#ثغرات_الماضي
#طيبة_الربيعي
*الفصل الثاني والثلاثون*بعد هل بارت الأحداث راح تاخذ غير مجرى
وكل شخصية راح تكثر احداثهة
فكل فصل راح يتحدث عن شخصيتين فقط، لان رند راح تدخل عالخط ومالحگ بيومين اكتب الفصل، لازم اكتب على راحتي
القصة انهيهة هذا الشهر بإذن الله قبل ليبدي دوامي
بعدها راح اخذ سبات وارجعلكم بغير قصة انشاءالله
قرائة ممتعة 🌸✨___________ღ___________
صابرين... يمكن زودتهة اني، التفكير اكل دماغي ساعة اگول هو يدري من البداية طبعي شنو يعني مغشيتة
ومالة حق يتبع اسلوب الخيانة وياية، وساعة اللخ اغير فكري واقنع نفسي انو خطأت من متقبلت الواقع و انو خلاص اني انسانة مرتبطة ورجال ولازم اتصرف على هذا الأساساسبوعين اكثر اني مبتعدة عن كُل العائلة، لا اگعد وياهم عالغدة ولا اجرأ ادخل الغرفة من هو موجود
مچنت اتوقعة يعصب هيچ، مچنت ماخذة الأمور هلگد بجدية، اشوفة انسان بارد وهسه فعلاً طلعلة وجه ثانيالدراسة ملهيتني شوية عن التفكير خاصة بكلام عمتي
متوقعت شايلة علية هلگد، وكل ضني متدري الوضع بيناتنة شنولكن طلعت تدري بكلشي واني الي غافلة هنا، معقولة امي حاچيتلهة؟ لا مستحيل تنطي بية، الة سامعتنة نحچي لو ملاحظة البرود البيناتنة لو شايفتنة هو ينام بجهة واني بجهة'طيبة_الربيعي'
حاولت اسفط حچي مناسب واروح احاچي، بس كبريائي منعني، فكرت اكثر شي بعواد ورند
رند واضح عليهة حبتة لأخوية شلون اكسر بيهة
وعواد مبين نيتة ينسة ازل ويبدي حياة عاطفية جديدة وية رندماريد اكون انانية مثل شاهين، ورطني هل ورطة وهسه واجب علية اصلح الخراب نتيجة قرارة الأناني
باوعت لرند، لخاطرهة وخاطر وگفاتهة وياية وحنيتهة علية قررت اتنازل عن كبريائي واروح احاچي
غسلت وجهي ونشفت ورحت وگفت گبال باب الغرفة
فتحتة ومديت راسي، شفتة يصلي
تمشيت گعدت عالچرباية
انتظرتة يخلص واني اهز برجلي
خلص سلم ومدنگ بيدة السبحة، مرفع عينة علية
صابرين: ممكن نحچي
عماد: شتردين
صابرين: اريد صلحباوعلي عاقد حاجبة
عماد: صلح؟ انتي خليتي بيهة صلح
صابرين: لخاطر رند وعواد
أنت تقرأ
ثغرات الماضي
عاطفيةسأكتفي بطرح سؤال لماذا يدفع البريء ثمن خطيئة المذنب؟ قصة تتحدث عن انتقام من حبيب وانكسار فتاةٌ غير مذنبة تُترك في منتصف الطريق مع طِفلاً ليس مقبولاً على حقيقته بين المجتمع وكيف الله يجعل من كل امراً عسيراً يسير لكنها لن تبقى على ما كانت عليه في الما...