『 𝗕𝗼𝗻𝗱 』

New one comes

' အောက်ဆီဂျင် ပိုက်က ပြုတ်နေတယ် ? '

ကျန်းဟာအို​၏ အသံဟာ ထိတ်လန့်စွာ
ထွက်ပေါ်လာပြီးနောက်တွင် နာစ်မလေး
သည်လည်း ကြောက်ကြောက်လန့်လန့်
နှင့် ခေါင်းငြိမ့်ရှာသည် ၊ ဒီကိစ္စကို ယူဂျင်း
လာမှ အသိပေးမည် တေးမှတ်ထားပေမဲ့
မပြောဖြစ်လိုက်ရင် ပိုကောင်းမည်ဟု
လည်း ဟာအိုတွေးမိပါသည် ။

ယူဂျင်းသိလျှင် ရေဆုံးမြေဆုံး လိုက်ရှာ
တော့မည့် ဒီတရားခံရဲ့ဘဝကို ငဲ့ညာခြင်း
မျိုးမဟုတ်ဘဲ လူနာဖြစ်သူရဲ့ အခြေနေ
အပူနဲ့ပါ ပေါင်းပြီး ယူဂျင်း စိတ်ပင်ပန်းမှာ
ကို ဟာအို မလိုလား ၊ ဟာအိုက ယူဂျင်းနီး
ကို ချစ်သည်လေ ၊ အရိပ်တကြည့်ကြည့်
နှင့် ဆန္ဒတွေကို ဖြည့်ဆည်းပေးချင်သည် ၊
တတ်နိုင်လျှင် တတ်နိုင်သလို ယူဂျင်းနီး
ကို စိတ်ချမ်းသာအောင် ထားပေးချင်ပါ
သည် ။

' ဒီနားမှာ ကျွန်တော်မroundသေးတာနဲ့ပဲ
ဘယ်သူ့မှ တာဝန်မကျတော့ဘူးလား '

အနည်းငယ် မာဆတ်ဆတ်ဖြစ်လာတဲ့
ဟာအို့အသံကြောင့် ခေါင်းတွေပင် ငုံ့ငုံ့
သွားတဲ့ နာစ်လေးကို စုပ်သက်ပြုရင်း
မျက်မှောင်တွန့်ကုပ်ကာ ကြည့်မိခဲ့သည် ။

' ဒုတိယနှစ် စီနီယာက ဒီနေ့ဘိုးဘွား
ကန်တော့ပွဲကို ..... '

' အကြောင်းပြချက်ပေးတာ ကျွန်တော်
သဘောမကျဘူး ... ခွဲခန်းပြင်ထားပေးပါ
ပြီးတော့ ဘိုးဘွားကန်တော့ပွဲသွားတဲ့ မင်းတို့
စီနီယာကို အခုချက်ချင်း ခွဲခန်းဝင်ဖို့ ဆက်
သွယ်ထားလိုက် '

' ဟုတ် ... ဟုတ်ကဲ့ပါ ဒေါက်တာ '

ဒုတိယနှစ် စီနီယာ​၏ အကြောင်းပြချက်
သည် ဖန်တလဲလဲပင် ထပ်လို့ ၊ တစ်ခါတစ်
လေ duty offချင်ကြောင်းကို တစ်ခြား
သော အကြောင်းပြချက်လေးတွေ ပေး
တတ်အောင် ဟာအို သင်ပေးချင်မိသည် ။

ဘိုးဘွားက Dutyကျတိုင်း ကန်တော့လေ
သလား ဒေါက်တာ ထယ်ရယ်ရှီ ။

ခွဲခန်းရှေ့ မတ်တပ်ရပ်နေမိတဲ့ သူဟာ
မိနစ်အနည်းငယ်ခန့်ပင် ကြာချေ​၏ ၊
ပြူးကြောင်ကြောင်နှင့် အဆင်သင့်
စောင့်နေသော လက်ထောက်အဖွဲ့ဟာ
သူ့အား ကြည့်နေသည်လည်း ဟာအိုသိ
သည် ၊ သက်ပြင်းတို့ အလှိမ့်လှိမ့်ချရင်း
ကုတင်ထက် လှဲနေသော လူနာ ....
ဘဝရဲ့ ၇နှစ်တာမှာ ဆေးရုံကုတင်ထက်
တိတ်တဆိတ် အိပ်ပျော်နေရှာသူသည်
ဟာအို့အတွက် အလွန်အဖိုးတန်သည် ။