الحياة بكل مجاريها

البارت الاول

في منطقه شعبيه في منزل من التراث القديم ولكن يسكنه الدفىء والمحبه بين افراد الأسرة
امال:- روحي صاحي اخواتك يا بنت
ملك(بملل) :- يارب صبرني
امال:- بتقولي ايه
ملك:- مش بقول
اتجهت ملك نحو الغرفه بكل قوتها ثم قالت بكل صوتها:- قووومووووووووا
سيف وهو يضع المخده على رأسه:- يا فتاح يا عليم يا رزاق يا كريم
ملك:- يلا يا اخويا انت وهو وراكوا شغل
فتح محمد أعينه بتثاقل:- انا مش ورايا حاجه اقوم ليه
ملك:- تقوم تصلي يا فاشل مصلتش الفجر هقول لابوك
محمد في لحظه كان يقف أمام اخته ملك:- لا والنبي راحت عليا نومه
تحدثت ملك بخبث:- كل يوم تروح عليك نومه
محمد وهو يضع جبينها بين يديه ويقبله:- معلش معلش
ثم غادره الغرفه
ملك:- حضرتك مش ناوي تقوم انت كمان
سيف وهو يضع كف مفاجأ ع راسها:- حضرتي قام وخلاص
ملك(بوجع وتضع يديها مكان الخبطه):- اااااه انا قفايا قرب يشتكي
ثم اتجمعه الاسره وتناولوا الافطار ثم ذهب كل شخص على عمله

سيف/شاب مكافح وطموح يسعى على رزقه محبوب بين الناس بسبب طبعه اللين مع الناس والطيبه التي تظهر على وجه وشخصيته
محمد(الأخ الاوسط لسيف) بشوش الوجهه لديه طباع سيف
ملك(الأخت الصغرى لسيف)جميع العائله يحبونها بما انها الصغيره وشخصيتها محبوبه في وسط الكل والحارة التي تعيش فيها بسبب شخصيتها الطايشه
************************************
في الجانب الاخر في محل يحتوي على أغراض ومشتريات كل بيت مصري
:- صباح الخير يا سيف
سيف(بابتسامه):- صباح الخير يا حجه
:- اديني والنبي كيلو رز
سيف:- حاضر
:- معلش بقى يبقى خليها على الحساب هديك كل حاجه على اخر الشهر
سيف:- ولا يهمك يا حجة

"في الجانب الاخر في مدينه راقيه تعم بالهدوء"
في منزل راقي وهادئ هناك يجلس شخصين بكل هدوء
سلمي قررت تقطع الصمت وقالت:- احم.. بابي عملت ايه
عزت(بهدوء):- لسه معملتش حاجه
سلمي(بانفعال):- ازاي يا بابا ازااااي
عزت:- هعمل ايه يعني الورق كله مظبوط
سلمي:- اتصرف انا حياتي كدا باظت..!!!
وبدأت في البكاء
حاول عزت ان يهديها لأنها ليس لها دخل فاي شئ حصل
عزت:- صدقيني كل حاجه هتتحل وبابا بيديكي وعد على كدا

*ثم يدخل شخص في منتصف الخمسينات*
مصطفى:- صباح الخير يا باشا
عزت:- صباح الخير يا مصطفى خد المفاتيح وانا جاي اهو
مصطفى:- تمام يا باشا
عزت:- حبييتي انا رايح الشركه خالي بالك من نفسك
سلمي وهي تمسح دموعها:- حاضر
ثم قام عزت ووضع قبله على شعرها وخرج وهو حزين على حاله ابنته التي غيرها الزمن والظروف
ثم ركب سيارته وهو يفكر في حل هذه المشكله
***********************************
في الجانب الاخر في جامعه القاهره
عادل:- اتاخرت ليه يا زفت
محمد:- المواصلات يعم
عادل:- اديلك ساعه طالع انت لو راكب حمار كان زمانك جيت
محمد:- بصراحه يعني مش عاوز ادخل المحاضره
عادل:- ليه إن شاء الله
محمد:- ما تيجي نصيع
عادل:- انا نازل من بيتي علشان اصيع كنت اتخمد احسن
محمد:- ما انا بردوا نازل من بيتي يعني هكون جاي منين
عادل:- مع نفسك يا اخويا ثم تركه واتجه نحو المدرج وذهب خلفه محمد بقلة حيله
محمد(بملل):- مصاحب دحيح الدفعه ياربي
عادل فتح الباب:- اسف يا دكتور علي التأخير
الدكتور:- اتفضل برا
عادل:- اتاخرت غصب عني
الدكتور:- بقول اتفضل برا