أريد الصمت كي أحيا ...
ولكن الذي ألقاه ينطقني..
ولا القى سوى حزن...
على حزن، على حزن....
هيا:- من طلعت للحمام شفت عمر راح للبنيه نفسه بنت جيرانهم نصدمت كلش يعني اني حامل واليوم عرفنه بهذا الشي وبعده يخوني وياهه ليش عمر ليش هيج تسوي بيه هذا جزائي على اهتمامي الك وحبي الك ولك عفت احمد علمودك وحاولت أنساه واحبك بس انت ولاهمك وكسرتني مره ثانيه اول مره كسرتني من اخذتني من احمد وهسه كسرت كلبي اوف😔💔..رجعت للغرفه واني متحلفه بي اليوم اكلب الدنيا علي وماسكتله سكتتله هواي بس مو هسه راح يصير عدنه طفل كافي كافي..كاعده واكل بروحي واتحلف اخذله ساعتين واجه فتح باب الغرفه وطب...هله وين جنت عمر..
عمر:- ها هنا رحت يم امجد وسيف عدنه شغل سيف يريد يروح ويانه للفندق يشتغل..
هيا:- بس سيف من زمان راح للفندق وماموجود يم اهلي..
عمر:- ها هو رحت يم امجد وخابرنا..
هيا:- عمر كافي جذب شنو انت تريد تستغفلني مثلا شفتك وين رحت..
عمر:- وين رحت انت شتحجين شبيج تخبلتي كتلج رحت يم امجد وكافي حجي زايد..
هيا:- عمر لتجذب والك عين وتجذب شفتك رحت لعلياء مو..
عمر:- ياعلياء شبيج انت تخبلتي والله مامسوي شي ولارايحلهه..
هيا:- ماكدرت احجي شي بعد لان صدمني ماخله أمام محلف بي وطلعني جذابه انسان حقير بمعنى الكلمه...باوعتله لف راسه ونام اني ظليت كاعده وأبجي على حظي المصخم اويلي عليج هيا ماشفت ولايوم راحه ابد اوف..مرت الايام وهو بعده ماتغيير نوب زاد كام يخابر ويواعد أكثر من وحده مر تسع اشهر عله حملي قربت ولادتي وجسمي ثكل وكمت اتعب كلش الشغل كله عليه وما اكل ولا اشرب قليل اكلي لان ناكل سوه وماشاء الله ياكلون عيالي مالحك عليهم وبس ادير وجهي ما الكه شي بالصينيه اوف شوكت اخلص من هاي العيشه ..كاعدين بالليل بالغرفه ندك الباب..كام عمر فتحه طلع عمي بالباب
عمر:- ها يابه تعال تفضل..
خليل:- شلونج عمي...
هيا:- هله بيك عمي زينه الحمدلله..
خليل:- عله الخير بويه عمر اسمك انت وعارف طلع بالجيش...
عمر:- صدك يابه يا الله..
هيا:- فرحت كلش لان صار عنده شغل وضجت لان راح يعوفني ويروح...
خليل:- اي بويه وباجر تلتحق انت وعارف اخوك ياخذونكم لبسمايه هناك تدريب لمدة شهر ...
عمر:- أن شاء الله يابه...
خليل:- يله تصبحون على خير...
عمر،هيا:- وانت بخير يابه...
عمر:- ها هيا شبيج شو حسيتج ضجتي ...
هيا:- اي ضجت..
عمر:- ليش خير..
هيا:- راح تروح وتعوفني ابقه وحدي...
عمر:- اي والله لعد شنسوي غير نريد نعيش..راح نروح شهر تدريب ونرجع..
هيا:- شنو شهر والله هواي..
عمر:- اي لعد هو لعب غير جيش وتدريب..
هيا:- الله يحميكم أن شاء الله..للصبح لميت غراضه وسلمت علي وراح كمت ابجي لان تعلقت بي وأكثر واحد تعودت علي هو حسيت عافني وراح بعد ميرجعلي وصل للباب ورجع حضني..
عمر:- هيا ديربالج عله نفسج وعله الي بطنج هذا ابني...
هيا:- تمام أن شاء الله..
عمر:- يله اني رايح مع السلامه..
هيا:- الله وياك...اوف شلون راح أدبر هذا الشهر وهو لاخلالي مصرف لاكلي شتحتاجين ماتحتاجين هذا الشهر لافكر منين راح أدبر نفسي ياربي دخيلك ساعدني...ثاني يوم رحت لهلي وبطني لحلكي كوه امشي واستحي من بطني بقيت لليل يم اهلي تعشيت يمهم ورجعت لبيت عيالي كبل طبيت لغرفتي ومن التعب نمت ماحسيت..كعدت من الصبح هم شغل وخبز وتنظيف وكلام عمتي الي ميخلص بس تحجي عليه وماعاجبه العجب لليل اخذت عشاي وطبيت لغرفتي تعشيت وغسلت مواعيني ورجعت لغرفتي مددت على الجربايه ظهري يوجعني حيل موتني من الالم وتعبانه كلش كلت خلي انام شويه بلكت ارتاح جانت حماتي كاعده بغرفتي تباوع مسلسل فجأه حسيت بألم قوي بطني وظهري كعدت على حيلي اوف ياربي شنو هذا الالم راح اموت حماتي كاعده شافتني...
ود:- شبيج هيا..
هيا:- مادري ود الم قوي بطني وظهري..
ود:- خل أصيح امي تجيج..
هيا:- لا عوفيها خليه نايمه خطيه مابيه شي..
ود:- صدك تحجين شوفي حالتج خل اروح اصيحه واجيج..
هيا:- راحت ود واني الوب بالغرفه ياربي راح اموت..
ود:- خيريه خيريه اكعدي هيا مدري شبيه..
خيريه:- شبيه ياستار..
ود:- مادري بطنه وظهره..
خيريه:- يا روحي كعدي امي هاي تطلك تريد تجيب خطيه..
ود:- اي هسه اصيحه..
هيا:- اجت خيريه تركض كلتلي انت عندج ولاده لمن غراضي وغراض الطفل..طبعا امي جهزت للطفل لان عمر ماينطيني مصروف ابد..خيريه ماروح مابيه شي..
خيريه:- كومي شنو مابيج شي ليموت الطفل بطنج كومي...
هيا:-كمت واني كوه امشي من الالم اجت عمتي وخلدون وراحو صاحو امي حته تمشي ويانه اجرلنه تكسي لان ماعدنه سيارة ورحنه عله امي اخذناهه وطلعنه للمستشفى امي الطريق كله تبجي خايفه عليه وصلنه للمستشفى دخلوني عله صالة الولاده شكلولي مغذي وضربوني ابره وره ساعتين تقريباً ولدت شفت ابني نزلن دموعي من الفرح وضايجه لان عمر مموجود بهاي اللحظه كلش احتاجه وهو مموجود يمي...اجاني ابني حبيبي نور حياتي سألتني الممرضه شنو راح تسمي..اسمي علي ..
-عاشت الاسامي حلو اسم علي..
هيا:- تسلمين حبيبتي..صارت الساعه ١٢ طلعوني من صالت الولاده جان الجو كلش بارد شهر ١٢ يوم ١٢ سنة ٢٠١٢ ولادة علي كان يوم مميز كلش ..طلعوني من المستشفى امي كلتلهم أخذه يمي لان تعرف يكتلني الجوع ومحد يدير باله عليه ..وصلنه للبيت الساعه ١ بالليل نيمتني امي يمه بالغرفه خطيه بابا طلع من الغرفه نام بالاستقبال علمود اني اخذ راحتي لان يدري بيه استحي منه ...الليل كله سهرانه امي ويه علي كل شويه ترضعه وتبدله حفوظه .. للصبح اجه خلدون جايبلي ريوك كعدت تريكت شويه اتصل عمر عله خلدون كله اني يم هيا كله نيطنياها اريد احجي وياهه اخذته وحجيت ويا سلم عليه جان كلش فرحان ويسألني عله علي شلونه سمين ضعيف حلو لو لا ...طبعا علي كلش حلو سمين وعيونه كبار ورموش ثخان وسود حبيبي علوش شمعة بيتي ..انت شوكت تنزل من الدوام..
عمر:- والله عدنه تدريب ومادري شوكت ينزلونه..
هيا:- ترجع بالسلامه أن شاء الله..
عمر:- الله يسلمج..يله الله وياج وديربالج عله علوش..
هيا:- أن شاء الله الله وياك.. سديت الموبايل ورجعته لخلدون..امي خطيه حايره بعلي تكمطه وتنظفه وترضعه ودايره باله عليه تعبت وياي كلش خطيه اجن نسوان المنطقه واجبني وحمواتي هم اجن كلش فرحانات صار عدهن ابن اخ علي أول حفيد ولد الهم لان خيريه جابت بنيه عمره ٣اشهر ... وعمتي يوميه تجي يمي وتسوي روحه مريضه تمدد يمي وتصيح اخ واخ تريدني ارجع للبيت حته اشتغل وانظف اخر شي خابرني عمر كلي ترجعين وغصبا عليج نقهرت كلش ليش هيج يعاملني مرن عشر ايام من ولادتي وقررت ارجع لغرفتي كافي يوميه مخابرني ويعيط عليه كلت لامي اريد ارجع لبيت عيالي مقبلت كوه قنعته ورجعت ثاني يوم من رجعتي لبيت عيالي نزل عمر من الدوام ميدري بيه اني رجعت لغرفتي طب للبيت تقريباً ١١ الصبح طب للغرفه شافني نصدم حته كلمة شلونج كوه طلعت من حلكه طركع عيونه عليه ونقهر لان رجعت..يربي شبي هذا ضايج مو هو يريدني ارجع للبيت شو هسه رجعت هو ضاج ليش هيج شبي هذا حته ابنه ماشافه ولاباسه رأسا طلع من الغرفه طلعت ورا..
عمر:- يمه هاي ليش رجعتيه اني جاي من الدوام تعبان واريد ارتاح ليش ماخليتيه يم اهله ..
فهيمه:- يمه شتسوي باقيه يم اهله كلشي مابيه وهيه شمسويتلك نام شعليك بيه..
عمر:- وين انام هيه وابنه يهوسون عله راسي..
هيا:- اني سمعته هيج يصيح بصوت عالي كدام امه وخواته وخيريه نقهرت كلش وكعدت ابجي هذا ليش هيج يتعامل وياي هو مو ابنه بدل مايفرح بوجود ابنه بالبيت هيج يسوي ميريدنه لا اني ولا ابنه..طب للغرفه بدل ملابسه وطلع لليل اجه تعشه وهم رجع طلع ل١١ طب الغرفه كالب وجهه وميحجي وياي بدون سبب كعد كلب بالموبايل شويه وطلع اني طلعت ورا اريد اشوف وين رايح خليته يمشي شويه طلعت شفته راح لبيت جيرانهم.. ياحقير يعني ميريدني ارجع يريد ياخذ راحته ويه علياء اني أعلمك اليوم شوف شسوي شفته صعد السطح واني صحت بصوت عالي.. عمر عمر شتسوي وين رايح..كام يأشرلي من بعيد..
عمر:- اسكتي لتعيطين ليسمعوج الناس وتصيرلنه فضيحه..
هيا:- لعد انت من صعدت السطح واعدته مخفت تصير فضيحه..
عمر:- اششش لج اليوم اني اعلمج ..
هيا:- اجه ركض صم حلكي بأيده وسحلني للغرفه..ماتحرك اليوم ولا امشي ليش هيج تسوي بيه ليش لسه ماعفته واني اعيط ماحس غير اجتني ضربه قويه وسحلني من شعري للبيت (بيت عيالي قديم ودايبنون بيت جديد )سحلني للبيت الي بعده ممكمل بس هيكل جان اكو برميل بالباب سحلني وشمرني علي اجت الضربه براسي وكعت من طولي بعد ماحسيت عله شي وبده يضرب بيه واني توني جايبه نهاني من الضرب يغلط عليه ويضرب كمل ضرب سحلني للغرفه من شعري وشمرني بيه عافني وطلع نام برا اني بقيت كاعده للصبح ابجي..ليش هيج ياربي هاي جزائي ليش لان حبيت احمد هيج يصير بيه هذا الطفل شنو ذنبه توه جاي للدنيا ابو هيج اوف ياربي ليش ..للصبح كاعده ابجي حسيت علي يحجي ويه امه وكفت اسمع شيحجون..
عمر:- يمه يمه هاي ماريده وهسه تودينه لهله سمعتي مره متصيرلي هاي..
فهيمه:- ياستار ليش يمه شمسويتلك..
عمر:- يمه ماريده ولو عله كصاص ركبتي ماتضل يمي هاي ماحبه..
فهيمه:- اكعد راحه يمه وليش متريده من كونك متريده شكو تزوجته..
عمر:- اني ماردته انتم جبرتوني عليه..
فهيمه:- احنه جبرناك لو انت كتلت نفسك تريده..
عمر:- يمه ماريده اني اثول وقبلت بيه..
فهيمه:- ليش ماتريده وشتكول علينه الناس المره توه جايبه وانت تحجي هيج خاف تحب وحده..
عمر:- اي احب وحده وهيا ماريده ترجعينه لهله سمعتي..
فهيمه:- لا مارجعه منو يشتغلي اذا راحت بيه اشتغل واخبز اني خليه فايدتنه..
هيا:- نهاريت من سمعت هذا الكلام تصنمت بمكاني ماحس غير دفره شلعت الباب عطت بصوت من الخرعه كعد علي يبجي ماحس غير...
يتبع.....
