#ثغرات_الماضي
#طيبة_الربيعي
*الفصل الثالث والثلاثون*
هلوووو💙
كلش داتونس على تحليلاتكم والتعليقات التضحك
چثرو بعد بيتي چثرو😆
___________ღ___________
قد لا تبوح الأُنثى بما يجول في خاطرها
لكنها قد تبكي خطاباً يوصف الَّمُها
يا آدم، رفقاً بمن لا ينطق لسانُها بما في قلبها
قد تحرقك ان نزلت دمعاتُها...
رند... بعدني ماعرف عواد معرفة عن قرب لكن بيوم الأخذنة اني وماما نزور حسيتة انسان حنين، يعني مو مثل ما البقية يشوفو'طيبة_الربيعي'
خاصة من يسولف صوتة عالي وعبالك يريد يتعارك، لكن احسة على طبيعتة، ميتصنع وهذه احلى صفة ممكن تكون بالأنسان، الصراحة
مع انو فرحانة بديت احضر للعرس والدراسة ماشية مثل ما اني اريد علاقة عماد وصابرين ماخذة شوية من تفكيري
رحت اشتريت الجهاز واشترينة ذهب وهية متجي وية امهة، شگد حچيت وية عماد شگد ردت يغير رأية
لكن جوابة چان واحد
عماد: اريد اربيهة، لحد بيكم يدخل ترة روحي طافرة
ام عماد: والى متى تضل تربيهة، خل احاچي امهة خوما تضل هيچ بدون مرة
عماد: يوم فدوة اروحلچ اني البنية من زمان رايدهة واخت صاحبي ماريد علاقتنة تخرب، بعدهة صغيرة وعقل ماكو براسهة، عوفوني اني اعرف شلون اجيبهة للطريق
ام عماد: يعني بعدك تحبهة وهية متريدك
عصب وجهة صار احمر
رند: ماما يا حبيبتي دعوفيهم، هية تريدة بس تكابر
ام عماد: شتريدة وهمة لحد الآن مصايرين زوج وزوجة، يعني اذا گال لأهلهة هسه بتكم بعيدة عني ولسانهة شطولة علية راح يلومو اذا نزل عليهة ضرة؟
سكتتنة
ام عماد: والله اذا تنزل عليهة مرة تصير جوة رجلك...
رند: ماما، ليش هية هينة بالعكس يخسرهة هيچ، البنية تحبة وتريدة بس هية تختلف شوية، ورابية بين اخوة وامهة قاسية وياهة، يعني شوية يراد تعامل خاص تصير محبس بأيدة
عماد: حجية انتي هم عندچ بنية، المترضي علة بتچ لترضي علة بنات العالم
ام عماد: خلف الله عليك هسه صرت اني مو خوش ومافكر ابنات العالم
عماد: قصدي ميصير هذا الحچي ميصير، ماخذ عليهة مرة واحط برگبتي مسؤولية اني مو گدهة، وبعدين اني شنو مليونير يومية ماخذلي وحدة ودافع حاضر ومهر ودنيا
ام عماد: مارضة تضل هيچ، اذا متتصرف صح وتخلي مرتك اطيعك اني اتصرف
عماد: لا حول ولا قوة الا بالله
ماما زعلت على عماد، حاول يراضيهة لكن قفلت الة يعدل وضعة وياهة، منا افكر بنفسي شلون ازوج عواد والوضع هيچ بين اخوية واختة، لكن من جهة ثانية داشوف عماد متمسك بيهة، وهية راسهة يابس بس مو معناتهة مابيهة مجال تنصلح وتعرف قيمة رجلهة وتختار راحتهم سوية'طيبة_الربيعي'
أنت تقرأ
ثغرات الماضي
Roman d'amourسأكتفي بطرح سؤال لماذا يدفع البريء ثمن خطيئة المذنب؟ قصة تتحدث عن انتقام من حبيب وانكسار فتاةٌ غير مذنبة تُترك في منتصف الطريق مع طِفلاً ليس مقبولاً على حقيقته بين المجتمع وكيف الله يجعل من كل امراً عسيراً يسير لكنها لن تبقى على ما كانت عليه في الما...
