ثغرات الماضي

الفصل الثامن عشر

#ثغرات_الماضي
#طيبة_الربيعي
*الفصل الثامن عشر*🔥🔥🔥

مساء الخير🩵
~~~~~~~~~~~~~~~~~~~~~~~~~

رفعت راسي چان اشوف امي، وجههة معقوچ واحس من خلال نظراتهة تريد تاكلني بسنونهة

ام ازل: مستحيتو علة دمكم تتختلون بنصاص الليالي!

منذر التفت واني اذا يذبحوني ميلگون قطرة دم بية

تحچي وتصك علة اسنانهة'طيبة_الربيعي'

ام ازل: بلة شافكم عواد لو غير واحد من البيت، شتگلولة بلة؟؟؟

اني ساكتة وهو ساكت، من مدت ايدهة امي تريد اجرني

ام ازل: يا ادبسززز

ختلت ورة منذر چلبت بتيشيرتة وغمضت عيوني، حسيتة بعدهة

منذر: ام ازل ترة احبهة وتحبني البنية، والحب لا عيب ولا حرام وانتي تعرفين هل شي كلش زين
ام ازل بعصبية: وتتختل وية بنتي بنصاص الليالي؟؟!
منذر: جيت اشوفهة واروح...
قاطعتهة: وبصفتك منوو تشوفهة؟؟؟ عيب هذا الدتسوي عيب هاي بنت خالك عرضك، ميجوز تتختل وياهة، طلبتهة من ابوهة وابوهة موافق بعد عليش هل حركات مال مراااهقين، بلة هية زعطوطة انتة شنو وووضعععككك
منذر: هو شكو، جيت اشوفهة قابل مسوي وياهة شي
ام ازل: لا هم عوزهة تسوي

وباعتلي

ام ازل: امشي گدامي
منذر: لتسويلهة شي اني صحتهة ترة، والبنات يشهدن
ام ازل: تعلمني شلون اتعامل وية بتي؟ امشي ازل
منذر: عمة عوفيهة اني راح اطلع ومارجع الة لمن عمي يوافق اخذهة، يعني متكيفين بتج تاخذ التحبة؟ لو عواد حتة انتي لعب بعقلچ
ام ازل: شنو مناسبة هذا الحچي هسه؟ وشجاب عواد بالنص؟؟
منذر: لعد ليش تضغطون عالبنية ومتنطونياهة، كلشي وجبتو عواد بالنص، اني اريد افتهم عواد ولي امرهة لو انتو؟

من حچة هل حچي حسيتة يريد بأي طريقة يحميني، شلون انسان مثقف ويعرف يحچي ميگبب الأمور ويعظمهة، عواد بالعكس تماماً وهذا اليكرهني بي

ام ازل: يعني اذا احافظ علة بتي وماقبللهة تغلط هيچ غلطة معناتهة رايدتهة لابن عمهة؟؟ شنو هل حچي، وبعدين انتة شوكت حبيتهة لأزل ومصارلك كم شهر من عرفتهة
منذر: شنو قصدچ يعني ماحبهة وجاي استغلهة؟ ترة جيت من الباب وحاچيت خالي
ام ازل: واذا حاچيت خالك ابني، هل علاقة هاي ممكن تخرب بيوت وخاصة الختلات هاي

وباوعتلي بعصبية

منذر: هسه اني راح اروح، ومثل ما گتلچ انتظر لحد ما خالي يوافق يلة اجي للبيت، بس توعديني وعد شرف متسويلهة شي ولا تأذيهة بتچ مالهة دخل اني زحفت عليهة واني الطلبت منهة تجي حتة اشوفهة