ظننته رجلاً

البارت الثامن

متى يستريح القلب أما مجاور...
حزين وأما نازح يتذكر...
-فتحت الكيس وجان اشوف بي بسمار ملفوف علي خيط ابيض ومعكود هواي عكدات ويا ورقه بيضه مكتوب عليه قدوح مدوح بدوح تخريب وموت والباقي طلاسم مفهمت شي منه وبيها حروف والورقه مزرفه مثل المحروكه بخور رحت راويتهه لخيريه..اكلج خيريه شوفي شنو هذا لكيته بغرفتي..
خيريه:- شو انطيني اشوف.. عزااا ولج هذا سحر ليش تجيسينه..
هيا:- يااا سحر..
خيريه:- اي اي جيبي خل نذبه..
هيا:- رحنه ذبينا بالمجاري..
خيريه:- هذا عمر من السحر ميحبج ولايريدج..
هيا:- ها معقوله هيج..
خيريه:- اي هذا سحر للتفرقه بيناتكم وحته يصير كره الكم...
هيا:- الله ينتقم من كل وحده حطته بغرفتي..خليت ورحت لغرفتي شويه اجه عمر طب للغرفه شاف التغيير ولا اهتم سد الباب وكعد بيده بطل كعد يشرب عادي عنده ولا كأنو اني موجوده بالغرفه..
هيا:- عمر شنو هذا..
عمر:-هذا عرك تعاي هاج اشربي..
هيا:- عمر ليش تشرب بالغرفه مو نصلي بيه ونقرا قرآن..
عمر:- يله زليخه شبيها تستحرم ..
هيا:- نقهرت كلش من تصرفه هذا يعني وصلته بي يشرب بالغرفه وكدامي ولامهتم ..ظل على هذا الوضع مره مرتين حجيت ويا مفاد خليته وطلعت وره ايام التحق للدوام واني قربت ولادتي ..نايمه بالليل وماحس غير نفس الوجع الي حسيت بي من طلكت بعلي رحت ركض كعدت عمتي اخذتني هي وامي وصلنه للمستشفى دخلوني على صالة الولاده وره ساعة تقريباً ولدت..
الدكتورة:- الحمدلله على السلامة..
هيا:- الله يسلمج..
الدكتورة:- ولدتي ولد شراح تسمينه..
هيا:- ضجت كلش هاي ثاني طفل وعمر ماموجود لو يريد جان أخذ إجازة واجه بس هو ميريدنه...اسمي حيدر ..
الدكتورة:- عاشت الاسامي حبيبتي..
هيا:- طلعت للبيت هاي المره رجعت بغرفتي ماقبل عمر اروح يم اهلي فرحان كلش لان صار عنده ولد ثنين ممصدك رغم هو مو بحالي ولا بحال علي هيج مجرد يتباها بيهم طبيت لغرفتي لكيت البنات محضراتلي فراشي اني والطفل خطيه نمت واجن كلهن التمن عليه مكيفات بيه وبالطفل وخيريه ما اجت ولا وصلت مقهوره لان صارو عندي ولد ثنين وهيه بس بنيه عده وقررت تسوي طفل لان شافت عمي وعمتي فرحانين بيه وبالجهال وحمواتي كلش فرحانات..اجه عرفان سلم عليه وباركلي ومكيف بالجهال طبعا حيدر كلش يشبه عرفان بس الفرق عرفان عيونه ملونه وحيدر عيونه لونهم اسود مرت فترة الكل فرحان بالجهال ويلعبون وياهم واني 3 ايام من ولادتي وكمت اخبز واشتغل ميخلوني انام وارتاح صار عمر حيدر ٢٣ يوم اني مثل كل يوم بالمطبخ اطبخ الظهر ماحس غير دوريات وكفت بالباب تسودنت ركضت لعمتي كتله ركضت عله عمي..
فهيمه:- خليل خليل..
خليل:- خير شكو شبيج..
فهيمه:- الحك هاي الشرطه واكفه بالباب..
خليل:- أنه اخوك ولج بس لا يردوني..
فهيمه:- ليش يردونك شمسوي انت..
هيا:- بهاي الأثناء اجه ابن عم عمر يركض ..
كاظم:- عمي عمي الحك..
خليل:- خير ولك شكو..
كاظم:- عمي ذوله الشرطه اجو يردونك..
خليل:- يايابه ولج فهيمه راح ياخذوني..
فهيمه:- صخام الصخمني يبوووو يبووو ليش يخليل شمسوي يبوووو ..
هيا:- نكلبت الدنيا يمنه والبجي والصريخ عمي سلم نفسه للشرطه لان متهم بجريمة قتل عمتي ملخت نفسه والبنات وخلدون وعارف يبجون اني بجيت علي لان كلش خوش رجال وحباب ومن دونهم كلهم هو يحبني ومدللني حاسبني مثل بناته ولايوم غثني بحجايه ..راح خلدون ورا للمركز وره ساعتين رجع يبجي..
فهيمه:- خير ولك يمه وكعت كلبي شبيك تبجي ابوك شبي ...
خلدون:- يمه ابوي بعد ميطلع من السجن متهم بجريمة قتل ..
هيا:- اشوف الكل شلون نهارو ويبجون اني وياهم ابجي نقهرت كلش راح الي جان واكف وياي راح الي جان يصدهم وميخلي واحد يغثني بحجاية أو يسويلي شي ..اتصل عليه عمر لان سمع بالموضوع ويسألني على امه شلونهه خايف عليه خاف يصير بيه شي من القهر بالعكس هيه فرحانه اصلا تطلع وتطب براحته جان ميخليه هيه اخذت مطلق الحريه ..محجيتله شي كتله زينه الحمدلله..مرة فترة واليوم محاكمة عمي راحو خلدون وعارف لان عمر جان بالدوام ..اجه خلدون من المحكمه..
فهيمه:- ها يمه بشر ولك شصار بالمحكمة..
خلدون:- يمه مايطلع ابوي نحكم ١٥ سنه..
فهيمه:- يبوووو صخام الصخمني دخيلجن يبنات الحسن صخام الصخمني..
هيا:- من سمعت هيج فرفحت من البجي واباوع شلون الكل منهارين ويبجون عمر نزل من الدوام واجه يدك ويطلم ويبجي اول مره اشوف عمر دموعه تنزل ومكسور اوف نقهرنه حيل مأساة صارت بينه مرة ايام والكل تعود على غياب عمي وخيريه طلعت حامل والكل فرحان ويدعي كون يطلع بيه ولد وخلدون يدعي يريد ولد..اني نفس حالتي من ضيم لضيم وحيدر وعلي كبرو وعمر بعده يشرب وماينطينه مصرف ..يوم من الايام جنه كاعدين كلنه بالغرفه مالت عمتي اجه عارف لامه..
عارف:- يمه يمه تعاي اكلج ..
فهيمه:- هاي يمه خيرك شكو..
عارف:- يمه اريد اتزوج اخطبيلي مره..
فهيمه:- اي يمه عندك وحده بالك اخطبه الك..
عارف:- اي يمه بنت جيرانه سرى اريده حلوه وحبابه خوش بنيه..
فهيمه:- يا يمه مينطوهه هاي لو نموت وابوك بالسجن وسمعتنه موخوش صارت كدام الناس ..
عارف:- يمه بس اخطبيه ومعليج انت..
فهيمه:- لا ما اخطبه..
هيا:- صعد فوك السطح عنده طيور حمام فوك السطح يطيرهن ويصيح من فوك..
عارف:- يمه لو هيه لو ما اتزوج ..
فهيمه:- تعال احاجيك يمه شبيك تخبلت..
هيا:- شمر الموبايل مالته من فوك وكلب الدنيا..
عارف:- يمه ما اتزوج غيره لو تنكلب الدنيا وإذا ماتخطبينه لاتدورين غيره..
فهيمه:- ميخالف يله اروح اخطبه بس اذا مانطوهه ماعليه اني سمعت..
عارف:- اي بس روحي انت معليج واليوم بالليل ترحين..
فهيمه:- خوش اروح..
هيا:- لليل اخذت خيريه وراحت تخطبه حاجايت ويه امه كايلتلهن اشوف ابوه وارجعلكم خبر ..رجعن وهو تلكاهن ملهوف يركض..
عارف:- ها يمه بشري..
فهيمه:- يمه باجر يرجعولنه خبر يشوفون ابوه وعمامه اذا ينطون ..
عارف:- أن شاء الله يوافقون..
فهيمه:- أن شاء الله يمه..
هيا:- اباوع خيريه فرحانه طبعا هاي كله شغله وتدبيره هيه لعبت براسه حته ياخذه لان صديقته تصير وحجت براس عارف وقنعته حته ياخذه..ثاني يوم رجعولنه خبر انو موافقين ينطون البنيه عارف فرح كلش وكال يومين وندزلهم النيشان امه كلتله ميخالف..
عارف:- هيا اريدج انت تشتريله فستان لان ذوقج حلو..
هيا:- ميخالف تدلل..رحنه ثاني يوم العصر اني وخالتي شتريناله فستان ورجعنا والباقي عمتي شترته وره يومين رحنه اني وعمتي وخيريه للبنيه حته ننطيه النيشان دكينه الباب طلعت امه رحبت بينه وجابتلنه الضيافه..
فهيمه:- ام سرى جا وينه سرى صيحيله خل تجي..
ام سرى:- اي عيني هسه اصيحله...
هيا:- راحت امه صاحتله اجت سرى سلمت علينه وكعدت على صفحه وكالبه وجهه عليه ومتحجي وياي ستغربت كلت هاي شبيه هيج وجهه ثكيل عليه اباوعله متحجي وياي وتباوعلي وتضحك وتسولف بس ويه خيريه لان صديقته وبيناتهن تواصل وخيريه كالبته عليه كلاب مخليته تكرهني وتموت مني تقرا براسه عليه مابيه صوج البنيه الصوج كله من خيريه خلت البنيه تكرهني اني ماهتميت الهن هيج بحالهن اني ..كعدنه شويه وطلعنه رجعنه للبيت تلكانه عارف..
عارف:- ها بشرن..
فهيمه:- يمه حلوه البنيه ونطيناها النيشان ورجعنه..
هيا:- مرة فترة من خطوبة عارف جان يتخربط جد عمر هو تمرض من دخل عمي للسجن بس هسه حالته سائت كلش اخذناه للمستشفى ويصير زين ويرجع يتخربط تعودنه علي ..نفس الوضع عارف يروح للدوام وعمر ينزل من الدوام وعدنه بنيان لان سرى شرطت على عارف اله يبني بيت يله تقبل تزوج متريد بهذا البيت تعيش وحقه وين تكعد بيت خرايب صاير ومابي غرفه اله..علي وحيدر حايره بيهم والشغل والطبخ تعبت كلش وكل فترة اروح لعمي بالسجن اشوفه واني من اروح ابجي علي لان احبه كلش وهو هم يحبني ويسألني على علي وحيدر كبرو شلون صارو اني اكله اي كبرو هو ينقهر لان ماشافهم من كبرو يحبهم كلش شفنا ورجعنه للبيت اني وعمتي وخيريه وعمر ..اني قررت بعد ما اسوي جهال لان كلبي نشلع وروحي لعبت وسويت كلشي مانع وأبر منع حمل ضربت وكله مفادني وماتلائم ويه جسمي وكلما اضرب ابره يصير عندي نزيف حايره شسوي بروحي تعبت من الحمل والضيم والشغل ..عمر التحق للدوام وره يومين اجتني خيريه للغرفه تركض ..
خيريه:- هيا اكلج شغله ومتكولين..
هيا:- كولي والله ما اكول ..
خيريه:- عمر يبلع حبوب..
هيا:- شنو صدك تحجين انت..
خيريه:- اي والله صدك..
هيا:- شلون عرفتي..
خيريه:- اخذتله خيره وطلعلي بالخيره هو يشرب حبوب..
هيا:- اني صدكت مو لان اخذتله خيره بس صدكت لان هو يشرب ومو بعيده علي ياخذ حبوب كمت ابجي ماتحملت رحت اتصلت علي وسديت الباب خاف أحد يسمع أو خيريه تسمع..
الو عمر..
عمر:- هلو هيا شلونج خيرج شبي صوتج..
هيا:- عمر صدك انت تاخذ حبوب مخدرات..
عمر:- منو كلج اني اخذ حبوب ..
هيا:- اكلك بس عليك الله متكول..
عمر:- كولي والله ما اكول..
هيا:- خيريه كلتلي..
عمر:- تجذب عليج هاي بعدين منو كللها اني اخذ حبوب ..
هيا:- تكول اخذتلك خيره وعرفت..من كلتله هيج كام يضحك..
عمر:- هههههههههههه شلها بيها هاي..
هيا:- حسيته يجذب عليه ماصدكت بي سديت الاتصال منه ورحت ..ثاني يوم رجع اتصل بيه ..
عمر:- هيا اكلج بس متزعلين..
هيا:- شنو كول..
عمر:- اي صح اني اخذ حبوب بس صدمتني خيريه شلون عرفت بيه اخذ حبوب..
هيا:- نقهرت كلش من سمعته هيج كلي..عمر ليش تاخذ حبوب..
عمر:- لاتسأليني اني رب ماضل براسي..
هيا:- ليش شبيك ..من كتله هيج كام يكفر وسد الموبايل بوجهي كعدت ابجي لان ياخذ مخدرات يوم عن يوم أنصدم بي احس نفسي بعدني ما اعرفه رغم صارلنه 3 سنوات سوه ..ثاني يوم الصبح اجتني خيريه..
خيريه:- اكلج هيا امشينه خل نروح نحف..
هيا:- بس ماعندي فلوس بيمن احف..
خيريه:- اخذيله اي شي هاي حبابه متحجي..
هيا:- خوش يله رحت لعمتي عده حليب ولبن اخذت بطل حليب وبطلين لبن ورحت عله خيريه حته نروح ..
رحنه اني وياهه للحفافه حفينه ورجعنه تلكانه عارف بالباب يضحك علينه كللنه اوكفن خل اشوف منو أحله حواجبه..باعولنه كال هيا أحله وكام يضحك اني ستحيت كلش وضحكت عله ضحكته بس هو يتشاقه ويانه حاسبينه مثل اخونه خيريه ضاجت لان هيج كال اني خليت وطبيت لغرفتي مالي خلك هاي السوالف طبيت للغرفه لكيت الجهال نايمين يم حمواتي كعدت بالغرفه ميجيني نوم وحرت شنو اسوي باوعت دنيا ظهر وماعندي شي كلت خلي ارسم (طبعا اني رسامه ورسمي كلش حلو ) عندي الوان واقلام طلعتهم وكعدت ارسم عله الحايط بغرفتي ظليت ارسم بالرسمه ل٤العصر يله خلصته وره شويه طب عارف للغرفه يمشط شعره دائما هو يمشط بغرفتي جان واكف على ميز التواليت ويمشط جان يصفن ويصيح اللهم صل على محمد وال محمد..
عارف:- ولج هيا شنو هاي بغرفتج تعاي شوفي...
هيا:- شنو شكو شبيك عارف ..ضل مصدوم وفاتح عيونه ..
عارف:- ولج شفت الامام العباس بغرفتج هذا بالمرايه اشوفه..
هيا:- اني من كلي هيج وكعت بالكاع من الضحك..
عارف:- شبيج تضحكين والله صدك ماجاي اتشاقه اني ..
هيا:- هاي رسمة اني رسمته..دار وجهه وشافه بالحائط..
عارف:- صدك هاي شلون رسمتيه والله حلوه عاشت ايدج..
هيا:- اني ضحكت علي شلون موقف صار ويا ورجعت للمطبخ كملت العشه لليل صبيتلهم عشه وكملت شغلي ورحت لجهالي طبعا علوش فطمته من الممه لان ماكدر ادبرهم ثنينهم حليب كمت اشرب حيدر ممه وعلي حليب من البقره مالت بيبيته وتعود علي الحمدلله ..فرشت لجهالي ونيمتهم ..اليوم اول يوم بشهر محرم الحرام لبسنه اسود كلنه وبدت علامات الحزن تبين ..كملت شغلي وسويتلهم غده صبيت الغده كاعدين نتغده شلته راسي جان اشوف خلدون صافن عليه باوعتله دنك راسه اني دنكت راسي شال راسه باوعلي اني سويت نفسي ما ادري خليت وكمت طبيت لغرفتي..يربي شبي هذا يباوع ..ثاني يوم كعدت الصبح كملت شغلي ماعجنت لان عندي خبز للعصر يله عجنت اخذتلي ساعه لمن اختمر العجين ورحت شجرت التنور وعلكته خليته يهفت شويه وكفت اخبز شويه اجتني خيريه كالت اني رايحه لسرى مسويتلي كيكه لخلدون كتله ميخالف روحي..كاعد اخبز وجان يجي خلدون وكف يمي ويباوعلي بنظره غريبه اني خفت كلش وكمت ارجف رجليه بعد ما اكدر اوكف عليهن من الرجفه والخوفه .دنك هو أخذ خبزه وكام ياكل بيه ويباوعلي من فوك لجوه ..
خلدون:- هيا..
هيا:- ها..
خلدون:- من تكملين خبز تعالي وراي عندي شغله وياج..
هيا:- ماشي بس اخلص.اني خفت كلت بس لا عمر صاير علي شي مافكرت بشي ثاني غير عمر خلصت خبز وديت للمطبخ باوعت ملكيت خلدون يم التنور بقيت ادور عليه وصحت خلدون خلدون...
خلدون:- ها اني هنا..
هيا:- باوعت شفته بالبيت الجديد الي نبني بي رحتله ..ها خلدون خيرك شتريد ..
خلدون:- تعاي طبي جوه..
هيا:- شنو شتريد كول..
خلدون:- انت شمسويه طبي جوه اكلج لايشوفنه واحد هنا..
هيا:- اني صدكته عبالي مسويه شي طبيت وطب وراي ..طب للغرفه اني واكفه..
خلدون:- تعاي شبيج خايفه..
هيا:- ها لا ماخايفه منين خايفه واني بداخلي ارجف ..احجي شكو شمسويه اني ماحس غير لزمني من ايدي وجرني على الحايط وتقرب عليه لزم اديه ثنينهن خلاهن على الحايط وتقربلي..شبيك خلدون وخر عني...
خلدون:- بس بوسه هيا حبابه بس بوسه..
هيا:- دفعته حيل وكمت أصيح جان يسد حلكي بأيده ..
خلدون:- اششش اسكتي فضحتينه..
هيا:- عضيته من ايده وشردت مالحك بيه مكدر يكمشني اخذته ركضه وحده للغرفه طبيت وقفلت الباب واني ارجف وأبجي ..جان يندك الباب حيل اني خفت عبالي هو رجعلي صحت منو وصوتي يرجف وأبجي..
عارف:- اني هيا افتحي الباب..
هيا:- رتاحيت كلش وركضت فتحت الباب واني ارجف ومتلبكه هو شافني ..
عارف:- هيا شبيج ترجفين...
هيا:- سولفتله شسوالي خلدون واني ارجف وأبجي اني راح اروح اسولف لاهلي ..
عارف:- لا لتسولفيلهم اني اتصرف معليج راح اروح لسيف اكله ونبسطه اني ويا ..
هيا:- اي..سكتته محجيت عارف راح لسيف وسولفله تقريباً الساعه بل٩بالليل اجه سيف سلمت علي وكعد يمي ..
سيف:- سولفيلي هيا شسوالج خلدون...
هيا:- كعدت سولفلته الي صار هو صارن عيونه براسه خابر عله خلدون ..
سيف:- خلدون تعال اني بغرفة هيا..
هيا:- اجه خلدون بس بالشورت جان نايم يم خيريه دخل للغرفه سلم على سيف مد أيده سيف سحب أيده وضربه راشدي بكل قوته..
سيف:- نوب خل اشوفك متقرب لهيا واني االك والله أحط طلقه براسك ومحد يكدر يمنعني..
خلدون:- ليش شمسويله اني..
سيف:- وبعدك تنكر ياحقير فوك كل هذا الي مسوي لك مستحيت مرة اخوك هاي شكد نذل انت ..
هيا:- رجع ضربه على راسه حيل وصار صوته عالي خلدون شرد لغرفته..سيف اسكت حبابه ليسمعوك وننفضح..
سيف:- اقفلي الباب عليج قبل لتنامين ..
هيا:- ماشي ..راح سيف اني قفلت الباب ورا ورحت نمت ..كعدت الصبح خلدون ميباوع بوجهي يستحي مني اني بعد محجيت ويا حقير ..ثاني يوم نزل عمر من الدوام والتحق عارف ...وصل عمر بالليل غسل وبدل صبيتله عشه تعشه وكمل شلت الصينيه خليته بالمطبخ ورجعت للغرفه فتحت الباب لكيته نايم ..
عمر:- هيا اقفلي الباب وتعالي ..
هيا:- قفلت الباب واجيته..
عمر:- تعالي نامي يمي..
هيا:- صعدت نمت يمه تقربت حضنته هو هم حضني..
عمر:- مشتاقلج هيا..
هيا:- اني هم مشتاقتلك باسني اني دفعته وكمت ابجي وصيح وخر عني وخر..
عمر:- شبيج هاي شسويتلج اني ..
هيا:- ساكته محجيت بس ابجي هو باوعلي شافني ابجي..
عمر:- هيا ترا والله مارايح لبنات موزينات ولاشارب ولابالع شبيج..
هيا:- لا مابيه شي هو ضل يلح ..
عمر:- هيا بيج شي سولفيلي..
هيا:- شفته أصر على الموضوع سولفتله الي صار وشلون سيف ضرب خلدون..شفته نصدم بأخو وبقه صافن..
عمر:- اسكتي هيا هذا الموضوع للطير الطاير متسولفي سمعتي ..
هيا:- لا ما اسولف بس اريدك تحاجي وتكله لايتقرب مني لان من تروح للدوام اخاف انام أو أطلع بسببه..
عمر:- لا ما احاجي..
هيا:- ليش متحاجي..
عمر:- لان بس أحاجي راح نتعارك واني ماريد اتعارك ويا ..
هيا:- صفنت وكلت بكلبي هذا اذا تفكيره هيج ماراح يعوفني بحالي خلدون ..كعدو الصبح وعمر سلم على خلدون وسوالف وضحك ويا وكأنما ماصاير شي اني نصدمت ...بعدين كلت يله مراح يعيده لان سيف خوفه وضربه وهو جبان ..اجو العمال من الصبح وسوينالهم ريوك اني وخيريه..خيريه تساعدني من يجون عمال لان الشغل هواي يصير ومن ميجون عمال متساعدني بقو يجون العمال يوميه من الصبح للعصر عمر التحق للدوام لان صار اسبوع من اجه من الدوام ونزل عارف بمكانه ..كاعدين نشتغل اني وخيريه بالمطبخ اجانه عارف...
عارف:- البيت راح يخلص ومن يخلص اني اتزوج أن شاء الله..
هيا:- خير أن شاء الله..وره فترة تخربط جد عمر اخذنا للدكتور كال هذا يموت ميعيش اجه عارف ضايج..
عارف:- يمه ..
فهيمه:- ها يمه خير شكو..
عارف:- يمه اني اريد اتزوج قبل لايموت جدي..
فهيمه:- يايمه وين تزوج هيه 3غرف عدنه وحده لخيريه وحده لهيا وحده النه ..
هيا:- شفت عارف خانك كلش وضاج...
عارف:- يعني ماكو حل ابقه..
هيا:- خله وطلع ثاني يوم التحق للدوام ونزل عمر بمكانه كضه اسبوع إجازته كله بالمستشفى ومن خلصت الاجازه التحق ونزل عارف الساعه تقريباً بل٩ بالليل وصل للبيت عارف طب يلم علينه وتوه يريد ينزع ملابسه مانسمع غير الصياح نكلبت الدنيا رحنه نركض لكينه عمة عمر وجهاله كاعدين يصيحون جد عمر مات كعدنه نصيح ونبجي احنه هم شالو اخذو غسلو وزورو الساعه ب٣ الصبح جابو التابوت واحنه كمنه نصيح ونبجي والوادم لتمت علينه للصبح نصبو الجوادر بالباب عمر اتصلت علي وأخذ اجازه ونزل علمود الفاتحه مالحك بالجنازه لان وصل الظهر هم دافنينه من وصل عمر اجه حضن أمه وكعدو يبجون موقف يكسر الكلب ..طلع للزلم يعزونه واحنه نركض منا ونرد منا اهلي 3 ايام الفاتحه يمنه ومخبوصين وعلي وحيدر وديتهم يم خواتي لان يتخبلون هنا عياط وبجي خلصت الفاتحه وره ٣ايام اجت سرى وأمه وبيبيته علمود عمتي يردن يعزنه وعارف مكيف لان اجت سرى صاحلها وكعدو بغرفة خيريه سدو الباب عليهم وره ربع ساعه فتحو الباب وطلعو نصدمو بالجهال والبنات الي واكفين بالباب ..خيريه كامت تهلهل لان طلعو عارف ضاج كلش..
عارف:- بعياط منو الي هلهلت ..
هيا:- احنه كلنه سكتنه وخيريه سكتت خافت تحجي اني شردت مالي خلكهم..كعد يحلف بيهم واحد واحد لمن عرف خيريه هلهلت ..
عارف:- مو عيب تهلهلين جدي مانشف ترابه بعد وانت تهلهلين..
هيا:- خيريه سكتت ماحجت شي هو خله وطلع ..مر شهرين على الفاتحه واليوم عرس عارف وسرى طبعاً عارف وسرى متزوجين بس هاي كدام الناس عرس وحفله همه يمنه قريب بيتهم ويوميه يرحون للبستان سوه لو يروحلهم نص الليل لبيتهم خطوبتهم طولت ٤ سنوات ..عاقدين همه شيخ ومحكمه زوجته شرعا وقانونا طبعا بالعقد مالتهم صارت مشكله بيناتهم سرى وعارف متفقين على ٢٠مليون وأمه تريد٢٥ عارف نقهر كلش وبالحظة عصبيه سجل ١٠٠ مليون سرى وأمه ممصدكات رادن ينجلطن من الفرح ..اليوم العرس والكل فرحان اني شتريت ملابس بسيطه لان عمر مينطيني مصروف كله من امي لبست ملابسي ولبست جهالي ومكيجت نفسي ورحنه للعرس...
يتبع......