوري على النار ماحس غير اجتني دفره بظهري شهكت من قوة الضربه احس كلبي وكف باوعتله ورديت كملت الريوك سكتت محجيت شي رجع ضربني..
عمر:- كومي ولي بعد ما اتحملج هنا راح اكتلج ماتبقين عايشه هنا كافي...
هيا:-شفته شال قوري الشاي يريد يديره على راسي طفرت من مكاني ..كافي راح اروح لهلي كلشي انتهه وبعد ما ارجع ...
عمر:- روحي أن شاء الله ماشوفج بعد...
هيا:- أن شاء الله..طلعت صاح وراي..
عمر:- تعاي هييي تعاي انطيني الموبايل...
هيا:- ما انطي موبايلي...
عمر:- أخذه وغصبا عليج واكسر راسج..
هيا:- تعاركنه واصواتنه علت اجت امه تركض صارت حاجز بيناتنه ..خليته يلتهي ويه امه وركضت وهو ركض وراي ..صرت اركض وماحس بروحي ودخت بس ماتوقفت وهو يركض وراي ..صح اهلي قريبين علينه بس احس الطريق شطوله صار اركض وحته ليوره ما التفت نفسي نقطع من الركض اخاف التفت ويلزمني واني اركض تلكاني نهر جبير ومتروس مي ..يارب شلون راح اعبر هذا النهر دخيلك يا اللهي ساعدني اعبر النهر ..وصلت النهر صحت يا علي وطفرته وكعت ولتوت رجلي كمت بسرعه اركض واعرج ماكدر من رجلي بس اريد اوصل بيت اهلي وصلت لبيت عمامي ماتحملت بعد اركض جفتت عليهم دفرت الباب وطبيت وكعت بالكاع بعد ماكدر اركض ..كعدت الهث وأبجي اجت خالتي شافتني تخبلت..كامت تحجي وياي ..شبيج هيا ولج شبيج احجي...خاله احميني اجاني رايح يقتلني حبابه ضميني ..طلعت برا لكته واكف يم بابهم صحيت علي وطردته ..من الهوسه امي اجت تركض ..شافتني كاعده بالكاع والهث ورجلي ملتويه ومبهذله حالتي تبجي الصخر ..من شافتني هيج تهسترت رأسا اتصلت على ابوي ..خمس دقايق ماحس غير ابوي اجه يركض نزل من السيارة بيده سجينه وركض على الشارع ...يمه دخيلج راح يقتله..اني خفت على جهالي بقو يم اهلهم شلون بيهم ...شويه ماحس غير العياط يم بيت عيالي لم الوادم احس كلبي وكف بعد ماكدر اتنفس ...
.....يتبع......
