(** Snow White bl version 2023 **သဲငယ်ရဲ့ ဒီပုံလေးမြင်ပြီး စိတ်ကူးရသွားတာမို့ ချရေးလိုက်တာ ကြိုက်ကြပါ့မလားမသိဘူးရယ် စာလုံးပေါင်းအမှားလေးတွေကိုထုံးစံအတိုင်းဖြည့်ဖတ်ပေးကြပါနော် ချစ်တို့ရေ)
Oops! This image does not follow our content guidelines. To continue publishing, please remove it or upload a different image.
တစ်ခါတုန်းက အလွန်တရာမှ ခန်းနားလှတဲ့တိုင်းပြည်ကြီးမှာ နှလုံးရည်လက်ရုံးရည်ပြည့်ဝတဲ့ဘုရင်တစ်ပါးအုပ်ချုပ်သတဲ့ ဘုရင်ကြီးမှာ ချစ်ခင်နှစ်သက်ရသော မိဖုရားတစ်ဦးတည်းသာရှိတယ် အစစအရာရာပြည့်စုံပြီး သာယာတဲ့အိမ်ထောင်ရေးရှိပေမယ့် နှစ်အနည်းငယ်ကြာတဲ့အထိ မိဖုရားကြီးဟာ ကိုယ်ဝန်မရဘဲရှိလေတယ်
"အရှင်....ကျွန်မတောင်းပန်ပါတယ် အရှင့်ရဲ့ရင်သွေးလေးကို ကျွန်မ မလွယ်ပေးနိုင်ဘူးဖြစ်နေတယ် အဟင့်...ဟင့်"
"မငိုပါနဲ့ တစ်နေ့ကိုယ်တို့ ရင်သွေးလေးရလာမှာပါနော် မငိုနဲ့ကွယ်"
တစ်နေ့မှာ ကံအားလျော်စွာ မိဖုရားကြီးမှာ ကိုယ်ဝန်စပြီးလွယ်ရတော့တယ် အနှစ်နှစ်အလလမျှော်လင့်ခဲ့ရတဲ့ရင်သွေးလေးမို့ အထူးဂရုစိုက်စောင့်ရှောက်တော်မူတယ် နေ့စဉ်နေ့တိုင်း မိဖုရားကြီးက ပြည့်ပြည့်ဖြိုးဖြိုးဖြစ်နေတဲ့ဗိုက်ကလေးကိုတဖွဖွပွတ်ရင်း စကားတွေတီတိုးပြောဆိုတတ်တယ်
"မားမားကလေးလေးရေ....မားမားဆီရောက်လာပေးလို့ ကျေးဇူးတင်ပါတယ်နော် လူ့လောကထဲကိုလည်း ကောင်းကောင်းမွန်မွန်ရောက်လာပေးပါအုံး"
မိဖုရားကြီးဟာ သူမရဲ့ရင်သွေးငယ်လေးအတွက် လှပတဲ့အပေါ်ဝတ်ရုံလေးကိုချုပ်ပေးရင်း ခင်ပွန်းသည်အလာကိုမျှော်နေခဲ့တယ် တိုင်းရေးပြည်ရာကိစ္စကြောင့် ခရီးသွားတဲ့ခင်ပွန်းသည်ဆီက သည်နေ့ပြန်ရောက်မည်ဖြစ်ကြောင်း ဆက်သားနဲ့စာလွှာပါးတာကြောင့် ခန်းဆောင်ရဲ့ပြတင်းပေါက်ကနေ မျှော်နေခြင်းဖြစ်တယ်
YOU ARE READING
မှားယွင်းသော ( One Shot Collections )
Fanfictionပုစ္ဆာတစ်ပုဒ်မှာ ဘယ်နေရာက စမှားခဲ့တာလဲဆိုတာ ပြန်တဲ့စစ်သူသာသိနိုင်တယ်..... စွန်းသွားပြီးသားမှင်တွေကို ပြန်ဆေးကြောဖို့အတွက် မင်းရောငါရော မလုပ်နိုင်ခဲ့ဘူး........
