في الماضي

في الماضي 13

                        الفصل الثالث عشر
ْ
_سيف : ااا.. أنس .. أنا جيت يا أنس زي ما أنت طلبت.. جيت يا صاحبي و مش هسافر تاني .. هفضل معاك ..أقولك ..أنت وحشتني أوي يا صاحبي .. أنا عارف أنك سامعني .. قوم يا أنس عشان خاطري .. عايز أقولك أني خلصت المأموريه اللي كنت فيها و مش هسافر تاني ولا هسيبك لوحدك تاني .
تحركت يد أنس قليلاً .. فنظر الطبيب أدهم إلي جهاز القلب و أردف بسعاده .
_أدهم : الحمدلله بيستجيب معاك .. كمل يا سيف .
_سيف بقلق : طب هو كده هيبقا كويس صح .
_أدهم : إن شاء الله .. كمل أنت بس لحد ما نبضه يستقر .
_نظر سيف إلي أنس و أردف : طب فاكر لما كان رماح زعلان منك و مش مسامحك .. فاكر سعتها قولتلي إيه .. قولتلي إنك ممكن تعمل أي حاجه عشان يسامحك حتي لو هيبقي التمن حياتك .. رماح سامحك يا أنس و واقف برا مستنيك تقوم بالسلام .. قوم عشان نبقا إيد واحده مع بعض زي زمان .. رماح دلوقتي هو اللي ندمان أنه ضايقك .. أقولك .. رماح جابني من الفندق حافي و بهدوم البيت و كركبني في العربيه ...أبتسم من بين دموعه و أردف... و قفل الباب علي صباعي بسببك ..ربنا سترها و متقطعش مكنتش هعرف أضرب نار تاني بقية حياتي .
ضحك الطبيب أدهم بخفوت و أردف .
_أدهم : خلاص يا سيف هو كده بقا تمام .. تقدر تتفضل.
_أمسك سيف بيد أنس و أردف : مش هسيبه لوحده تاني أنت فاهم أنا عارف أن أنس زعلان عشان لوحده بس أنا مش هسيبه تاني .
_أدهم بهدوء : بص أحنا هنجهزوا عشان نطلعه لأوضه خاصه بيه .. أبقا روح و خليك معاه ... هو دلوقتي بقا تمام .
_توقف سيف من مجلسه و أردف : ماشي بس متأخرش .
ْ
و ترك الغرفه ليذهب للوقوف مع رماح و راجح و إياد و حمزه و دهب .
ْ
بعد القيل من الوقت .. فُتِح باب غرفة العمليات و خرج منها أنس علي الترولي الذي يدفعه الأطباء و الممرضين نحو غرفه أخري ... فأوقف راجح أدهم و أردف .
ْ
_راجح : هو عامل إيه دلوقتي .
_أدهم : الحمدلله حالته أستقرت .. و أول ما ينتهي مفعول البينج هيفوق علطول .
_راجح : تمام شكراً جداً يا أدهم .
_أدهم : العفو دا واجبي يا راجح بيه .
ْ
__________________________________________
ْ
ذهبت الشمس إلي حيثما أتت .. و جاء مكانها القمر .. صارت الساعه إثني عشر بعد منتصف الليل .. و لم تُفتح أعين أنس ... جاء الطبيب أدهم للاطمئنان عليه .. لم يكن هناك أحد داخل غرفته .. كانوا جميعاً بالخارج ..
دلف أدهم من الباب و قام بقياس معدل الضغط لديه و أيضاً قام بقياس درجة حرارته ...و أخرج ورقه و قلم ليقوم بتسجيل معدلاته .. و عندما كان يكتب إستمع إلي صوت أنِين يخرج من أنس .. نظر له و أردف .
ْ
_أدهم : أنس ... أنس أنت سامعني .
فتح أنس أعينه بوهن و نظر حوله ليحاول التعرف علي المكان الذي به ... فأردف أدهم .
_أدهم : حمدالله علي سلامتك .
_نظر له أنس و أردف : إيه!
_أدهم بمرح : إيه مبتسمعش روح أكشف بس متقرفناش معاك مش هفضل أعيدلك الكلام من تاني .
ْ
*(أيوه هو ده الدكتور اللي كان أنس قاله هسيبكم حبه بمزاجي لما كان إياد تعبان🤦‍♀️😹)*
ْ
_أبتسم أنس بوهن مثل الأطفال و أردف : رخم .
_أدهم : الرخم ده أنقذ حياتك .
_أنس بصوتٍ منخفض : ليه إيه اللي حصل .
_أدهم ببشاشه : و لا حاجه .. الحمدلله أنك قومت بالسلامه مش أكتر .
_أنس : شكراً .. بس ده مش هيمنع إني أكتب فيك تقرير .
_أدهم : لو كنت عملت فيا تقرير المره اللي فاتت مكنتش هتلاقي اللي ينقذ حياتك .
_أنس : ياريتني ما لقيت اللي ينقذ حياتي .. متفتكرش أنك عملت فيا جميله .
_أدهم : طيب أنا هروح أطمنهم عليك .
_أنس بحزن : لأ أنا عايز أفضل لوحدي شويه .
_أدهم : علي راحتك .
كاد أدهم أن يترك الغرفه و يرحل و لكن مانعه صوت أنس الذي أردف .
ْ
_أنس : ممكن أطلب منك طلب .
_أدهم : أتفضل .
_أنس بتساؤل : هو فيه حد برا الأوضه .
_أبتسم أدهم و أردف : قول هو مفيش حد .. دي عيلتك كلها برا و صحابك و كمان سيف .
_أنس : سيف هو أنت تعرفه ؟!
_أدهم : حاجه زي كده .
_أنس بترجي : طب ينفع تدخلي سيف ، بس سيف بس يا ....
_أدهم : أسمي أدهم .
_أنس : تمام دخلي سيف بس يا أدهم .
_أدهم بهدوء : حاضر .
ْ
و ترك الغرفه و ذهب إلي الخارج مردفاً .
_أدهم : سيف ممكن تيجي ثانيه .
_نظر له راجح و أردف : هو أنس عامل إيه فاق ولا لسه.
_أدهم : فاق بس مش عايز حد يدخله غير سيف .
_توقف سيف و أردف : تمام أنا داخله .
ْ
و ذهب سريعا إلي غرفة أنس .. قام بطرق الباب طرقتين بلطف .. و دلف سريعاً و جلس بجوار أنس مردفاً .
_سيف : إيه يا راجل كده تخضنا عليك .. حمدالله علي سلامتك .
_أنس بوهن : خرجني من هنا يا سيف .
_سيف : دلوقتي .. طب أرتاح شويه .
_أنس بإنفعال : لأ يا سيف بالله عليك خرجني من هنا أنا مش عايز أفضل في المستشفي ولا عايز أرجع الڤيلا و لا عايز أروح لراجح .
_سيف : طب أهدي شويه و قولي مين اللي مضايقك .
_أنس : كلهم .. أنا متضايق منهم كلهم .
دلف راجح في هذا الوقت و أردف .
_راجح : حتي أنا يا أنس .
_نظر أنس إلي الجهه الأخري و أردف : أنا متضايق منك أنت أكتر واحد يا راجح .
تقدم راجح إليه و أردف .
_راجح : طب ليه أنا عملتلك إيه .
_أنس : ولا حاجه .. يادوب حبست أمي و عايزهم ينفذوا حكم و يعدموها و أنا مش هقدر أطلعها عشان أنت معاك كل الأدله و مخليني متكتف .
_راجح بغضب و صوت مرتفع : أمك قتلت أختي و ابنها اللي كان في بطنها .. أنا لو عليا مش هيكفيني حبسها و إعدامها أنا كان نفسي أحرقها قدامي .
دلف حمزه سريعاً ليرى ماذا يحدث و لماذا راجح منفعل هكذا .
_حمزه : فيه إيه يا راجح أنت بتزعق كده ليه أحنا في مستشفى على فكره .
_سيف بغضب : أهدي يا راجح أنت مش شايفه عامل أزي .. ده مش وقت زعيق ولا كلام .
_راجح بغضب : لأ وقته يا سيف .. ده زعلان عشان حبستها و مش زعلان لما كانت عايزه تقتلني .. مش زعلان علي أختي وأبنها اللي مات قبل ما يجي الدنيا مش زعلان علي مراتي و ابني ... نظر إلي أنس و أردف ..... يا أنس مش وداد دي اللي عمرك ما شوفت منها حنيه .. مش هي اللي كنت بتقول إنك كان نفسك تبقا أم زي باقي الأمهات و تدعيلك و أنت طالع المأموريات .... مش هي اللي فرقتك عن رماح أكتر من سنه و كانت هتخليك تقتلني أنا و رماح .... جاي دلوقتي و تزعل عليها ليه بقا .
_أنس بإنفعال : عشان أمي .
_حمزه : بس وداد مش أمك .. وداد أصلاً مابتخلفش .
نظروا جميعاً إلي حمزه بصدمه مما تفوه به .
_ضاقت أنفاس أنس و أردف : أزاي ... مين ..دي .. اللي ...مش أمي ... متهزرش يا حمزه .
_حمزه ببرود : و أنا ههزر في حاجه زي دي ليه .
_راجح بتساؤل : و مين قالك أنها مش أمه .
_حمزه : تهاني .. إللي أسمها أصلاً دهب .. أم إياد .
_راجح : متأكد .
_حمزه : أروح أندهالك .
_أقفل أنس عيناه و أردف بتأوه : آه .
_نظر له سيف بقلق : مالك .. أنس أنت كويس .
لم يجيبه أنس و ظل يأنِ فقط .
_سيف بقلق : أنت سامعني يا أنس .
_فتح أنس أعينه و نظر إليه بدموع مردفاً : خرجني ..خرجني من هنا يا سيف .
_سيف : حاضر عنيا بجد هعمل كل إللي أنت عايزه .
ْ
دلفت دهب و رماح إلي داخل الغرفه .. و ذهب رماح إلي أنس مردفاً .
_رماح : حمدالله علي سلامتك يا أنس .
_لم يجبه أنس و نظر إلي سيف و أردف : يلا يا سيف .
_سيف : ماشي يلا قوم .
_أنحني فم أنس إلي الأسفل و نظر إلي الجهه الأخري و أردف : تعبان .. مش قادر أتحرك ... حاسس أني مهدود .
_راجح بحزن : طب تعالي أسند عليا .. بس هتروّح معايا علي الڤيلا .
_أنس : و أنا لما آجي أسند هسند عليك أنت .
_راجح : مش وقت كلام دلوقتي يا أنس .
_سيف : طب خليك لحد ما ترتاح وبعدها أبقا أخرج .
_نظر أنس إلي سيف و أردف : طب طلعلهم برا ، و أطلع أنت كمان ... مش عايز أشوف حد منكم .
_راجح بغضب و صوت مرتفع : إييه إللي قلبك مره واحده كده هاا ما.......
_أمسكت دهب بيد راجح و أردفت بهدوء : أهدي و متزعقش .. و أطلعوا بره كلكم و أنا هتكلم معاه ...و نظرت إلي أنس و أردفت بإبتسامه... ولا أنت عندك مانع.
نظر لها أنس في صمت و لم يتحدث ببنط كلمة فأردفت.
_دهب بإبتسامه : يبقي معندكش مانع ، ممكن تطلعوا برا .
أومأوا لها جميعاً و تركوا الغرفه بأكملها و توقفوا بالخارج .. فذهبت دهب خلفهم و أغلقت الباب و من ثم جائت لتجلس بجوار أنس و أردفت .
ْ
_دهب بهدوء : إيه يابني اللي مزعلك أوي كده .. و بعدين يعني ينفع تزّعل صحابك و أخوك الكبير كده .
نظر لها أنس دون أن يتحدث فأردفت هي مكمله حديثها .
_دهب : أنا دهب .. و أنت هتقولي يا أمي دهب .
أومأ لها أنس في صمت فأردفت .
_دهب : يلا .
_أنس بتساؤل : يلا إيه .
_دهب : يلا قولي يا أمي .
_أبتسم أنس مثل الأطفال و أرف : ماشي يا أمي .
_دهب : شوفت بتبقا حلو أزاي و أنت بتضحك ، قوم أقعد .
_أنس : ليه؟
_دهب : عشان تتكلم و تقولي كل إللي أنت مش قادر تقوله ليهم .. مش أنا أمك .
_أعتدل أنس في نومته حتي جلس و أردف : ياريتك كنتي أمي .
_دهب : لأ خلاص من هنا و رايح أنا أمك ... أحكيلي بقا مالك .
_أنس : مش عارف .
_دهب : لأ أنت عارف ... بس خايف تحكي .
_أنس بحزن : أنا مش قادر أحكي و مش لاقي اللي أحكيله .
_دهب بإبتسامه : مش لاقي اللي تحكيله و أمك موجوده ، أحكيلي يابني الكلام بيريح .
و قامت بفتح زراعيها  و أردفت .
_دهب : تعالي في حضن أمك و أحكيلي اللي أنت عايزه و أعمل كل حاجه حتي لو عايز تصرخ أصرخ .
نظر لها أنس بحذر .. فإبتسمت دهب أبتسامه حانيه لتطمئنه ... فتحرك أنس بوهن إلي أن قام بإحتضانها ..حتي شعر بدموعه و هي تنهمر من علي وجنتيه رغماً عنه ...فظلت دهب تمسد علي خصلاته بحنان لتهدأه و أردفت .
_دهب : إيه اللي مضايقك يا قلب أمك .
_أنس ببكاء : إني ضعيف .. متضايق عشان أنا ضعيف يا أمي .. حاسس أني مش راجل .. مبقدرش أتحكم في مشاعري .. مبحبش أعيط و مش عايز أعيط بس أنا مش لاقي أي طريقه تاني مفيش حاجه في إيدي أعملها الدنيا كلها جايه عليا زي ما تكون مش لاقيه حد غيري تنكد عليه .. زي ما يكون كل إللي حواليا عاجبهم كسرتي ..بس أنا مش عايز أبقا مكسور كده مش عايز أبقي ضعيف .
_دهب : بس العياط مش ضعف يابني ، و الرجاله بتعيط عادي مفيهاش مشكله .
_أنس ببكاء : بس أنا مش عايز أبقي كده .
_دهب : يبقي تحكي اللي مضايق كله عشان تفزغ الحزن اللي عندك و بعدها ترجعلهم أنس القوي اللي مفيش حاجه تهده .. أنت ليه سايب الحزن يتراكم عندك كده غلط يا حبيبي .
_أنس : أنا مش لاقي اللي يسمعني .. من أول ما أتولدت و وداد بتكرهني مش عارف ليه ..و أخواتي كل واحد بعيد عن التاني و عنده مشاكله مفيش حد فيهم كلف نفسه و سألني مالك يا أنس .. فيك إيه.. فرحان ولا زعلان و مش مبسوط .. حتي أبويا .. كل ما أجي أكلمه بيقولي متقفش قصادي يا أنس هتبقي وحشه أوي لما أقف قدام أبني  .. أنا بزعل علي زعلهم و بفرح و قت ما يبقوا فرحانين .. بقف معاهم في الوقت اللي يحتاجوني فيه بس عمري ما لقيت اللي يقف جمبي عمري ما حسيت إني المفضل عند حد و لا عمري حسيت بأنهم خايفين عليا مهمشيني و خلاص .
كفف دموعه و خرج من أحضان دهب و أردف .
_أنس : طب أنتي عارفه .. أنا حبيت بنت .. تبقي أخت رماح بس مكلمتهاش .. نفسي أروح أتقدملها و أخطبها رسمي و روحت قولت كده لوداد .. قولتلها تيجي معايا .. عارفه ساعتها عملت إيه .
_دهب بهدوء : عملت إيه .
_إبتسم أنس بحزن  و أردف : أدتني حبوب هلوسه و مسدس و قالتلي أروح أقتل رماح ... و أتفقت مع خطيبة رماح الواطيه إنها تروح تقول لرماح إني بحبها و هتجوزها هي و هخدها من رماح و إني هروح و أقتله النهارده و قالتله لو مش مصدق خليك في الڤيلا بتاعتك و أنت هتصدق .. خلوني أروح هناك عشان أقتله بس مكنش بمزاجي ... يومها بعد ما فوقت و روحت عشان أصالح رماح و أقوله إن اللي حصل ده مش بإرادتي صدّني و قالي أنه باقي علي العشره و العيش و الملح اللي كلناه سوا و ده السبب الوحيد اللي مش هيخليه يقتلني  ... تفتكري بعد اللي حصل ده هقدر أقوله جوزني أختك .
_دهب : بس رماح موجود دلوقتي ... و علي حد فهمي أنه سامحك .
_أنس بحزن : بس أنا مش مسامحه يا أمي و لا هسامحه ... عشان هو الوحيد اللي كان المفروض يفهم من نفسه إني عمري ما هأذيه .. لأ هو عمل إيه راح و صدق كده ... عارفه ساعتها كنت هقتل راجح برضو بسبب أمي بسبب وداد .. و راجح برضو صدق .
_دهب : طب تعالي نتفق أتفاق .
_أنس بتساؤل : أتفاق إيه ؟
_دهب : أنك تفضل في المستشفي كام يوم لحد ما تخف شويه .. وده أول أتفاق .
_أنس : يا أمي أنا لو فضلت هنا هموت .
_دهب : بعيد الشر عنك .. متقولش كده .
_أنس : ده مش كلام بس يا أمي .. دي حقيقه .. أنا لو فضلت هنا هتعب أنا مبحبش المستشفيات .
_دهب : خلاص يا قلبي أنت هتروّح .. بس علي الڤيلا بتاعت أخوك .
_أنس : بس........
_دهب بمقاطعه : هتكسر كلمة أمك ... لا لا لا مطمرتش فيك التربيه اللي مربتهالكش .
_ضحك أنس و أردف : أنا ابن عاق مش كده .
_أمسكت دهب بوجنته و أردفت : لأ مش كده .
دلف راجح و أردف .
_راجح : ضحكت يبقي قلبها مات .
_دفعه رماح و أردف : ماااال ... مال يا بقره .
نظر لهم أنس و ضحك ، فأردف رماح .
_رماح : أنا آسف يا أنس و أنا موافق أنك تخطب أروي ..بس برضو هنشوف رأيها إيه .
_أتسعت حدقتي أنس و أردف : إيه؟!
_رماح : إيه اللي إيه ... أنا كنت بتصنت عليكم من بره .
دلف سيف و أردف بضحك .
_سيف : و أنا كمان هههه .
_دفعه إياد و أردف : و أنا كمان .
دلف حمزه إلي الداخل ببرود و أردف .
_حمزه : أنا الوحيد اللي مكنتش واقف قدام الباب و بتصنت عليك .
_راجح : أه عنده حق .. هو كان بيبص عليكم من الشباك ده .
ضحك أنس بشده علي تصرفهم فأردف حمزه .
_حمزه : ضحكت يبقي قلبها مات .
_رماح : ألطم علي وشي ... ألطم .. أنتو الأتنين زي بعض كده ليه ... وبتموّت قلبها عشان ضحكت ليه .
_حمزه ببرود : عشان الستات كلهم نكديين و بيحبوا النكد فـ أكيد لما تضحك يبقي قلبها مات .
ْ
(يابن الجزمه يا حمزه😳🤌🏻 أصبر عليا دا أنا هنفخك و نشوف مين النكديين دول)
ْ
_حمزه بضحك : لو مكنتيش نكديه يا رحمه مكنتيش مرمطي الواد أنس كده😒.
ْ
يـــــــــتبــــــــــــع ❁......
❁رحـٍٓـٍٓـٍٓـٍٓـٍٓـٍٓـٍٓـٍٓـٍٓمٍٓـٍٓـٍٓـٍٓـٍٓـٍٓـٍٓـٍٓه أحـٍٓـٍٓـٍٓـٍٓـٍٓـٍٓـٍٓـٍٓـٍٓمٍٓـٍٓـٍٓـٍٓـٍٓـٍٓـٍٓد ❁...