الحياة بكل مجاريها

البارت الثاني

ربت مصطفى على كفيها ثم نهض بها لشقته
"في الجانب الاخر في محل البقاله"
عامر:- مين البت الجامده اللي مع ابوك دي
سيف(باستغراب):- مش فاهم قصدك
غمز له عامر ثم قال:- جامده اوي إنما ايه
سيف(بحده):- ما تحترم نفسك اكيد اختي ايه قلة الأدب دي
عامر:- لا لا... اهدي مش اختك ما انا عارف اختك
"قاطع سيف حديثه بدخول الزباين"
سيف:- امشي انت دلوقتي
عامر وهو يغادر المكان:- مستنينك بليل متتاخرش
سيف:- ان شاء الله
**********************************
في شقه مصطفى
امال(باستغراب):- اتفضلي
مصطفى:- فين ملك
امال:- في اوضتها
ثم قالت بصوت أعلى:- ملك... ملك
ملك:- ايوه جاااااي
مصطفي:- ادخلي يبنتي مع ملك
ثم وجهه حديثه لملك:- دي سلمي هتقعد معاكي في اوضتك فتره كدا
نظرت لها ملك باستغراب ثم قالت بابتسامه:- دي اوضتي هتنور
اكتفت سلمي بابتسامه ليها ثم دخلت غرفه ملك
امال(باستغراب):- مين دي يا حج
مصطفى(بتنهيده):- هحكيلك كل حاجه

"ثم بدأ يقص عليها كل ما حدث"
مصطفى:- دي كل الحكايه
امال:- يا عيني يبنتي شكلها طيبه اوي
مصطفى:- فعلا
امال:- بس هتعرف تعيش معانا هنا
مصطفى(بقلق):- مش عارف كلها شهرين وهتشمي اصلا سيف مش بيجي غير آخر الليل ومحمد بنام ومش بنشوفه اصلا وهي هتقعد مع ملك في اوضتها والايام هتعدي ان شاء الله
امال:- ان شاء الله

"في غرفه ملك"
ملك:- ساكته ليه
سلمي(بتوتر):- عادي
ملك(بتساؤل):- هتقعدي معانا اد ايه
نظرت لها سلمى باستغراب ولم ترد عليها
ملك(بمزاح):- قصدي يعني هتنورينا لحد امتى شكلك هاديه وانا مش بحب كدا
ابتسمت سلمي ثم قالت:- انا مش هاديه مين قال كدا
ملك(بمرح):- ايوه كدا عاوزاكي تتاقلمي معايا كدا وهعجبك
سلمي(بضحك):- ماشي بس هقوم اغير الاول
ملك وهو تنهض من على السرير:- طب اطير انا بقى غيري براحتك
خرجت ملك مسرعا لتعرف حكايتها من امال
**********************************
في الجانب الاخر في فيلا عزت
كمال وهو يدخل دون أي اذن:- عزت باشا
نظر له عزت بضيق:- مفيش باب تخبط عليه
نظر له كمال بابتسامه ثم قال ببرود:- دا انت حمايا ولا ايه
عزت:- انت جاي ليه
كمال:- عاوز اشوف مراتي ولا هتمنعني من دي كمان
عزت:- مراتك نايمه قبل ما تيجي بعد كده يبقى رن الاول
تحدث كمال وهو يتجه للسلم:- هطلع اصحيها
عزت نهض مسرعا ووقف أمامه ثم قال:- هتطلع فين احترم نفسك
كمال:- هي مش مراتي
عزت:- اتفضل امشي يبقى شوفها في وقت تاني
كمال(بابتسامه وهو يغادر المكان):- ماشي همشي هتروح مني فين مسرها ترجع لحضن جوزها
عزت(بصوت واطي):- دا بعينك
********************************
في الجانب الاخر في مكان خالي من الناس
محمد:- النوع دا جامد اوي
شحص(1):- اوي اوي
شخص(2):- كل حاجه بتمنها
محمد:- هنديك اللي عاوزه بس سبنا متبوزش الدماغ بقى
************************************
في الليل في منزل مصطفى
امال:- اتصلتي على اخوكي
ملك:- قالي طالع اهو

*دخل سيف ووضع الطلبات على الكنبه ثم دخل المطبخ في نفس الوقت كانت ملك تخرج من المرحاض وقفوا دقايق ينظروا لبعضهم باستغراب قاطع سكوتهم امال التي تخرج من المطبخ
امال:- سيف انت جيت حمدلله على السلامه
سيف(بهدوء):- الله يسلمك يا أمي
(تركها ودخل غرفه مصطفى التي كان يجلس على السرير)
سيف(باستغراب):- مين اللي برا دي
مصطفى:- انت شوفتها
سيف:- ايوه...هي مين
مصطفي:- هتقعد معانا فتره كدا
نظر له سيف بعدم فهم:- هتقعد فين يعني
مصطفى:- معانا في الشقه هيكون فين يعني
نظر له بصدمه ثم قال بحده:- نعمممم
مصطفى:- في ايه
سيف وهو يجلس بجوار والده:- فهمني... هي مين وايه حكايتها
مصطفى:- هفهمك
"وبدأ يحكي للمره الثانيه"
سيف(بضيق):- واحنا مالنا يا بابا هما مالقوش غيرك اللي تحميها
مصطفى:- يبني عزت باشا مشوفتش منه حاجه وحشه مقدرتش ارفضله طلب
سيف:- طب هتعيش معانا ازاي دي
مصطفى(بتنيهده):- انا عرفته كل حاجه وعارف ظروفنا وبعدين في الحال دا يرضى باي حاجه علشان سلامه بنته
سيف:- بس يا..
قاطعه مصطفى:- مبسش وكفايه كلام في الموضوع دا يلا علشان نتعشى
اتنهد سيف وهو ينهض:- ماشي