الحياة بكل مجاريها

البارت الرابع

قاطع حديثهم صوت صريخ سلمى وهي تخرج مسرعا
امال(بقلق):- في ايه
سلمي(بخوف):- فيه صرصور جوا صرصور كبير كبير
نظر لها سيف بضيق:- منك لله انا قلبي وقف
سلمي:- حد يجي يقتله
محمد(بسخريه) :- انا نازل سلام
مصطفى:- متتاخرش
اومأ راسه ببرود وغادر نظر له سيف بغموض
سلمي(بصوت عالي):- حد يجي يقتله عاوزه اخد شاور
ملك:- قوم يا باشا اقتله
سيف(بنفاذ صبر):- اقتليه يا سلمى بالشبشب مش قادر اقوم
سلمي(بدموع):- والنبي تعالي اقتله
نظر لها باستغراب وهو يتجه إليها:- بتعيطي علشان صرصار
امسكته من ذراعه بتلقائيه:- ادخل بسرعه قبل ما يمشي
نظرت سلمي من برا:- ها لقيته
خرج لها سيف:- لا شكله مشي ادخلي بقى
سلمي(بقلق):- رايح فين...ازاي يعني مشي...ماليش دعوه...اقتله...ماليش دعوه
سيف:- بس بس صدعتيني يا شيخه دا كله علشان صرصار
سلمي:- اسمه صرصور يبني ايه صرصار داا
سيف(بضيق):- لا يختي اسمه صرصار انتي اللي مش عارفه جايبه الكلمه دي منين
سلمي(بتلقائيه):- صرصور احسن واشيك
سيف(باستغراب):- اشيك
عادت علامات الذعر على وجهها وهي تقول بخوف:- الصرصور اهو اهو بسرعه يا سيف
دخل سيف بنفاذ صبر واقترب من الصرصار ودهسه بلامبالاه وخرج:- عاوزه حاجه تاني
سلمي(بامتنان):- لا شكرا وسع كدا
اغلقت الباب في وجهه نظر لها باستغراب بسبب تصرفتها اللي غير طبيعيه
ظلت سلمي تتأكد من ذلك الترباس سمعت صوت سيف من الخارج
سيف:- قفلتيه والله قفلتيه
سمعت سلمي بحرج وبدأت

تركها سيف وتوجه للصاله
ملك(بضحك):- قتلته
سيف:- اه معرفش ايه الخوف دا كله
امال:- متنساش تقول لابوها بكره
مصطفى:- لا مش ناسي...هدخل انام تصبحوا على خير
:- وانت من اهل الخير
ملك:- وانا كمان عندي درس بكره
سيف:- شايفك مقضياها لعب الايام  دي ركزي في السنه دي لو مجبتيش مجموع ثانوي مش هتدخلي
ملك(بذعر):- لا لا هجيب ان شاء الله
ارتفع صوت رنين موبايل سيف
سيف:- فينك دا كله
سليم:- والله...انا بردوا اللي فيني يعني لو مسألتش مش هتسال انت
سيف:- انت عارف يا سليم شغل المحل كتير مفيش غيري اللي واقف
سليم:- يبني قولتلك وقف حد معاك يساعدك
سيف:- لا كدا حلو انا حابب كدا
سليم(بنفاذ صبر):- طب انزل مستنيك على القهوه اللي في الشارع عندكوا
سيف:- تمام نازلك
نزل سيف وأغلق الباب خلفه واخذ المفاتيح وأصبح المنزل في هدوء تام الا المرحاض التي يوجد به سلمي

"في القهوه"
سيف:- ايه الاخبار
سليم:- زي الفلل..اقعد
جلس سيف ورفع صوته قليلا:- مدحت...كوبايه شاي
مدحت:- من عنيا يا باشا
سيف:- هاا فيه حاجه
سليم:- هو انا لازم اشوفك علشان فيه حاجه
سيف:- المفروض يعني تكون في  القاهره علشان شغلك بكره
سليم:- همشي بكره الصبح بدري...المهم عاوز اقولك حاجه
سيف:- خير
سليم:- انا هخطب خلاص
سيف(بابتسامه):- بجد
سليم:- اهه بس مش هعمل الخطوبه هنا
سيف(باستغراب):- اومال
سليم:- هعملها في قاعه في الرحاب ولازم تيجي
سيف:- ان شاء الله اكيد هاجي...بس هتخطب مين
سليم:- هيكون مين يعني يا ذكي
سيف(بدهشه):- انتو لسه مع بعض
سليم(بابتسامه):- اهه مع بعض
سيف(بفرحه):- ربنا يتمملك بخير يا صاحبي
سليم:- عقبالك
سيف(بتنيهده):- يارب
سليم:- ليه مش عاوز تفكر في الموضوع تاني يعم اهي غارت شوف غيرها
نظر له سيف ثم قال بسخريه:- لسه معملتش موف اون
سليم(بسخريه):- خيبتك كبيره والله يا سيف يا حبيبي...هتعمل امتى...لما هي تتجوز وتخلف
سيف:- يعم الله يسهلها في حياتها...انا هقوم امشي بقى
سليم:- الخطوبه يوم الخميس الجاي هبعتلك اللوكيشن على الواتس
سيف:- اتفقنا
تركه وصعد السلالم بهدوء وهو عابس الوجهه ظل يفكر في حبيبه عمره التي خذلته صدمه عمره يوم ما قررت تبعد عنه ولكن سرعان ما تذكر سلمي والصرصور
سيف(بابتسامه وهدوء):- صرصور...والله اسم حلو..صرصور
وفتح الباب بهدوء رأي سلمي تجلس على الاريكه وهي تقول بهمس:- والله يا سلمى انتي قمرر...يخربيت حلوتك....
ضحك سيف علي طريقتها
نظرت سلمي خلفها بقلق:- بسم الله...مش تقول اي حاجه كدا
سيف(بابتسامه):- هقول ايه عاوزاني اقطع فقرتك المتواضعه دي
سلمي(بابتسامه):- لا كتر خيرك والله
سيف:- يعني صاحيه كدا الجو متأخر
سلمي(بضيق):- الجو ملل اوي
جلس سيف بجوارها ولكن ترك مسافه بينهم:- ملل ايه انتي لحقتي
سلمي(بفضول):- هي دي حياتكوا ديما
سيف(بعدم فهم):- قصدك ايه
سلمي:- يعني انت في شغلك طول اليوم بتيجي اخر الليل واخوك مش عارفه اسمه ايه دا مش بيجي غير على النوم واختك في الدروس يا اما بتساعد طنط وعمو في شغله وبيجي يريح شويه ولا ينزل تاني وطنط قاعده في المطبخ وشغل البيت اربعه وعشرين ساعه
ضحك سيف علي طريقتها في الوصف:- ايوه دي حياتنا
سلمي(باستغراب):- بتضحك على ايه
سيف:- ولا حاجه...انا بردوا عاوز افهم انتي عاوزه ايه
سلمي(بملل):- الجو زهق اوي يبني
سيف:- افتحي موبايلك واليوم هيعدي
سلمي:- معنديش فيس ولا انستا ولا تويتر معنديش غير واتس وحيد كدا في الموبايل
سيف:- ومعندكيش ليه دا كله
تغيرت ملامح سلمي بضيق ثم قالت بحزن:- بابا قالي امسحي دا كله علشان كمال ميكلمنيش وكمان الواتس جابلي خط جديد بس معايا القديم بردوا
نظر لها سيف بفضول:- كمال دا جوزك
قالت سلمي بضيق:- متقولش جوزك دا خالص إياك
سيف:- اومال اقول ايه
سلمي:- قول كمال الكلب...كمال الحمار...كمال الوسخ...مع احترامي طبعا للحمار والكلب
ضحك سيف باعلي صوت:- اومال اتجوزتيه ليه طلاما هو دا كله
سلمي(بدموع):- غلطه...غلطه وهفضل ندمانه عليها طول حياتي وهفضل جمب الغلطة دي مش هتقدم خطوه تاني لقدام
سيف(بحزن):- مكنش قصدي افكرك بحاجه والله
اترسمت ابتسامه بسيطه على شفتيها:- مين قالك اني نسيت اصلا ولا هنسي

قاطع حديثهم دخول محمد
سلمي بصوت واطي:- اخوك السكران جه
نظر لها باستغراب:- ايه العفويه اللي عندك دي
سلمي:- انا هدخل انام لحسن اخوك يتجنن عليا تاني

تركتهم ودخلت غرفه ملك
سيف:- تعالي عاوزك
جلس محمد بجوار سيف بهدوء:- نعم
سيف:- مالك يا محمد...انت مكنتش كدا
محمد:- مالي ازاي يعني
سيف(بتنيهده):- بتسهر لوش الفجر ولا جامعه بتروحها ولا كتاب بتفتحه...ولا ركعه بتسجدها...انت عايش ازاي
محمد:- عايش هعمل ايه يعني
سيف(بحنيه):- من أمتي وانت بتخبي عليا حاجه
محمد(بتعب):- انا عاوز انام
سيف(بهدوء):- عندك جامعه بكره
محمد:- ايوه
سيف:- روح نام
تركه محمد ودخل غرفته
تراجع سيف علي الاريكه بشرود:- هعرف فيه ايه لو مش انهارده يبقى بكره لو مش بكره يبقى بعده مش ورايا غيرك يا محمد باشا
***********************************
في احد الأماكن الليليه
كمال:- سهره جامده تاخد عشره من عشره يبت يا لولو
ضحكت لولو بأعلى صوتها ثم قالت بدلع:- احنا تحت امرك يا كمال بيه
نظر لها كمال بخبث وهو يتقرب إليها ويقول:- طب ما تخليها اجمد من كدا وتيجي
لولو(بدلع):- اجي فين
نهض كمال وهو يمسكها من كفها ويغادر المكان
اوقفه شخص وهو يقول:- ما لسه بدري يا كمال باشا
نظر له كمال بتهكم وهو ينظر ل لولو:- هكمل الليله مع لولو...ولا انتي رايك ايه
اقتربت منه أكثر ثم قالت بدلع:- اللي تشوفه يا كيمو
نظر لها بخبث وهو يغمز لها:- تعجبيني
:- طب يا باشا نجبلك سواق شكلك شربت كتير
كمال:- ياريت
***********************************
في الصباح في غرفه ملك
سلمي(بضيق):- اقفلي النور
ملك:- اصحى دا كله نوم
سلمي:- لسه بدري
ملك:- طيب على العموم هتقعدي لوحدك في الشقه
نهضت سلمي مسرعه:- ليه
ملك:- كل واحد رايح شغله وماما نازله تجيب شويه حاجات وانا ريحه الدرس
خرجت سلمي وتوجهت نحو المطبخ:- انتي نازله يا طنط
امال:- ايوه يا حبيبتي
سلمي(بقلق):- مش عاوزه اقعد لوحدي
امال:- مش هتاخر
سمعوا صوت سيف وهو خارج:- انا نازل
امال:- استنى يبني
خرجوا الاثنين من المطبخ:- خد الفطار دا معاك علشان محلقتش تفطر
سيف:- مالهوش لزوم
امال:- لا خد
رأي سلمي تنظر بضيق وقلق:- مالك
سلمي(بضيق):- مفيش
سيف:- مالك يبنتي حصل حاجه...لقيتي صرصور تاني
*ابتسمت سلمي دون رد*
امال:- علشان مش عاوزه تقعد لوحدها
سيف:- مش هتتخطفي متقلقيش
خرجت ملك من غرفتها وهي تنوي الرحيل
ملك:- خدها معاك يا سيف تكسب فيها ثواب
امال:- اه خدها وابعتها بعد ساعه
تنهد سيف بهدوء ثم قال:- ماشي يلا البسي
ابتسمت سلمي وهي متجه نحو الغرفه:- طياره
سيف:- اتعلمتها منين دي
نظرت ملك له بفخر ثم قالت:- تربيتي
امال:- يلا يا ملك ننزل وانت يا سيف يبقى قفل
سيف:- حاضر
خرجت سلمي وهي ترتدي بنطلون وتشيرت تقريبا ربع حماله
نظر لها سيف بصدمه ثم قال بضيق:- ما بالها نزول بقى
سلمي:- ليه كدا
سيف(بضيق):- مش شايفه لبسك وانا بيدخلي ناس داخله وخارجه
شردت ثواني ثم قالت بابتسامه:- عندي عبايه سوده ثواني وجايه
نظر لما سيف بابتسامه:- كان من الاول
خرجت سلمي وهي تدور:- ايه رايك
لم ترى اي ريأكشن على وجهه:- ساكت ليه

يتبع البارت الخامس..
ياريت اللي يقرا يقول رأيه🥰♥️