في الماضي

في الماضي 4

                              الفصل الرابع
ْ
_إيه يا حيوان انت .
_.......
_كل ده و لسه مسمعتش خبره ، قدامك سواد الليل و بس ... الصبح لو طلع علي راجح هاخد روحك .
_......
_مفيش حاجه أسمها صعب ، الأمن اللي يقف قدامك أقتله .
_.....
_ميهمنيش حمزه الشامي دلوقتي قد ما يهمني راجح ،حياة راجح قصاد حياتنا فاهم .
_.....
_بغضب : أقتله قبل مااا يفتكر ويخلص علينااا واحد واحد .
_.....
_خلاص ساعه بالظبط ويجيلي تليفون يأكدلي أنك نفذت يلا غور .
ْ
أغلق الخط و أرتسمت الأبتسامه علي فمه و نظر للتي أمامه و أردف .
_إياد بخبث : عملت اللي قولتي عليه ممكن أفهم الخطوه اللي بعدها .
_وداد : تروح لراجح .
_إياد :نعم!!
_وداد : زي ما قولتلك .
_إياد : بس بس أزاي .. دا تلاقيه أنس وصله اللي سمعه.
_وداد : و هو ده اللي عايزاه .
_إياد بغضب : بس ده ممكن يقتلني .. أنتي عارفه حمزه ممكن يعمل فيا إيه ، هيقتلني .
_وداد : حمزه أنصح من كده ... المهم عايزاك تدخله من ناحيه أخويا و حبيبي الف الف سلامه عليك إنشالله اللي يكرهم .
_إياد : وداد انا مستحيل أعمل كده أنا مش مستغني عن نفسي 
_وداد : هتعمل كده يا إياد و بمزاجك .
_إياد : أزاي بقا بمزاجي ممكن تفهميني .
_وداد : أسمع مني هتعمل ايه بالظبط .
فنظر لها إياد بتركيز .
_وداد بخبث : .........
ْ
__________________________________________
في قصر الشامي ..
كان الجد حسين جالس و أمامه رجل ما .
_حسين : يعني خبر فقدانه الذاكره ده بجد .
_الرجل : يا باشا بجد 100%.
_حسين : و إيه اللي مخليك متأكد كده .
_الرجل : روحت المستشفي اللي كان فيها بنفسي و الدكتور أكدلي أنه فقد الذاكره .
_حسين : يعني مفيش أمل يفتكر خالص .
_الرجل : لأ يا باشا هيفتكر ده فقدان مؤقت .
_حسين : طب و عملتلي إيه في موضوع حمزه .
_الرجل : ما قولتلك نخلص عليه وكان قدامنا و أنت اللي رفضت  .
_حسين : لأ مش بالسهوله دي أنا مش عايز أريحه  بسرعه انا عايزك حد غالي ليه نحرق قلبه عليه زي ما قتل هاني وحرق قلبي عليه ..ومفيش أغلي من راجح ليه أنا عايز خبر راجح .
_الرجل : عنيا يا باشا .
_حسين : يلا روح شوف وراك إيه .
__________________________________________
ْ
في غرفة راجح ... كان أنس يجلس بجواره علي السرير و من الجهه الآخر كان يجلس حمزه  و كان يشاهد التلفاز .. أما أنس فقد كان يتحدث مع راجح و يمزح معه .
ْ
_أنس لراجح : ياض يا معفن قاعد في بيتك بقالي تلات سعات الا ماشوفت كباية عصير جيالي .
_راجح :هو مش أنت أخويا .
_أنس : أه .
_راجح ببرود : عيش و أتعايش يا حبيبي البيت بيتك أنت مش ضيف يعني .
_حمزه بضحك : هههه مع أنه فقد الذاكره بس لسه بارد زي ما هو .
_راجح  : هو  أنا كنت بارد زمان .
_أنس : بارد ..يابني دول أدولك البرود عشان توزعه علي الكوكب طمعت فيه و خدتوا لوحدك .
_أبتسم راجح بخفه و أردف : للدرجه دي .
_إعتدل أنس في جلسته و أشار علي حمزه و أردف : جدااااااً شايف الواد حمزه ده .. مكنش يعرف حاجه عن البرود لحد ما طبعت عليه .. أنت إيه يا شيخ عدوة متنقلة .
_راجح بضحك : هههه مش فاكر .
_حمزه ببرود : طيب لما تفتكر أبقا قولي .
_أنس : مش قولتلك طبعت عليه .
_راجح بغضب : الواد ده بايخ أوي أنا أزاي كنت مستحمله زمان .
_أنس بضحك : ده هو اللي كان  مستحملك .. بقولك طبعت عليه هههه .
_راجح : تصدق أنك أنت كمان طلعت بايخ زيه .
ْ
ليصدر هاتف حمزه رنين لينبهه بأن هناك من يتصل به و هو أحد رجال الأمن بالأسفل .
_حمزه : عايز إيه .
_رجل الأمن : إياد بيه تحت و مش عايز يمشي .
_حمزه بخبث : إياد بيه ، لأ طلعه بسرعه ده و احشني أوي .
_رجل الأمن : تحت أمرك .
و أغلق الخط فنظر حمزه إلي راجح و أردف .
_حمزه : الواحد زهقان خلينا نتسلي .
_راجح : مش قولتلي أبعد عنه عشان هو الماده الخام للخبث و البنزين بتاعها .
_حمزه : هههه بس أنا زهقان خليه ييجي .
_أنس : أنا قولتلك أنه عايز يقتل راجح و قولتلك أنه السبب في الحادثه اللي عملها و أنت عادي كده .
_حمزه : لأ مش عادي بس إياد جاي عشان ينفذ حاجه في دماغه و أنا عارفها .
في تلك اللحظه جاء إياد و دلف إلي غرفة راجح ليذهب تجاه سريره .
_إياد : حمدالله علي سلامتك يا راجح ..
_راجح : الله يسلمك .
_حمزه ببرود : منور يا إياد .. أتفضل أقعد يابني و أقف كده ليه .
__________________________________________
في إيطاليا .
وتحديداً في قصرٍ لرجل من رجال المافيا الإيطالين .. كان ينظر من النافذه ويوَّلي ظهره للرجل الذي خلفه ويتحدث ببرود قاتل وهو يضع يديه في جيب سرواله
ْ