قصة : ( أبليتني بالعشق ) ل سهيلة سعيد المنجي ، فكرة : نور عمر

الحلقة ٢٨

الحلقة الثامنة والعشرون { ٢٨ } 📵

عزيز : معلش ي تيتة يومين كدة ، مش عاوز اطلع فوق دلوقتي 
الجدة : طيب ي حبيبي مش هضغط عليك ، انت كدة كدة مونسني
( يبوس ايدها )
عزيز : هدخل اخد دش ، معندكيش اي هدوم ليا ؟
الجدة : شوف ف الدولاب بتاعكم
عزيز وهو بيقوم : اوك
( يدخل عزيز اوضة ، يفتح الدولاب ، يطلع شورت وتيشيرت ، يلاقي فستان اطفال متعلق ، يفتكر إنه الفستان الي اسراء كانت لبساه ف الفرح وهي صغيرة ، يحط ايده عليه ويبتسم ، بعد شوية ، يرن جرس باب بيت الجدة )
الجدة وهي بتقرب ع الباب : ايوة جاية
( تقرب تفتح )
الجدة : تعالي ي حبيبتي
اسراء وهي بتدخل : عاملة ايه ؟
الجدة : بخير ي روح قلبي
اسراء وهي بتحط اكياس ع الترابيزة : بابا جابلك الخضار اهو
الجدة وهي بتقعد : متحرمش منه يارب 
اسراء وهي بتقعد : تسلمي ، مش محتاجة حاجة اعملهالك ؟
الجدة : لو هتعبك بس تغسلهولي وتحطيه ف التلاجة
اسراء وهي بتقوم : عيوني حاضر
الجدة وهي بتقوم : تسلملي عيونك الحلوة ، انا ف اوضتي بقا
اسراء : ماشي ي قلبي
( تاخد اسراء اكياس الخضار وتدخلها المطبخ وتبدأ تغسلها ، عند عزيز ، يخرج م التويليت لابس شورت بس وحاطط الفوطة ع دماغه )
اسراء وهي طالعة م المطبخ : تيتة انا شيلت ال ........................
( يخبطوا ف بعض ، يمسكها عزيز ، تقع الفوطة ف الأرض ، يفضلوا باصين لبعض ، يسيبها )
اسراء ب استغراب : انت هنا !
عزيز : اة
( تنتبه اسراء لشكله ف تتحرج وتضير وشها )
عزيز : عاملة ايه ؟
اسراء : كويسة ء!
عزيز : يارب دايماً !
اسراء : يارب
( يوطي ياخد الفوطة ويدخل الأوضة ، تبصله اسراء وهو داخل ، تقرب ع اوضة جدتها وتدخل )
اسراء : تيتة انا شيلت الخضار
الجدة : ماشي ي سوسو ، تعبتك ي حبيبتي
اسراء : لا ي قلبي مفيش حاجة ، محتاجة حاجة تاني ؟
الجدة : متحرمش منك يارب
اسراء : هنزل انا
الجدة : ماشي ي روحي 
( تطلع اسراء م الأوضة وتقرب ع باب الشقة ، تبص ع اوضة عزيز وترجع تبص لباب الشقة ، تتنهد وترجع تاني تقرب ع الأوضة الي دخلها عزيز ، تخبط ع الباب )
عزيز من جوة : تعالي ي حبيبي
( تدخل اسراء ، تلاقيه واقف ماسك الفون وباصص فيه )
اسراء : البس حاجة !
( يبصلها )
اسراء : عاوزة اتكلم معاك
( يسيب الفون وياخد التيشيرت من ع السرير يلبسه )
عزيز : اتفضلي !
( تقرب تقف قصاده )
اسراء : مش ناوي ترجع البيت ؟
عزيز : هرجع
اسراء : امتى ؟
عزيز : مش دلوقتي
اسراء : ليه ؟
عزيز : مش حابب
اسراء : مامتك هتموت م القلق عليك !
( ميردش ويضير وشه )
اسراء : مينفعش الي انت بتعمله دة ، انت مش صغير !
عزيز وهو بيبصلها : مهو عشان انا مش صغير !
اسراء : انا عارفة إن الي عمله عمو مرزوق يزعل ، بس مينفعش تحل مشاكلك بالهرب !
عزيز بتريقة : شوفوا مين بيتكلم !
اسراء بعدم فهم : مين ايه ؟!
عزيز : انتي اول واحدة بتعملي كدة
اسراء : انا !
عزيز : اة انتي
اسراء : انا عمري م اتهربت من مشكلة !
عزيز : لا بتتهربي ، بتتهربي مني
اسراء بفهم : احنا مش قفلنا الموضوع دة !
عزيز : انا مقفلتش حاجة ، انا عند كلامي وقده وقاصده ومُصر عليه ، وبعدين متجيش تنصحيني وانتي مش عاملة بالنصيحة دي ، ف عمري م هعرف اصدقك واتقبلها منك ي اسراء !
اسراء : طب يعني مالوش لازمة كلامي معاك ، اوك
( تلف ولسة هتمشي تلاقيه مسك دراعها وشدها عليها ، تصده ب ايدها قبل م تخبط فيه وتبصله )
عزيز : اسراء انا بحبك ، وانتي كمان ، متكابريش ! 
( تتوتر اسراء وترجع خطوة لورا )
عزيز : ليه بتبعديني عنك ؟!
اسراء : عشان مينفعش تكون قريب ، انا كدة بخون هاشم !
عزيز : ولا انتي ولا هاشم بتحبه بعض ، سيبيه ، تكملي ليه مع واحد مبتحبهوش ، انتي بتعذبي نفسك !
( متردش وتدمع عيونها )
اسراء : انت مش فاهم ، الموضوع مش سهل كدة !
عزيز : لا سهل ، زي م بعدتي اول مرة ابعدي تاني
( تنزل دموعها )
اسراء : الأوقات الي فاتت ، كنت محتجالك اوي ، كنت عاوزة ارجع اشتكيلك منه تاني ، واقولك اهملني تاني ، بعدني تاني ، بس كنت كل م بقولك إنه بعيد كنت كل م بقربلك انت !
عزيز : انتي هتعيشي دنيتك دي تاني ؟ ردي عليا هتعشيها تاني ؟
( تشاورله ب لأ )
عزيز : وانا مش عاوز اعيشها غير معاكي
( يمسح دموعها )
عزيز : اسراء انا مش هقدر اشوفك مرات اخويا ، بجد مش هعرف !
اسراء ودموعها بتنزل : ولا انا عارفة اكمل  وانا بينك وبينه !
( يقرب يحضنها ، تحط ايدها بينها وبينه ويزيد عياطها )
عزيز : بس ، هنلاقي حل
اسراء بعياط وهي بتمسك ف هدومه : انا تعبانة اوي ، ومحتجالك بجد
عزيز : انا جنبك ، وهفضل طول عمري جنبك ، انا موجود
( تسيب هدومه وتشب تلف ايدها حوالين رقبته وتحضنه ، يحضنها )

*( لقد وجدنا بعضنا البعض ، ساعدتك للخروج من إنكسارك ، لقد أعطيتني الراحة ، لكن وقوعي في حبك كان خطأي .. 💔✨ )*

( تعدي الأيام وعزيز واسراء يرجعوا يتكلمه تاني )

*( ف اواخر شهر 11 ، سنة 2023 )*

( اسراء ف بيتها ومعاها صحابها البنات م العيلة ومن برة مشغلين اغاني وبيحتفله بعيد ميلادها ، تمسك اسراء فونها وتدخل البلكونة تتصل ب هاشم ، مبيردش للمرة العشرين ، تتنهد بيأس وتدخل جوة لصحابها ، يرن جرس باب البيت ، تفتح بنت ، يدخل عزيز وف ايده صندوق )
عزيز : مساء الفل
البنات : مساء الفل
( تقرب اسراء )
عزيز : كل سنة وانتي بخير
اسراء ب ابتسامة : وانت بخير ي عزيز
( يحط الصندوق ع الترابيزة )
اسراء ب استغراب : ايه دة بقا ؟!
عزيز : افتحيه بس متتخضيش
اسراء بقلق : متخوفنيش !
عزيز : متخافيش والله ، افتحيه
( تفتح اسراء الصندوق ، تلاقي ارنب ابيض صغنن اوي لابس فيونكة بينك )
اسراء ب اندهاش وهي بتبص ل عزيز : لاااااااء !
( يبتسملها )
اسراء وهي بتاخده م الصندوق : احيه بجد ع الحلاوة ، دة شبه الي بشوفهم ع النت !
( يجروا صحابها يتفرجوا عليه معاها ويلعبه معاه وهي مبسوطة ، تبص لعزيز وتبتسم ، يبتسملها )
هدى : منورنا ي زيزووو
عزيز ب انتباه : دة نورك ي طنط تسلمي
هدى : عوزاك ي حبيبي تعالى
عزيز ب استغراب : اة حاضر !
( تدخل المطبخ ويروح عزيز وراها )
هدى : يرضيك ي عزيز الي بيعمله اخوك دة ؟
عزيز : عمل ايه ؟!
هدى : دايماً اسراء تشتكي منه إنه مش بيهتم بيها واسلوبه حاد معاها ، وكمان مجاش انهاردة عيد ميلادها ، ي عزيز يرضي مين دة ، اومال اسمه خطيبها ع اساس ايه واول عيد ميلاد يعدي عليهم وهما سوا وميحضرهوش !
عزيز : معلش ي طنط ، هو هاشم شغله عنده مهم
هدى : مش كدة برضو ، هو عشان يكسب شغله يخسر خطيبته ، دي اسراء كل شوية تيجي تقولي عاوزة تنفصل عنه ، هيفرح هو ساعتها بقا ؟
عزيز : اكيد لأ !
هدى : يبقا حاول تتكلم معاه ينتبهلها شوية
عزيز : هو انا للأسف ماليش كلام مع هاشم ، حضرتك فاهمة علاقتنا عاملة ازاي دلوقتي ، بس هتكلم مع ماما تحاول تفهمه ، هو ممكن يتقبل منها النصيحة ، لكن مني انا لأ !

( متنسوش اللايك ورأيكم .. ♥️✨ )

#قصة_أبليتني_بالعشق_ل_سهيلة_سعيد

#sohila_sa3ed