الحياة بكل مجاريها

البارت السابع

خرجت سلمي بهدوء وهي ترد على سيف:- نعم عاوز حا...
ثم نظرت بصدمه على كريم الذي يقف وهو يبتسم لها
ثم تحدثت بدهشه:- ك.. كريم
اخيرا تحدث كريم بابتسامه:- هتفضلي واقفه عندك كدا
أسرعت سلمي اتجاه واصبحت بين ذراعيه وحملها لوجود فرق طول شاسع بينهم وظل يلف بيها عدت مرات تحت نظرات سيف الغاضبه
تحدثت سلمي من بين شهقتها:- كيمو انت وحشتني اوي
انزلها كريم ثم قال وهو يضع كفيه بين وجهها:- وانتي كمان وحشتيني اوي
احضتنه مره اخرى والدموع تنهمر من عينيها
كريم:- بطلي عياط هرجع تاني
نظرت له وهي تتحدث بسرعه:- لا لا خلاص...انت نزلت امتى مصر
كريم بابتسامه:- امبارح بليل
سكت لثواني ثم تحدث بحزن:- واول ما عرفت اللي حصلك قررت اجيلك علشان اشوفك
سلمي(بدموع):- متسبنيش يا كريم
كريم:- يا حبيبتي مش هسيبك هاخدك معايا
مصطفي بتحذير:- عزت باشا قال ايه
ابتسم له كريم:- خلاص
سلمي(باستغراب):- قال ايه
كريم:- قال موهمكيش اني اخدك معايا عشاان قولتله هاخدك ونسافر رد قالي مينفعش تسافر برا مصر نهائي
نظرت له سلمي بحزن ثم قالت:- للأسف كمال منعني
تحدث سيف بضيق:- مش هتعرفينا يا سلمى
سلمي(بابتسامه):- اكيد
ثم نطرت لكريم:- كريم دا سيف ابن عمو مصطفى
اكتف سيف بعبوس وجهه
ودا محمد اخوه ودي ملوكه اختهم وصحبتي ودي طنط امال طيبه جدا
ابتسمت امال لكريم:- نورتنا يا ابني
كريم:- بنورك يا طنط
ثم قال بمرح:- وانا كريم
ضحك الجميع ما عدا سيف الذي قال بصوت منخفض:- يخربيت تقل دمك يا اخي
امال:- اتفضل معانا بقى الغدا جاهز
كريم:- لا شكرا
سلمي:- يلا يا كريم نتغدا مع بعض يلا
همس كريم لسلمى:- علشان مضايقهمش يبنتي
ثم قال وهو ينظر لمصطفى:- طب ينفع اخد سلمي ساعه واجبها
مصطفى:- على فين يبني
ابتسم كريم ثم قال:- مش هنطلع برا الحاره متقلقش
مصطفى:- ماشي
تحدث سيف بغيظ من هذا الكائن البارد الذي يقف امامه:- ماشي ايه يا بابا الناس هتتكلم
كريم:- متقلقش مش هنتاخر يا...سيف
ابتسمت سلمي لكريم:- هروح اغير واجي
كريم:- طب بسرعه...اكمني عارفك بتقعدي بالساعه والساعتين
سلمي:- طياره
سيف:- استغفر الله العظيم يارب
بعد دقايق خرجت سلمي وهي ترتدي فستان ثم قالت بابتسامه:- ايه رايك يا كيمو
ابتسم لها كريم وهو يمسك يديها:- انتي حلوه في كل حالاتك يا قلب كيمو..عن اذنكوا يا جماعه
مصطفى:- اتفضل
تحدث سيف بهمس:- نص جسمها باين وبيقول حلو بدل ما ينصحها يخربيت برودك يا شيخ..وانا مالي مضايق نفسي ليه ما تلبس ولا يخرجه مع بعض ايه دخلني انا
ثم نهض وهو يتحدث:- انا نازل
امال:- ايه دا مش هتتغدي
خرج سيف بضيق:- مش طافح
نظر محمد لملك باستغراب:- ماله اخوكي
ملك:- مش عارفه قلب مره وحده كدا ليه

"امام محل للاكلات"
كريم:- متأكده هناكل من هنا يبنت انتي
سلمي:- اهه عندهم كبده جامدة
كريم:- ويا ترى بقى كبده كلاب ولا ايه
نظرت له وقالت بابتسامه:- لا قطط
كريم:- يخربيتك مش واكل حاجه تعالي نشتري حاجه من السوبر ماركت احسن
سلمي:- طب تعالي نروح بقاله سيف
كريم باستغراب:- مين سيف
سلمي:- سيف انت نسيته ابن عمو مصطفى
كريم:- اهه افتكرت المقفل دا
ضحكت سلمي ثم قالت:- مقفل ايه دا طيب
نظر لها كريم ثم قال باستهزاء:- انتي عندك كل النااس طيبين والله يا سلمى
سلمي:- لا بس هو طيب وغلبان كدا
كريم:- طيب هنقعد فين لما نشتري من البقاله دي
اتنهدت سلمي ثم قالت بحماس:- ايه رايك تسبلي نفسك ساعه وحده هوديك قهوة الواد مدحت بيعمل شاي إنما ايه
نظر لها كريم بدهشه:- مدحت مين
سلمي:- شغال في القهوه اللي قصاد البقاله
نظر لها كريم وقال وهو مبتسم:- الله يرحم المولات اللي كنتي فيها كل يوم
سلمي:- اااااه متفكرنيش والنبي...المحل اهو
دخلت سلمي وهي تبتسم لسيف:- المره دي بقي جايه انفعك
نظر لها بضيق وهو يجاهد في رسم ابتسامه:- نورتي
نظرت سلمي لكريم الذي ينظر للمكان بتفحص:- شوف هتشتري ايه
كريم:- ماشي اختاري انتي كمان
سلمي:- اوك
بعد مده اتجه نحو القهوة وجدت مدحت يستقبلهم بكل مرح
ضحكت سلمي بعد ما تذكرت كلام سيف علي هذا الكائن
كريم:- اسمك مدحت
مدحت:- ايوه يا باشا
سلمي:- اعمل اتنين شاي يا مدحت
نظر كريم لسلمى باستغراب:- بس انا مش هشرب شاي
سلمي:- تعالي بس الشاي بتاعهم حلو تعالي نقعد
جلسوا الاثنين وبدأو في الاستمتاع بوقتهم