『 𝗕𝗼𝗻𝗱 』

Puzzler

သင့်တင့်တဲ့ အရပ်အမောင်းရယ် ....
ဝတ်စားထားတဲ့ အပြင်အဆင်ဟာ ဟာအို
ရင်းနှီးသလိုလို ရှိသည့် ပုံရိပ်တစ်ခုလို ၊
ခပ်ဝေးဝေးက လှမ်းဖမ်းထားတဲ့ မှတ်တမ်း
တစ်ခုဖြစ်တာမို့ Zoomကို ရရင်ရသလောက်
ဆွဲကြည့်ပြီးသည်အထိ ဟာအို တိတိကျကျ
အတည်မပြုနိုင်သေး ၊ စားပွဲပေါ်တင်ထား
တဲ့ ကိုင်းပါးပါး မျက်မှန်အဝိုင်းလေးကို
ကောက်တပ်ရင်း Laptopပေါ် လက်ညိုးနှင့်
သုံးစက္ကန့်ခြား တစ်ခါခေါက်နေမိသည် ။

' ဘယ်သူလဲ ..... '

ဟာအို တိတ်တဆိတ် ရေရွတ်မိပြီးနောက်
လက်ခနဲ ဖြစ်သွားတဲ့ မျက်ဝန်းတွေက
ကင်မရာထဲထိုသူ​၏ ကျောက်စိမ်းလက်စွပ်
မှအစပြု​၏ ၊ သုံးခါတိတိ မျက်နှာ
ချင်းဆိုင်ဆုံဖူးခဲ့သော ထိုလူတွင် ကျောက်
စိမ်း လက်စွပ်သည် အထင်ကရဖြစ်မှန်း
ဟာအို သိနှင့်ပြီးသား ။

ဒါဟာ ဆောင်းဟန်ဘင်း အတင်းဆွဲ
ခေါ်လို့ မဖြစ်မနေတက်ခဲ့ရတဲ့ ပွဲတွင် ထို
ကျောက်စိမ်း လက်စွပ်ပိုင်ရှင်နှင့် ဟာအို
ဆုံခဲ့ဖူးခြင်းဖြစ်ပါ​၏ ။

သေချာစေအောင် ဟာအို မိုင်ကုန်Zoom
ဆွဲကြည့်မှ ငြင်းလို့မရနိုင်တော့တဲ့ ခန္ဓာ
ကိုယ်အချိုးအဆစ်ရယ် မည်သို့သော
အကာကွယ်မျိုးမှ မရှိတဲ့ ဗြောင်ရှင်းနေ
သည့် မျက်နှာကျရယ်က ဟာအို့အား
ပါးစပ်ပွင့် သွားစေခဲ့သည် ။

' ဟား ....... ဒီလူက '

ပွင့်အာသွားတဲ့ ပါးစပ်ကို ဟာအိုအလျင်
အမြန်ပိတ်ရင်း အတော်လေး စိတ်လှုပ်ရှား
နေမိခဲ့ပါ​၏ ၊ မမှားလောက်ဘူး မလားဆိုတဲ့
ဆက်တိုက်အတွေးတွေရယ် တကယ်သာဆို
လျှင် အပျက်ပျက်နှင့် သွေးထွက်တော့မည့်
အခြေအနေတွေရယ် .... ဟာအို ယူဂျင်း
အတွက် ဘယ်လိုလုပ်ပေးရမှန်းကို မသိနိုင်
တော့ပေ ။

ဂျွန်ဆော ကိစ္စက ဟန်ဆယ်ဂျင်းနဲ့ပဲ
ပတ်သက် ဆက်နွှယ်သည်မဟုတ်လား ...
ဘာအကြောင်းကြောင့် ဒီလို ပုဂ္ဂိုလ်မျိုး
က ဆေးရုံကိုလာပြီး အောက်ဆီဂျင်ဆွဲ
ဖြုတ်သွားရလေသလဲ ..... ၊
ဂျွန်ဆော ကိုမာဝင်နေသည့် ၇နှစ်အတွင်း
ယခုကဲ့သို့ သံသယဝင်ရမည့် ကိစ္စမျိုး
ဟာအိုမကြုံဖူးခဲ့ပါ ။