ثغرات الماضي

الفصل الثامن والعشرون

#ثغرات_الماضي
#طيبة_الربيعي
*الفصل الثامن والعشرون*

عذروني متابعيني الحلوين كتبت هل بارت عالسريع حتة الحگ انشرة اليوم
قرائة ممتعة💗
___________ ღ___________

اتصارع مع السياط لأحمي نفسي ومن احب
ما كان ضني ان ضاربي هو المحبوبُ💔

صابرين... منتظرة جواب منة على سؤالي واحس الشك اكلني اكل

عماد: هههههه، مو مسألة خوف، اذا انتي جاية تحققين وياية شلون ماترديني اتفاجئ

رجعت اباوع بالكتاب

صابرين: مجرد فضول مو تحقيق، عاجبني اسولف

اندار نام صفح ووجهة علية، خلة ايدة جوة راسة واحس عيونة علية

عماد: اي سولفي، اسمعچ
صابرين: مجاوبتني علة سؤالي
عماد: مفتهمت السؤال

باوعتلة'طيبة_الربيعي'

صابرين: چان عندك علاقات قبلي؟ طبعاً چان عندك، قصدي يعني شگد ووية منو
عماد: وية فلانة وعلانة
صابرين: لا والله
ضحك: اخاف احچي وتاخذيهة حجة انوب
صابرين: داگلك عاجبني اسولف، اطبب منا واطلع منا اطمن مينطبع شي مو مهم ابالي

رجعت اباوع بالكتاب، اسمعة يضحك، يحرگ بأعصابي بهذا البرود

عماد: من يا سنة ترديني ابدي
التفتت عليه: ماااشاءالله، الظاهر كل سنة درزن
عماد: لا عاد مو لهل درجة، بس اذا من چنت مراهق فهذا ميعتبر علاقات، چانت هيچ مجرد تصچيمات، تعرفين سوالف الولد مال مراهقة
صابرين: ماقصد مراهقة، قصدي علاقات، يعني علاقة حب
عماد: معايش قصة حب

باوعتلة رافعة تك حاجب

عماد: ماتصدگين مو؟ والله اصلاً چنت ملتهي بالدراسة ومن خلصت سادس بديت اشتغل مالحگت اراهق واني شاب ههههه
صابرين: مستحيل هل شي
عماد: وداعتچ، ماراح تصدگين بس ما فد يوم سويت علاقة حب حب، علاقات عابرة للونسة
صابرين: يعني هم چنت تلعب علة بنات العالم
عماد: لا العب ولا شي
صابرين: لعد مو تگول للونسة، اليتونس وية بنية شنو غايتة؟ غير يلعب؟
عماد: شوفي، اني من بديت اشتغل بالسوگ اشكال والوان بنات يمرن يومية گدامي، كبار صغار، اني اگلچ وحدة صدگ عجبتني ومن تعرفت عليهة اكثر شفت شخصيتهة زبالة، عاد عفتهة
صابرين: لعد مو تگول عيني عليچ من المتوسطة
عماد: اي صحيح، بس چنت اسوي علاقات عادي للونسة، وماجبرت وحدة علية هنة رخيصات
صابرين: ممم
عماد: مراهقتي وشبابي گضيتة وية شاهين، اسئلي اذا تريدين
صابرين: وشاهين مينطي بيك، مراح استفاد شي
ضحك: لان يعرفني صافي مثل المي
صابرين: مممم صافي
عماد: عمي اخوچ چان ابو العلاقات، حتة المسوي وياهن علاقة اني چانن بعلاقة وية اخوچ قبلي، چنت اخذ فضالتة ههههه