ثغرات الماضي

الفصل السادس

#ثغرات_الماضي
#طيبة_الربيعي
*الفصل السادس*

صباح الخير😍
______________
الله ياخذچ يا بيداء لو ما عنادچ وحقارتچ چان هسه اني سابحة بحمامنة.. تلخبطت حيييل.. طگيتهة ركضة لسويتنة گلبي يرجف رجف.. خليت ايدي على حلگي.. عزة العزاني اي والله.. شلون راح اباوع بوجهة اني شورطت حالي هل ورطةةة.. شوف حظي الفگر حظي الفگرررررر..

انوب هو صفن صفنة ابو القاط الرصاصي.. غير يدير ويروح شو اكلني اكل بنظراتة.. خالة ايدي على گلبي ومنتچية عالحايط..

ازل... تخبلت من شفت نغم بهل حالة

تقدمت عليهة بخوف وقلق: نغم؟😯 شبيچ عمرري

تفاجئت من شافتني رأسن مسحت دموعهة'طيبة_الربيعي'

نغم: مابية شي ازل شجابچ
گعدت بصفهة: احچيلي شبيچ ليش تبچين شصاير
نغم: الله يخليچ ازل مابية حيل احچي كلمة وحدة لتضغطين علية

ورجعت تبچي حسيتهة تريد تتمسك بدموعهة بس متگدر.. خليت ايدي على ايدهة.. بس قلقني الفون شنو قصتة.. شافت بي شي وهيچ انقهرت لو شنو

ازل: اني بنت عمچ سترچ وغطاچ اطمني اي شي تحچي گدامي ميطلع لكائن من يكون، فتحيلي گلبچ واحچيلي ليش تبچين احد مأذيچ مسويلچ شي
باوعتلي بتمعن: ازل بداعة خولة الي هية اعز من روحچ متوصلين الشفتي لأحد، اني من ابچي ارتاح ابد لتگولين لأحد شفتيني بهاي الوضعية خاصة خواتي، اعرف علاقتچ بيهن قوية'طيبة_الربيعي'
ازل: وداعة عيون خولة ومعزة ريان الحچي بيناتنة واذا طلعت مني يعني اني وحدة عار ومو گد الثقة، مستحيل اشوفچ هيچ مقهورة واعبرهة ولا كأنما شفت شي، احچيلي وريحي گلبي
جرت حسرة وگالت: منين ابدي اني صارلي سنين متعذبة ومحد يدري شبية مابية
زاد قلقي: شنو السبب
نغم: اووف يا ازل حتة لو حچيت مراح تفهميني
ازل: جربي، مو شرط افهمچ المهم اطلعين البگلبچ موزين تكتمين صدگي تموتين ناقصة عمر
نغم: ااااخ اااخ، تعبت من هل وضعية، لا اني الرجلية عالبر ولا اني غرگانة وخلصانة
ازل: تحبين صح؟
نغم: احب؟ گولي اعشق، كرهت شي اسمة حب
ازل: ليش'طيبة_الربيعي'
نغم: شوفي اني من ايام الجامعة وحدي ماعندي صديقات ولا اختلط بأحد بس وحدة وهية الي ورطتني هل ورطة

خفت لا اكو شي كلش چبير

ازل: يا ساتر
نغم: خلي احچيلچ من البداية

دنحچي چان تدخل ميس.. سكتت نغم ودنگت مگدرت تكمل

ميس بقلق: خير شبيكم شصاير
گمت اني: ولا شي بس مقهورين على جدو

ملگيت غير هاي الحجة

ميس: ليش هم شبي
ازل: نفس الشي ماكو شي جديد
ميس: الله كريم شنسوي لابد يجي يوم ويواجه الحقيقة
ازل: اكيد'طيبة_الربيعي'