الحياة بكل مجاريها

البارت الثالث

ملك(بضيق):- بتضحكي على ايه
سلمي(بضحك):- ولا كأنك بتتكلمي شكله بيحبك اوي
ملك(بدلع):- ما هو بيحبني
سلمي:- لا ما هو باين والدليل انه رد على سؤالك
ملك(بضيق):- يلا يبت علشان مضربكيش

*توجهه لام صفيه التي تملك محل لبيع الطرح والأنقبه*
ملك:- السلام عليكم
ام صفيه:- وعليكم السلام...ليكي وحشه والله يبت
ملك(بابتسامه):- والله وانتي كمان
نظرت ام صفيه لسلمى باستغراب
ملك:- اعرفك..دي سلمي قربتنا جايه تقعد فتره وهتمشي
ثم نظرت لسلمى:- ودي بقى ام صفيه اي طرحه تخطر على البال هتلاقيها في المحل هنا
ثم نظرت لام صفيه وهي تغمز لها:- اي خدمه بعملك دعايه اهو
ثم ضحكوا واشترت ملك طرحه ثم خرجوا من المحل....كانت سلمي تنظر في كل محل تنظر في الشارع باستغراب
ملك(بهمس):- فرق شاسع بين الريف والمدينه على اد ما في الريف عيوب على اد ما فيها مميزات الكل بيتعاون مع بعضه حاسه بدفي اوي في المكان بس دا ميمنعش انه مش مستريحه في مكان مش مكاني حاسه اني غريبه وسطهم فيه اللي بيبصلي بفضول وعاوز يعرف مين دي وفيه اللي بيبصلي بصات اشمئزار بتخليني اكرهه نفسي اكتر ما انا كارها اصلا
فاقت من شرودها علي صوت ملك
ملك:- بتكلمي نفسك يبت
سلمي:- لا...بس احنا كدا خلاص هنروح
ملك:- تعالي ندخل المحل هنا
سلمي:- نعمل ايه
لم تتنظر رد من ملك بعدما رأت سيف يجلس في المحل
ملك(بمرح):- اهلين اهلين
نظر لهم سيف باستغراب ثم اختلفت النظره عندما رأي سلمي والتي ترديه
سيف(بصدمه):- انتي رايحه فين
سلمي(باستغراب):- انا!!
سيف(بضيق):- اومال امي
ملك(بصوت واطي):- شكلي خربت الدنيا على الآخر
سلمي:- نزلت مع ملك فيها ايه
سيف:- مفيهاش حاجه بس اللبس هو اللي فيه حاجه
وضعت سلمي كفيها عند خصرها ثم تحدثت:- فيه ايه بقى ان شاء الله

"قاطع حديثهم دخول منيره"
منيره(بمياعه):- ازيك يا سيف
نظرت لها ملك بضيق وكذلك سيف
سيف(بهدوء):- محتاجه ايه
منيره:- عاوزه كيلو رز وازازة زيت
توجه سيف نحو الارفف
منيره:- ازيك يا ملك
ملك(بضيق):- كويسه
نظرت منيره لسلمى باستغراب:- مش تعرفينا يا ملك
ملك(بحده):- كنتي من بيت أهلنا ولا ايه يلا يا حبيبتي خدي حاجتاك وهوينا أصل الأكسجين راح من المكان فجأه
نظرت لها منيره بضيق وأعطت الحساب لسيف وغادرت
سيف(بابتسامه):- اهدي مش منيره اللي تعصبك
ملك(بضيق):- هي مين دي اللي تعصبني دا انا كنت اكلتها باسناني اكل كدا الحربوءة دي
حاولت سلمى استفزازها:- طب براحه وشك قايد نار بشويش علشان متحرقناش
ضحك سيف عليها ثم نظرت لهم ملك بضيق وغادرت خرجت سلمي مسرعه خلفها
سلمي:- اصبري يابت اصبري
في محل سيف دخل الشاب
:-مين دي يا باشا
سيف(بعصبيه):- يارب صبرني...انت عاوز ايه يا مدحت روح شوف شغلك في القهوه لحسن اخلي المعلم يطردك وانت عارف مش بيقدر يرفضلي طلب
اسرع مدحت بالخروج دون أن يتفوه باي كلمه
سيف:- ناس متجيش غير بالزعاق

"في الجانب الاخر في سياره كمال"
كمال:- هوصلك وبعدين هروح مشوار واجيلك
جني:- هتروح فين
كمال:- عند سلمي
جني(بحنق):- هي مش ناويه تيجي ولا ايه
كمال(بخبث):- قريب اوي هتيجي
جني:- مش عارفه هي بتدلع على ايه محصلش حاجه لدا كله
كمال:- براحتها بقى بس هي كدا كدا هترجع لو مش بمزاجها يبقى غصب عنها