قصة : ( أبليتني بالعشق ) ل سهيلة سعيد المنجي ، فكرة : نور عمر

الحلقة ٧ و ٨

قصة : { #أبليتني_بالعشق } ♥️☎️

الحلقة السابعة { ٧ } 📵

( يقرب هاشم يفتح الباب )
عزيز وهو طالع : ي عشق حولتيه لحزن ف الفراق حولته عييييييد
هاشم : بس بس !
عزيز ب استغراب : بتعمل ايه هنا ؟!
هاشم : عمك ثابت تعبان
عزيز وهو بيقرب عليه : لا والله !
هاشم : والله
عزيز : اشوفه طيب
هاشم : تعالى
( يدخل عزيز ، يشوف اسراء )
عزيز : عاملة ايه ؟
اسراء : الحمدلله
عزيز : عمي صاحي ؟
اسراء : اة ف اوضته ادخله
( يقرب عزيز ع اوضة عمه ويدخل يطمن عليه )
عزيز : ايه يابا مالك الف سلامة عليك !
ثابت : الله يسلمك ي حبيبي
عزيز وهو بيقعد قصاده ع السرير : عامل ايه حالاً ؟
ثابت : احسن والله ، البركة ف هاشم كان ضغطي واطي
عزيز : هو هاشم يعلي الضغط فعلاً !
الكل : ههههههه
( يضربه هاشم ف كتفه )
ثابت بضحك : ي بني بس هتجيب اجلي !
عزيز : الف سلامة عليك ، خلي بالك من نفسك طيب
ثابت : الحمدلله ع اي حال
عزيز : الحمدلله
( بعد دقايق ، برة ، هاشم واقف جنب اسراء بتفرجوا حاجات ع الفون )
اسراء : لا دة هيبقا بلون الخشب
هاشم : امممم حلو دة ، هيبين الوان الحلويات
اسراء : بالظبط ، مش عوزاه غامق
عزيز وهو بيقف بينهم : هو ايه ؟
اسراء بخضة : خضتني !
عزيز : سلامتك
هاشم : متتحشرش كدة ي زفت !
عزيز : م اتحشر عادي ، هو انتوا ف فترة الخطوبة ؟
اسراء : ظريف اوي !
عزيز : بتتفرجوا ع ايه ؟
اسراء : ديزاين المحل الي عاوزة افتحه
عزيز : محل ايه ؟!
اسراء : حلويات
عزيز ب استغراب : مقلتليش إنك هتفتحي محل حلويات !
اسراء : وانا المفروض اقولك ؟
عزيز : ايوة
اسراء : ايوة بتاع ايه يعني ؟
عزيز ل هاشم : هو ايوة دة بيبيع حاجة ؟
هاشم بعدم فهم : نعم !
اسراء : انتوا اخوات ازاي بجد مش عارفة !
عزيز : اسألي عمك
هاشم بحدة : احترم نفسك !
عزيز : حاضر
اسراء : لا م انا خلاص اتعودت
هاشم : لا يتلم ، وبعدين انت مش عندك محل تروحوا ، ايه الي جابك دلوقتي ؟!
عزيز : المفروض إني جاي اتغدى
هاشم : ارحم نفسك انت ٢٤ ساعة بتاكل !
عزيز : هو انا باكل من بطنك ولامؤخذة ؟
هاشم : ا ....................
فايزة وهي بتخرج م الأوضة : انتوا لسة هنا ؟!
عزيز : جعان
فايزة : طب ادخل ي مفجوع عشان تتغدى ابوك زمانه جاي
عزيز : مش هلحق استناه ورايا شغل
هاشم : بقالك ساعة واقف ترغي ودلوقتي مش هتلحق تستناه !
عزيز : ي بني هو انا جوز امك ، م تخليك ف حالك !
هاشم : لا انت مش جوز امي انت قليل الأدب !
فايزة ب احراج : بس منك ليه عمكوا تعبان جوة ، يلا ادخله شقتكم
( يدخله بيتهم )
فايزة : لو حصل حاجة ي حبيبتي خبطي عليا
اسراء : حاضر ي طنط تعبناكم والله
فايزة : ولا يهمك ي قلبي
اسراء : تسلميلي
( تمشي فايزة ، تتنهد اسراء وتقفل باب الشقة وتدخل تطمن ع بباها ، ف بيت عزيز )
فايزة : انتوا مفيش عندكم احترام ابداً للمكان الي احنا فيه !
هاشم : ابنك الي لسانه طويل ، المفروض إني اخوه الكبير ويحترمني !
عزيز : والله عشان احترمك مش شرط يكون سنك كبير ، بس لما تقولي احترم نفسك وتحرجني وانا بهزر هحترمك ازاي ؟!
هاشم : شايفة قلة ادبه !
فايزة : خلصنا بقا !
عزيز وهو ماشي : انا نازل
فايزة : استنى مش قلت هتتغدى !
عزيز وهو بيفتح باب الشقة : مش طافح
( يقفل الباب وراه )
فايزة بتنهيدة : استغفر الله العظيم يارب
( ينزل عزيز ع السلم ف نزول اسراء )
عزيز : رايحة فين ؟!
اسراء : وانت مالك
عزيز : بتكلم جد
اسراء : وانا مش هقولك
عزيز : ا ...................
( تفتح واحدة ست باب شقتها وشايلة بيبي عنده حوالي سنة )
عزيز : صاحباااااااي
( يجري ياخده من ايدها )
ريماس : ايوة بالله ارحمني شوية
عزيز وهو بيحضنه : واحشناااااي
( يضحك الولد )
ريماس وهي بتبص ل اسراء : مش تعرفنا !
( تتحرج اسراء وتنتبه إنها لسة واقفة بتتفرج ع البيبي ف ايد عزيز )
عزيز : لا معرفهاش
اسراء : وانا كمان متبرية منك !
عزيز : اسراء بنت عمي ، لسة راجعة م السفر وبقت ساكنة ف وشنا ، بالونة هيليوم منفوخة بزمة اوي !
اسراء ب انفعال : ايه داااا !
ريماس : هههههه معلش ي بنتي احنا متعودين ع غلاسته دي ، حمدلله ع سلامتك
اسراء ب ابتسامة كسوف : الله يسلمك
ريماس وهي بتسلم عليها : انا ريماس جارتهم من اربع سنين بحالهم ، ودة مالك ابني
اسراء : قمر اوي مشاء الله ، ربنا يحفظهولك
ريماس : تسلميلي ي روحي
عزيز وهو بيمشي : طب نسيبكوا احنا بقا ورانا شغل
ريماس : هتاخده معاك ؟
عزيز : يلزمك ف حاجة ؟
ريماس : ي عم خده خالص
عزيز وهو بيجري بيه ع السلم : نشوفك باللييييييل
ريماس : ماشي بالراحة !
( يمشي عزيز )
اسراء : بعد اذنك
ريماس : اتفضلي ي قلبي
( تنزل اسراء ، تلاقي عزيز راكب ع متوسيكل وبيحط مالك قدامه ، تقرب عليه )
اسراء ب استغراب : انت هتركب بيه ريس ؟!
عزيز : اة عادي
اسراء بقلق : عادي ايه دة يقع منك !
عزيز : لا متخافيش احنا متعودين
اسراء ب استغراب : هي مين ريماس دي ، هو مش دة المفروض بيت عيلة بتاع جدو وباقي الشقق مقفولة ؟!
عزيز : مهي تعتبر قريبتنا بس من بعيد يعني ، مامتها الي كانت ساكنة ف الشقة دي تبقا بنت خال مرات عمك سميرة
اسراء بتذكير : اة فكراها !
عزيز : اتوفت من ست سنين كدة وبنتها بقا ريماس اتجوزت وليها شقة ، بس لما جوزها بيسافر لشغله بتيجي تقعد ف شقة مامتها بدل م تبقا ف مكان لوحدها ، فاهمة ؟
اسراء بفهم : ايوة ايوة
عزيز وهو بيشغل المتوسيكل : وسعي بقا عشان انتي رغاية ومعطلانا
اسراء وهي بتبعد : اتفضل !
عزيز : م تيجي اوصلك
اسراء : لا شكراً ، خلي بالك م الولد بس !
عزيز : طب انتي رايحة فين بجد ؟
اسراء بزهق : عزيز متخنقنيش بالله عليك واتكل ع الله ملكش دعوة
( تمشي اسراء )
عزيز للولد : حلوفة لا تبالي !
( يمشي عزيز ، يعدي الوقت ، ف محل عزيز ، مالك قاعد ع رجله وشغال عزيز ع عجلة الفخار ومبهدل مالك وهدومه وعمال يلعب بالطين )
عزيز وهو بيغني مع الأغاني : قااااابلني والأشوااااق ف عنييييه سلم ، سلم ، سلم وخد إيدي ف إيديه ، خد إيدي ف إيدييييه ، وهمسلي قالي الحق علييييه ، نسيت ساعتها بعدنا لييييه ، فيييين دموووووع عيني الي ما ناااامت ليالي ، ب ابتسااااامة من عيوووونه نسهااااااالي ، امر عذاب وأحلى عذاب ، عذاب الحب للأحبااااااب
( تقلب الأغاني اجنبي ، يرن فون عزيز )
عزيز : سحس
( يبصله )
عزيز باللغة العربية : ساعدني بالله عليك !
حسن وهو بيقرب عليه : ههههه حاضر