مُنحنى اخر ..

Part 10

" صلوا على النبي 🤍 .. "

6:17م

تقدم ناحيتها ليقبل جبينها ..

ياسر بإبتسامة : الحمدلله على سلامتك خالتي تو ما نورت مدريد والله

ام عبدالاله : الله يسلمك يولدي

ياسر : الحمدلله على سلامتك عبير

عبير بإبتسامة : الله يسلمك

ياسر : هاتوا هاتوا الشنط خل اساعدكم

اخذت تربت على كتفه بخفة ..

ام عبدالاله : ما تقصر يا حبيبي

اخذ يحمل الحقائب الى مؤخرة المركبة و عاد الى مقعد السائق ليقود بهم ..

ياسر : ها تبوني اوديكم الفندق ترتاحون اول ؟

ام عبدالاله : لا لا ابي اتطمن على ولدي لاحقين على الفندق

ياسر : يا خالة ترا مافيه شي انتي مقلقة نفسك كثير ولا ترا عبدالاله ما ينخاف عليه دومه شاق القاع ما تذكرينه و هو بزر ؟

ام عبدالاله : شدعوة اكيد رح اخاف عليه و بعدين تراك تتكلم على ولدي عن الغلط

ياسر بضحك : خلاص ولا يهمك و بعدين ترا الدكتور قال ان بس هاليومين و راح يصحى

ام عبدالاله : يارب الله يسمع منك

قاطعتهم تلك الصامته التي تتكئ فالمقعد الخلفي ..

عبير : ياسر عادي اسألك ؟

ياسر : تفضلي

عبير : هو وش سبب غيبوبته يعني ليه دخل فغيبوبة ؟

ياسر : ايه لا بس لأنه وقت الحادث انفجر عنده عرق و جاته الغيبوبة وقتها

ام عبدالاله بصدمة : يعني لذي الدرجة الحادث قوي ؟

ياسر : لا لا ماله دخل انفجار العرق بالحادث يقول الدكتور يمكن انه كان معصب او زعلان من شي عشان كذا ولا الحادث ماله شغل

تنهدت ثم قالت : الله يطمنك

--------------

7:02م

اخذت تبكي و تمسح على شعره ..

ام عبدالاله : ما تشوف شر يا حبيبي

قبلت جبينه ثم تحدثت بحزن : الله يقومك بالسلامة يا حبيبي يا اخوي