قصة : ( أبليتني بالعشق ) ل سهيلة سعيد المنجي ، فكرة : نور عمر

الحلقة ١٩ و ٢٠

قصة : { #أبليتني_بالعشق } ♥️☎️

الحلقة التاسعة عشر { ١٩ } 📵

ثابت : مرات عمك مكتوبلها دوا قلبت عليه الصيدليات مش لاقيه ، قلت اقولك لو ليك صاحب صيدلي ولا دكتور لإن اديت الروشتة ل هاشم من يومين ومردش عليا ، وبصراحة مش عاوز اسأله تاني
عزيز : لأ هو اكيد نسي يعني ، بس قولي الأسم وانا ب اذن الله هلاقيه
ثابت : انا بعتلك اسمه ع الواتساب ، بالله عليك متنسانيش انت كمان بقا
عزيز : لا والله حاضر ، هشوفهولك انهاردة ب اذن الله
ثابت : ماشي ي زيزو ، شكراً ي حبيبي
عزيز : ع ايه بس ي عمي انت تؤمر
ثابت : الله يخليك ، مع السلامة
عزيز : مع السلامة
( يقفل عزيز ويفتح الواتساب يشوف اسم الدوا ، يكمل مشي ويسأل ف الصيدليات ، يعدي الوقت ، يوصل عزيز العمارة ويطلع ، يقرب ع شقة عمه ويرن الجرس ، يتفتح الباب )
عزيز : عاملة ايه ؟
اسراء ب ابتسامة : الحمدلله ، اتفضل
عزيز وهو بيدخل : عمي هنا ؟
اسراء : اة جوة
ثابت من جوة : تعالى ي زيزو
( يدخل عزيز ويقرب ع عمه )
عزيز وهو بيسلم ع عمه : عمي عامل ايه ؟
ثابت : الحمدلله ي حبيبي ، اقعد
( يقعد عزيز )
اسراء وهي بتقرب عليهم : تشرب ايه ؟
عزيز : لا شكراً مش عاوز
ثابت : لا شكراً ايه هاتيله عصير
اسراء : حاضر
( تدخل اسراء المطبخ )
عزيز : جبتلك الدوا اهو
ثابت : لا والله ، لقيته ؟!
عزيز : اة
( يديله كيس فيه علبة برشام )
ثابت : دة انا كنت قالب عليه الدنيا !
عزيز : لا دورت شوية لحد م لقيته الحمدلله
( تقرب اسراء بالعصير )
ثابت : تسلم ي زيزو والله مش عارف اقولك ايه ، شكراً
عزيز : العفو ي عمي ع ايه !
اسراء : اتفضل
عزيز وهو بياخده منها : شكراً
( تقعد اسراء )
اسراء وهي بتبص لبباها : دة لقيت البرشام ؟!
ثابت : اة عزيز الله يكرمه لقاه
اسراء : طب كويس والله
عزيز وهو بيحط باقي العصير ع الترابيزة : هدخل انا بقا
ثابت : م انت قاعد ي بني
عزيز وهو بيقوم : معلش مقتول نوم والله ، كان عندي شغل كتير انهاردة
ثابت : ربنا يعينك ي حبيبي 
عزيز : لو احتاجت اي حاجة تاني كلمني ع طول
ثابت : متحرمش منك ي بني
عزيز : تصبحوا ع خير
ثابت واسراء : وانت بخير
( يمشي عزيز ووراه اسراء ، يخرج م الشقة )
عزيز : باي
اسراء : باي
( يدخل عزيز شقته وتقفل اسراء )
ثابت : والله عيل جدع
اسراء ب استغراب : مش عارفة لقاه ازاي ، دة احنا قلبنا عليه الدنيا !
ثابت : بصراحة عمري م طلبت منه طلب إلا اما نفذه ع طول ، مع إن يبان لعبي وطايش بس جدع
اسراء : ايوة صح
ثابت : ابقي قولي لخطيبك بقا إن الدوا اتجاب ، دة لو كان لسة فاكر اصلاً إني طلبت منه حاجة !
اسراء ب احراج : حاضر
( تقوم اسراء تدخل اوضتها ، تمسك الفون ، ترن ع هاشم ، ف المستشفى ، هاشم ف الطوارئ رايج جاي مع العيانين بيشوفهم ، يرن فونه كذة مرة من اسراء ، ميردش ، تتنهد اسراء بضيق ، يتبعتلها مسچ ع الواتساب من عزيز ، تفتحه )
اسراء : ايه دة ؟
عزيز : ادخلي ع اللينك
اسراء : اوك
( تدخل ع اللينك ، يتفتح ع فيسبوك رحلة اليوم الواحد لدريم بارك ، تفتح شات عزيز )
اسراء : الله دي امتى ؟
عزيز : بعد بكرة ، انا بعت ل رنيم وقلت ابعتلك ، شوفي هاشم نطلع احنا الأربعة
اسراء : هقوله اكيد
عزيز : بس تردي عليا بكرة بالنهار ، متطوليش عشان الحجز
اسراء : لا حاضر والله بكرة هرد عليك
عزيز : اشطاا
( تاني يوم ، اسراء بتكلم هاشم ف الفون )
هاشم : م قلتلك نسيت ي اسراء
اسراء بتنهيدة : طيب ي هاشم ، كان في رحلة لدريم بارك هتطلع بكرة ، هنطلع انا وانت ورنيم وعزيز ف ايه رأيك ؟
هاشم : دريم بارك ايه ي هبل انتوا !
اسراء : ايوة نتفسح
هاشم : وملقتوش فسحة غير دريم بارك ، انتوا اطفال اوي !
اسراء : عادي يعني ، هي مش للأطفال بس دي ملاهي للكل !
هاشم : لا مش هروح انا
اسراء : ليه ي هاشم ؟!
هاشم : ماليش ف جو التنطيت دة ، ملاهي ايه بس !
اسراء : بس انا نفسي اروح
هاشم : انا اصلاً مقدرش اروح انا ف شفت شغل م انتي عارفة
اسراء : دة يوم طيب مفيهاش حاجة ، خد اجازة
هاشم : صعب اليومين دول بجد
اسراء : طيب هروح انا معاهم
هاشم : هو قلتي مين رايح ؟
اسراء : رنيم وعزيز
هاشم : بس ؟
اسراء : وكان انا وانت المفروض
هاشم : امممم
اسراء : انت مش جاي كدة ، هروح معاهم انا
هاشم : دي امتى بقا ؟
اسراء : بكرة ، هنتحرك تمانية الصبح
هاشم : فكك منهم طيب ونبقا نروح انا وانتي اي مكان تاني ف الأجازة
اسراء ب اصرار : لا انا نفسي اروح الملاهي بجد دي دريم باااارك !
هاشم : طيب ي اسراء براحتك
اسراء : وبعدين انت مبتاخدش اجازة اصلاً !
هاشم بحدة : شيفاني بلعب يعني مش شغل دة !
اسراء : لا شغل ي سيدي ، انا الي رايحة العب
هاشم : انتي عاوزة تعملي حوار بقا !
اسراء : والله العظيم مفياش حيل لحوارات ومش عاوزة اعمل حاجة ، كل الي انا عوزاه إننا نعدي كام يوم واحنا تمام من غير خناق بس
هاشم : ربنا م يجيب خناق
اسراء بتنهيدة : يارب
( تقفل اسراء وتبعت ل عزيز ع الواتساب )
اسراء : عزيز
اسراء : هاشم مش هييجي عشان شغله
اسراء : انا بس الي هاجي
عزيز : ماشي  
عزيز : تكوني جاهزة تمانية الصبح ، اوعي تتأخري عن كدة عشان الباص ليه ميعاد
اسراء : حاضر 
عزيز : هأكد ع رنيم
اسراء : تمام
عزيز : انتي كويسة ؟
اسراء : اة
عزيز : اوك
عزيز : اشوفك بكرة
اسراء : ب اذن الله
( يقفل عزيز ويكلم رنيم يأكد عليها الميعاد ، تاني يوم الصبح ، تصحى اسراء وتلبس بنطلون چينز وبادي اوف وايت وعليه چاكيت چينز وكوتشي ابيض وتفرد شعرها وتحط ميكب نود بسيط ، عند عزيز ، قاعد ع طرف السرير بيلبس الكوتشي ، لابس بنطلون جينز تلجي وقميص ابيض وكوتشي ابيض ، يخلص ويمسك فونه ، عند اسراء ، يرن فونها ، تمسكه )
اسراء : الو
عزيز : صباحو
اسراء : صباحو
عزيز : خلصتي ؟
اسراء : اة خلاص ، وانت ؟
عزيز : خلصت ورنيم مخلصة من بدري
اسراء : طب هننزل حالاً ولا ايه ؟
عزيز : اة عشان لسة هنعدي ع صاحبتها
اسراء ب استغراب : صاحبتها مين ؟!
عزيز : صاحبة رنيم جاية معانا
اسراء : طب اوك ، يلا بقا عشان منتأخرش
عزيز : هرن ع رنيم تنزل وانتي اطلعي يلا
اسراء : اوك ، باي
عزيز : باي
( تقفل اسراء وتاخد شنطتها وتمشي ، تفتح باب الشقة وتطلع مع طلوع عزيز )
عزيز وهو بيقفل الباب وراه وبيتكلم ف الفون : طب يلا هنستناكي تحت ونطلب العربية
( تبصله اسراء )
عزيز وهو بيقرب عليها : اتصلي شوفيها بقا عشان متأخرناش ، ماشي باي
( يقفل عزيز ويبص ل اسراء )
عزيز : عاملة ايه ؟
اسراء : الحمدلله
عزيز : تعالي ننزل هتحصلنا
اسراء : اوك
( ينزله تحت يستنوا قدام العمارة ، يمسك عزيز فونه ويطلب اوبر )
اسراء : هي صاحبة رنيم ساكنة بعيد ؟
عزيز : لا بعدينا بشارعين كدة
اسراء : طب مش هتأخرنا يعني
عزيز : المفروض
( تقرب عليهم رنيم )
رنيم : صباح الفل