قصة : ( أبليتني بالعشق ) ل سهيلة سعيد المنجي ، فكرة : نور عمر

الحلقة ١٧ و ١٨

قصة : { #أبليتني_بالعشق } ♥️☎️

الحلقة السابعة عشر { ١٧ } 📵

عزيز : اتكلمتي مع هاشم ولا لسة قافشين ؟
اسراء : لأ اتكلمنا ، بس لسة قافشين
عزيز بعدم فهم : دة ازاي دة ؟!
اسراء : قعد يتناقش ف الموضوع تاني وبعدين قفلنا
عزيز : ينهار ابيض ، مش هتخلصي انتي !
اسراء : اتخنقت والله بجد
اسراء : مش كدة يعني خلصنا
اسراء : كرهني ف نفسي
عزيز : بلاش هبل م انا فهمتك إنه مش متعود ع الأستايلات دي
عزيز : وبعدين اديكي بتفهمي ايه الي بيحبه وايه الي مبيحبوش ، ف هتعرفي تعملي كنترول بعد كدة
اسراء : بس دة بجد صعب ومبيعديش او بيزهق ، لا دة بيفضل يعيد ويزيد ف الحوار !
عزيز : معلش هو عشان اتفاجئ بس
اسراء : مش عارفة بقا
( يتبعت مسچ من هاشم ع الواتساب ل اسراء )
هاشم وهو بيرد ع الأستوري : شيلي أم الأستوري دي !
( تتخض اسراء )
اسراء : ليه ؟!
هاشم : بقولك شيليها !
( تضايق اسراء وتعمل سكرين لكلامه وتبعته ف شات عزيز )
اسراء : بص الي يعصب بقا ، اعمله بلوك دلوقتي ، ايه الطريقة دي !
عزيز : اهدي بس وشيليها
اسراء : نعم !
اسراء : اشيلها ليه انت كمان ؟!
عزيز : معلش عشان خاطري متعمليش مشكلة ، هو اللون مضايقه ف حاولي تتجنبيه وشيليها احسن
( تتنهد اسراء بضيق )
اسراء : ماشي ي عزيز
( تمسح اسراء الأستوري وتدخل ف شات هاشم )
اسراء : مسحتها ي هاشم ، حاجة تاني ؟
هاشم : لأ 
اسراء : تمام
( عزيز يلاقيها مسحتها ، يتبعتله مسچ )
اسراء : انا مخنوقة بجد
عزيز : ليه بس مش مستاهلة يعني ، يهدى بس الحوار وابقي نزلي صور براحتك
اسراء : لأ مش ع الصورة
اسراء : بس بجد اتقفلت
اسراء : هروح اتخمد
اسراء : باي
عزيز : اصبري طيب !
( يلاقيها قفلت نت ، يتضايق إنها متضايقة )
عزيز : جحش اوي !
( عند اسراء ، نايمة ع سريرها وعيونها مدمعة ، تخطر ع بالها حاجة ، تقوم وتفتح الدرج ، تلاقي طرحة ، تقرب ع المراية وتلم شعرها وتلبس الطرحة )
اسراء : طب والله حلوة !
( تمسك فونها وتتصور بيها ، يرن الفون ، تلاقيه عزيز )
اسراء وهي بتقلع الطرحة : الو
عزيز : اطلعي البلكونة
اسراء : في حاجة ؟!
عزيز : اطلعي عاوزك
اسراء بتنهيدة : ماشي !
( تقفل اسراء وتقوم تطلع البلكونة وتقرب ناحية عزيز )
عزيز : ايه بقا هننكد ليه !
اسراء : انا الي بنكد ولا الدكتور الي بينكد ؟
عزيز : وراس ابويا م مستاهلة كل الي انتوا بتعملوه دة !
اسراء بضحك : هههههه ، وايه ؟!
عزيز : بجد والله انتوا تافهين اوي ، انا كنت مفكركم اعقل من كدة !
اسراء : لا احنا عاقلين جداً ع فكرة
عزيز : لا مهو باين يختي
اسراء بتنهيدة : يلا مهو شكلنا فهمنا حوار الأرتباط دة غلط وطلع كله نكد وخناقات ، ياريت كل حاجة زي اول حاجة !
عزيز : مين قالك كدة ، مفيش احلى من إنك ترتبطي ب انسان بتحبيه ، حياتك بتتقلب ٣٦٠ درجة للأحسن
اسراء : متأكد م الكلام دة ؟!
عزيز : جداً
اسراء : وانت ارتبطت بقا قبل كدة عشان تعرف ؟!
عزيز : اكيد ارتبطت قبل كدة
اسراء : وفينها ، لسة مرتبط بيها ؟
عزيز : لا هي مكانتش موجودة عشان تفضل ، هو كان تسالي يعني
اسراء ب انفعال : ولما هو تسالي محسسني إنك متجوزها ومخلف منها ١٦ عيل ليييه ؟!
عزيز : عشان مش هي الي بتكلم عنها
اسراء : اومال عن مين ؟!
عزيز : بنت تانية يعني
اسراء : وموجودة ولا ؟
عزيز : تؤ ، مش موجودة
اسراء ب استغراب : طب وليه مدام كنت بتحبها اوي كدة !
عزيز : نصيب بقا
اسراء : النصيب دة غريب جداً !
عزيز وعيونه بتدمع : ههههه حصل
( تلاحظ اسراء لمعة عيونه )
اسراء ب استغراب واندهاش : لااا دة انت كنت بتحبها جداً ، انت هتعيط ي كوكووو !
عزيز ب انتباه : ههههه لا ي بت اعيط ايه ، دة حوار قديم اوي
اسراء : امممم ، ماشي !
( تنط قطة ف بلكونة عزيز )
اسراء بخضة : احيييه ، الحق قطة دخلت بلكونتك !
عزيز وهو بيبص للقطة : اة دة خميس
اسراء : ههههه ، خميس مين ؟!
عزيز : خميس بيعدي ع كل البلكونات هنا ، صديقي الصدوق ، بييجي ياكل ويمشي
اسراء : انا مبحبش القطط خالص !
عزيز ب استغراب : هو في بنت مبتحبش القطط !
اسراء : ايوة انا ، بحب الأرانب
عزيز : بتهزري ، ارانب !
اسراء : اة بيبقوا كيوت كدة
عزيز : اة كيوت ف حلة الشوربة
اسراء : حرام علييييك ، شوربة ايه انت بتاكلهم ؟!
عزيز : تخيلي
اسراء بخضة : احيه ازاي بتقدر تعمل كدة ، بجد ازاي ؟!
عزيز : بصي انا والأرانب علاقتنا علاقة طرية ، الي هو بشوف فين اطرى مكان واكله ع طول
اسراء : بس بس كفاية ، انت بتشرحلي !
عزيز بضحك : مش انتي الي بتسألي ؟
اسراء : اتصدمت فيك ، اوعا تقولي هاشم كمان بياكله !
عزيز : كلنا بنتلم عليه ونضيع مستقبله
اسراء بضحك : ااااه ياريتني م سألت بجد !
عزيز : هههههه
اسراء : صحيح عاوزة اوريك حاجة 
عزيز : ايه ؟
اسراء : بس متتريقش
عزيز : مش هتريق والله
اسراء وهي بتمسك الفون : استنى
( تقلب ف الفون وتديهوله )
عزيز : ينهار ابيض !
اسراء : وحشة ؟!
عزيز بحب : زي القمر
اسراء : قول والله ؟
عزيز : وربنا بجد ، عمري م شفت حجاب ع بنت ب الجمال دة !
اسراء بفرحة : ينهاري فرحتني !
عزيز وهو بيبصلها بحب : جميلة
اسراء : انا افتكرت كلامك بصراحة ، ف قلت اجربه فيا كدة ف عجبني ، ف قلت اوريك
عزيز : هتلبسيه ؟
اسراء : لأ انا قلت اجرب يعني
عزيز : امممم ، بجد حلو اوي فيكي لو لبستيه ، فكري فيها
اسراء : هفكر حاضر
( يقفوا يتكلمه شوية ، تاني يوم بالليل ، اسراء ف المحل قاعدة ماسكة الفون )
عزيز وهو داخل : سلامو عليكووووو
اسراء وهي بتقف : ههههه تعالى
( يقرب عليها يحط قدامها صندوق ويطلع منه الفاسة )
اسراء بفرحة : الله ، ينهاري دي احلى م الأولانية !
عزيز : اي خدمة
اسراء : جميلة اوي ، بجد جميلة
عزيز وهو بيغمزلها : الجميل للجميل
اسراء بكسوف وضحك : ي ملزقاتي ، هسميك عزيز الملزقاتي !
عزيز وهو بيمسك الفاسة : والله اخدها
اسراء وهي بتحط ايدها ع ايده : لاااا سيبها خلاص !
عزيز : سيبي انتي !
( تتحرج وتشيل ايدها من ع ايده )
عزيز وهو الي بيغمزلها : انا الي ملزق برضو !
اسراء ب احراج وضحك : ي بني بقا اطلع برة !
عزيز : هتحطيها فين ؟
اسراء : نفس المكان ، بس سيبها انا هحطها ل تكسرهالي تاني !
عزيز : متخافيش والله ، وبعدين انتي غرمانة حاجة م انا الي بتعك فيها ف الأخر
اسراء بضحك : ايوة صح ، لا خلاص حطها انت