ثغرات الماضي

الفصل الواحد والعشرون

#ثغرات_الماضي
#طيبة_الربيعي
*الفصل الواحد والعشرون*

النشر كل يوم او يومين حسب الظروف
لتنسون تفاعلكم هو سر استمراري💕
طبگت بارتين ابارت واحد هم گولو مقصرة🥲
~~~~~~~~~~~~~~~~~~~~~~~~~~

صابرين... جيت اگول لماما على السواه عماد بس ترددت، وخفت اگول لشاهين ليتعاركون وبعدين توگع براسي على ابو انتي الگببيتهة بين الأصدقاء حتة تفركشين الخطوبة

ورجع مثل المي لمجراهة وتقدملي مرة لخ، هل مرة فات شاهين وياية واني شايلة الصينية، اويلي يهل صينية لو توگع مرة لخ وتخلصني

رند جاية وياهم، من فتنة ابتسمتلي بس اني مبادلتهة'طيبة_الربيعي'
باوعت عليه، يباوعلي بعيونة ذني الي مثل عيون السرسري من يتفحصلة وحدة حلوة وفاتت گدامة
مو راحة يتفحصني من فوگ الي جوة ولا يستحي

سلمت، قدمت الچاي وانداريت داريد اطلع چان يحچي رجال چبير گاعد بصفة، رعبني صوتة

عم عماد: وين عمو تعاي نشوفچ

انداريت عليهم، بقيت اباوع بالوجوه مثل الهبلة

ابو عواد: گعدي بابا، سويلهة مجال ام عواد
ام عواد: تعاي حبيبتي يمي

حبيبتي؟ من شوكت هاي

گعدت بصف امي، امة بس توزع ابتسامات خبلتني، احاول ما اخلي عيوني تجي بأتجاهة، ابوية وهذا الرجال يمكن عمة يتناقشون ويسولفون بمواضيع اصلاً مالهة علاقة بالموضوع الجايين علمودة

لحد ما صار شوية سكوت، عاد الرجال حچة

عم عماد: يابة احنة اليوم جايين محضر خير، تدرون عماد مثل ابني وماريد اگعد اتفلسف وامدحلكم بي، بس الله شاهد علة كلامي رجال معدل ومناسبتة ربح
ابو عواد: والنعم

باوعلي

عم عماد: والبنية ماشاءالله عليهة اني مدحولي بيهة وبأخلاقهة وبأخلاقكم اكيد، واگول هنيالة لأبني اذا تصير هل حليوة الحبابة مريتة

هو گال هيچ واني لزمتني الضحكة، حبابتيش، هذا الرجال مبين فقير وعلى نياتة ميعرف اني ويا علاقتنة مثل الشوك بالورد، واني الشوك طبعاً

ابتسمتلة لكن اني بس اريد اطلع الضحكة خاف احصرهة وانوب ابتلي واضحكهة فجاة

باوعت لشاهين، عبالك هو الراح يتقدملة عماد، فرحان طاير بي على شنو ماادري

طب عواد، متوقعتة يجي لان گال عندي شغل

فرحت بطبتة علينة