الحياة بكل مجاريها

البارت التاسع

قالت سلمي بهمس:- ما هو لو اختار صح مش هيختارك
ساره:- تعالي نتصور معاهم
سيف:- ماشي يلا يا سلمى
سلمي:- لا روحوا انا قاعده مستنياك
سيف:- هتقعدي لوحدك يعني
سلمي:- اه
غادر سيف وهو يقول:- براحتك
سلمي:- قال براحتك قال
نهضت سلمي وخرجت من المكان ثم أخرجت الفون
سلمي:- رد بقى رد
كريم:- حبيبت قلبي اللي مش فضيالي
سلمي:- لا فضيالك يا كيمو
كريم:- اومال مردتيش عليا ليه
سلمي:- كنت دخله الفرح
قال كريم باستغراب:- فرح مين
سلمي:- واحد صاحب سيف
كريم:- عندكوا في الحاره يعني
سلمي:- لا دا احنا في الرحاب
كريم:- بجد
سلمي:- اه والله
كريم:- خلاص هاجي اشوفك شويه، ولا هتمشوا
سلمي:- لا لسه مش هنمشي
كريم:- طيب ابعتي اللوكيشن في مسدج
ابتسمت سلمي ثم قالت:- اشطاا يلا سلام، متتاخرش
كريم:- لا مسافه السكه
اغلقت معه ودخلت مكانها مره اخرى
سلمي:- شكله عجبه الكلام معاها، وبعدين انتي مالك يتكلموا ولا لا خاليكي في خيبتك
سيف:- بتكلمي نفسك
سلمي:- بسم الله خضتني
سيف:- طب يلا علشان البوفيه فتح
ثم نظر لها وضحك
نظرت له بضيق:- مش جعانه
سيف باستغراب:- مالك
سلمي:- مفيش
سيف:- انتي قلابة مزاج يبت
سلمي:- معرفش
سيف:- فيه حد ضايقك طيب
سلمي:- لا محدش يقدر
ابتسم لها سيف ثم غمز لها:- جاااامد
اكتفت بابتسامه
سيف:- طيب هروح اجبلك واجي متتحركيش من مكانك
سلمي:- اوكاي
********************************
في الجانب الاخر في سياره كريم
كريم:- يا عمو متقلقش محدش مراقبني
عزت:- لو حد مراقبك هتبوظ كل حاجه احنا بنعملها
كريم:- انا واخد بالي كويس اوي، يلا سلام علشان قربت اوصل
عزت:- سلام

"في الجانب الاخر"
نظر لها سيف باستغراب:- مش بتاكلي ليه انتي مش كنتي جعانه
نظرت له ثم نظرت للطبق بضيق حاولت السيطره على دموعها ولكن فشلت
لاحظ سيف دموعها فقال:- لا دا اكيد فيه حاجه، فيه ايه
سلمي:- مفيش، هيكون فيه ايه
سيف:- يبنتي كنا كويسين ايه اللي قلب الحال كدا
قاطع حديثهم صوت رنين هاتف سلمي
سلمي:- الو
كريم:- صوتك ماله
سلمي:- انت وصلت
كريم:- اه انا برا اهو
سلمي:- طيب انا طالعه
سيف باستغراب:- مين
سلمي:- دا كريم
نظر لها بضيق ثم قال بحده:- وايه اللي جابه
سلمي:- انا رنيت عليه وقولتله تعالي، اقعد انت مع صاحبك لحد ما اقعد معاه شويه
سيف:- لا والنبي
نهضت سلمي وهي تتناول أغراضها:- اهه
نهض هو الاخر وهو يقول بحده:- وانتي قولتيله تعالي ليه
سلمي:- عادي هو قالي هاجي اشوفك شويه، عن اذنك
خرجت سلمي وهو خرج خلفها بضيق
توجهه كريم إليهم عندما رأهم
كريم:- وحشتيني
سلمي بدموع:- وانت كمان
سالها باستغراب:- مالك يا حبيبتي
نظرت له ثم سكتت
نظر كريم لسيف الذي يتابعهم بضيق:- ممكن تسبنا شويه
سيف بحده:- لا مش ممكن
كريم:- ليه عاوز اتكلم معاها شويه
سيف:- ودا على اساس ايه ان شاء الله
كريم:- على اساس انه عاوز اتكلم مع اختي شويه
نظر له سيف باستغراب ثم قال:- اختك!!!
كريم:- اه اختي اومال انت بتحسب ايه
سيف:- اللي هو ازاي يعني
كريم:- هفهمك بعدين سبنا بقى
نظر له سيف بغموض ثم تركهم بعدما علم هذا الخبر:- اخته، حلو الخبر دا
كريم:- هاا قولي في ايه
سلمي:- مفيش
كريم بضيق:- سللللللميييي
سلمي:- خلاص خلاص هقول
كريم:- سامعك
سلمي:- مش عارفه انا مضايقه ليه اصلا بس انا مخنوقه
كريم:- من ايه انتي في فرح ايه اللي مضايقك
سلمي:- مش عارفه
كريم:- حد ضايقك، حد اتكلم معاكي، حد عمل معاكي تصرف مش حلو
سلمي:- هحكيلك اللي حصل
كريم:- اه من الاول كدا واحكي
بدأت سلمي في الحكي من اول دخولهم للقاعه لحد ما بدأت في البكاء
كريم:- اممممم
سلمي:- امممم ايه
كريم:- طب وانتي مالك يتكلموا مع بعض ولا لا
سلمي:- معرفش بقى، ممكن علشان اتجاهلني ساعتيها وقام معاها عادي كدا
كريم:- ما هو قالك تعالي وانتي رفضتي، الراجل مغلطش
قالت سلمي بضيق وبصوت عالي:- كان قعد بقى مرحش طلاما انا مش هروح
نظر لها كريم وابتسم:- وهو يقعد جمبك ليه انتي نكديه وهو جاي فرح صاحبه
سلمي بحده:- انا مش نكديه خالي في علمك، وبعدين احنا مش واكلين مع بعض عيش وملح المفروض كان قعد بقى
نظر لها كريم بغموض ثم ابتسم وقال:- حبتيه..!!!
دققت النظر فيه بصدمه:- اكيد انت بتهزر
كريم:- واهزر ليه، انا بسألك عادي
سلمي:- لا مش سؤال عادي، علشان انت عارف انه انا في الف مشكله واكيد مش هروح احب وانا في المشاكل دي كلها
كريم:- فين المشاكل دي كلها، عاوزه تتجوزيه يا ستي هروح اخلصلك على كمال الكلب دا، وبعدين حسيته راجل كدا
سلمي:- هو مين
كريم بابتسامه:- سيف باشا
سلمي بتوتر:- انت تقريبا اتجننت يلا علشان نمشي
كريم:- تعالي ناكل حاجه انا جعان
سلمي:- وانا كمان جعانه يلا
كريم:- هنادي سيف واجي
***********************************
في الجانب الاخر في المطعم
كريم:- انتو ساكتين ليه كدا
سيف:- عاوزني اقول ايه
كريم:- عاوزك تقولي انت ليه مش طايقني
ثم نظر له بابتسامه وغمز له:- انا اخوها خالي في علمك
نظر له سيف وتقريبا فهم قصد كريم:- قصدك ايه
همس كريم لسيف:- احنا رجاله زي بعض ونفهم بعض يعني متعملش عليا عبيط
وأنهى كلامه بابتسامه
سلمي:- بتقولوا ايه
كريم:- بنصحه نصيحه اخويا مش اكتر يا حبيبتي
سيف:- انت ازاي اخوها
كريم:- هي بنت خالتي واختي في الرضاعه، ابويا وامي اتوفوا في حادث سياره وانا صغير روحت عند اعمامي واخوالي محدش كان طايقني لحد ما عمو عزت اخدني عنده ورباني في الوقت دا اصلا خالتو نهله كانت متوفيه اتوفت يوم ولاده سلمي فلما كنا بنروح عندهم ماما كانت بتقوم معاها بالواجب وترضعها وانا بردوا كنت برضع احنا اصلا الفرق بينا سنه وحده، فهمت الحوار
ابتسم سيف له بارتياح:- فهمت
كريم:- ما انت بتعرف تضحك اهو كنت قالبها عليا ليه
سيف:- بس انتو شكلكوا قريبين من بعض جدا
كريم:- بقولك متربين مع بعض من واحنا صغيرين مفيش حاجه فرقتنا غير سفري
سلمي:- منه لله
كريم:- ليه كدا يا ورده مش انتي اللي كنتي عاوزاني اطلع دكتور
سلمي:- اهه بس مقولتش تسافر والله يا عسل
ابتسم لها كريم:- اللي حصل بقي
سيف:- انت بتدرس طب
كريم:- اهه وانت
سيف:- انا خريج كليه تجاره
كريم:- طب ما حلو ليه فاتح محل زي كدا في حاره اكيد معيشك بالعافيه
سيف:- لا الحمدلله كويس، انا لقيت شغل ومشتغلتش
كريم:- لو كلمت عمو عزت مش هيتاخر عليك
سيف:- لا انا حابب كدا
نظرت له سلمي بملل:- صدعوتني، ايه الرغي دا
كريم:- عاوزه نتكلم في ايه، واحنا نتكلم
سلمي:- اسكتوا احسن
شردت سلمي لدقايق:- هو انا ممكن اكون حبيته فعلا!!!! لا لا يا سلمى حب تاني نووو خازوق تاني نووووو دا مجرد إعجاب وهيروح لحال سبيله
قاطع شرودها صوت كريم
كريم:- انتي عجبك القاعده هنا قومي يلا خلينا نمشي
سيف:- تقدر تروح انت واحنا هنروح علشان ميحصلش مشاكل
كريم:- لا متقلقوش محدش مراقبني لسه ميعرفوش اني نزلت مصر اصلا
سلمي:- احسن وياريت ميعرفوش
كريم:- مسيرهم يعرفه يا حبيبتي
***********************************
في منزل مصطفى
مصطفى:- ولادك فين
امال:- معرفش محمد فين وسيف في خطوبه صاحبه
مصطفى:- انا ابنك محمد دا مش بعرف اتلم عليه
امال:- ما انت عارفه بيخرج مع أصحابه ويرجع اخر الليل
مصطفى:- حتى لما بيجي قاعد اربعه وعشرين ساعه في اوضته كأنه عنده توحد
امال:- هو بيجي متأخر تعبان بس
مصطفى:- لما اشوف اخرتها معاه