الحياة بكل مجاريها

البارت السادس

لاحظت بخيال خلفها نظرت له ثم تحدثت وهي تضع يديها لتزيل أثر الدموع
سلمي:- ايوه يا سيف
نظر لها بحزن ثم تحدث بهدوء:- احكيلي اللي حصل بينكم وايه اللي وصلكوا لكدا
نظرت له باستغراب قاطع نظرها حديث سيف:- عارف اني ماليش حق اني ادخل في خصوصياتك بس انا سامعك لو حابه تتكلمي يعني
نظرت له ثم سكتت
حاول سيف ان يغير الموضوع ثم قال بمرح:- تحبي تخرجي
قالت سلمي باستغراب:- الوقت!!! الجو اتأخر
سيف:- ما انا اللي هخرجك...هاااا...ولا مش عاوزه اروح انام احسن
نظرت له بدهشه ثم قالت بسعاده:- مش عاوزه ايه اكيد هخرج
سيف:- طب اجهزي لغايه ما اقولهم برا واجهز انا كمان
سلمي:- اشطااا
خرج سيف وهو لم يعلم ما سبب حديثه او سبب فرحته عندما وافقت تخرج معاه
جلس ينتظر الكثير والكثير ثم خرجت بكامل اناقتها
نظر لها سيف بنفاذ صبر:- ايه دا كله الناس نامت
سلمي:- معلش معلش مش لازم اظبط الميكب بردوا
سيف:- يلا يلا
***********************************
في الجانب الاخر
تنظر سلمي في جميع أنحاء المكان بابتسامة:- حلو الكافيه دا مع انه فاتح في مكان ارياف بس لطيف
ابتسم لها بهدوء ثم نظر للمينيو:- يلا شوفي هتاكلي ايه
سلمي:- امممم امممم عاوزه كريب بالبطاطس
سيف:- حاضر
سلمي:- احكيلي بقى عندك كام سنه
سيف:- عندي ٢٧
سلمي:- طب مخطبتش ليه لحد دلوقتي
نظر لها بضيق:- اقفلي على السيره احنا جايين نغير جو مش تعكنني
سلمي:- هي فعلا السيره دي عكننه
ابتسم سيف بحزن ثم قال:- الحال من بعضه
سلمي(باستغراب):- قصدك ايه بقى انك اتجوزت
ابتسم سيف ثم قال:- لا مش للدرجادي انا خطبت بس
سلمي:- هاا وبعدين
سيف:- وبعدين يا ستي معجبهاش الشقه اللي هي المفروض تعيش فيها قالت انا عاوزه دي تتغير ودي ودي ودي واحنا كنا خلاص هنتجوز بعد شهرين المهم كلمت الراجل علشان يعملها اللي هي عاوزاه قال اقل حاجه ست شهور لحد ما نخلص فهمتها بهدوء انه مينفعش مخطوبين بقالنا سنه نتجوز وبعد كدا اعملك اللي انتي عاوزاه وافقت في الأول بس رجعت رفضت تقريبا عندها في البيت لعبوا في عقلها
سكت ثواني ثم اتنهد وقال بحزن:- قالتلي اتصرف أعملهم في شهرين اكيد بتتحجج بالست شهور علشان مش عاوز تعملهم وتخلينا نتجوز وبعدين مش هتعمل حاجه
ثم نظر لها بحزن شديد وقال:- بس والله انا كنت متفق مع الراجل بعد شهر من جوازنا هرن عليك علشان تبدأ شغل بس هي صدمتني من رد فعلها
نظرت له سلمي بحزن وهي ترى الدموع تتراكم في اعينه:- كنت بتحبها
ابتسم سيف من بين دموعه:- امممم...تقريبا الحاره كلها عارفه انه سيف بيعشق منيره
سلمي:- واللي اسمها منيره دي راحت سابتك
سيف:- قولتلها وانتي عاوزه ايه دلوقتي قالتلي تعملهم يا اما نسيب بعض انا اتصدمت من رد فعلها ومع ذلك حاولت مع واحد واتنين وتلاته علشان يعملوا بدري بدري بس الكل يا اما بيقول خمسه يا سته وبس سبتني بسهوله
ربطت سلمي على يديه ثم قالت بابتسامه:- طب حاول ترجعلها بما انك لسه بتحبها
نظر لها ثم تحدث بهدوء:- اتخطبت
نظرت له بدهشه ثم قالت:- بسم الله....لحقت تعمل موف اون امتى دا انت بتحكي كأنه الموضوع حاصل امبارح
ضحك سيف:- ضحكتيني
سلمي:- اضحك اضحك محدش واخد منها حاجه...وتقريبا حاليا احنا الاتنين بنعمل موف اون فنساعد بعض
ابتسم لها سيف:- طب حكايتي وقولتلك إنما انتي لسه معرفش احكي
سلمي:- لا لا مش بحب احكي
سيف:- ليه يستي
سلمي:- علشان مبقاش تقيله عليك
نظر لها باستغراب:- تقيله ازاي يعني
بدأت سلمي في شرح قصدها:- يعني مفضلش احكي وانت فيك اللي مكفيك وبعدين مش بحب اضايق حد بمشاكلي بشلها لوحدي
سيف:- بس دا غلط
سلمي:- عارفه وبحاول احكي علشان اغير الطبع دا
سيف:- طب يا ستي براحتك هسمعك في اي وقت
*الليله انتهت وسلمي في كامل سعادتها*
سلمي بسعاده:- ايه رايك في الخروجه
سيف:- جميله جداا
نظرت له سلمي بفرحه:- شكرا اوي انك خرجتني
ابتسم لها سيف بحب:- كويس انك اتبسطي...تصبحي على خير
سلمي:- وانت من اهله
دخل سيف غرفته رأي محمد يمتدد على السرير ورائحه بشعه توجد في الاوضه
سيف بضيق:- ايه الريحه دي
خرج من الغرفه وتمدد على الكنبه
***********************************
في الصباح في منزل سالم رفعت
تتجمع العائله على طاوله الطعام
سالم:- عملت ايه مع مراتك دي
كمال:- هي مسافره لما تيجي هتيجي هنا ان شاء الله
جني بضيق:- ما تطلقها بقى احنا زهقنا من الحوار دا
سالم(بخبث):- والملايين والمليارات دي كلها تروح لحد غريب
عادل(بسخريه):- على اساس كمال مش عاوز يطلقها علشان كدا بس عاوز تفهمني انه كمال مش بيحبها
سالم:- انا مالي بيحبها او لا المهم الفلوس وبس
عادل:- انا ماشي
كمال:- وانا كمان
سالم:- رايح فين
كمال:- الشركه
جني:- وصلني معاك الجامعه يا عادل
عادل:- يلا