" صلوا على النبي 🤍 .. "
4:22م
يبدأون جميعهم في الاستعداد للذهاب الى الملاهي ، خرج من دورة المياة لافًا منشفة حول خصره يستر اسفله فوجده يعبث في دولابه ، أستغرب وجوده لينطق ..
صالح : شقاعد تدور ؟
عبدالاله : ياخي البلوفر الرصاصي حقي مادري وينه
صالح : مو عندي ، وش رح يجيبه هنا ؟
عبدالاله : مدري وين رميته
صالح : شف في دولاب ياسر ، انا متأكد انه مو عندي
عبدالاله : ايه صح ياسر !
خرج و اغلق الباب مسرعًا ذاهبًا الى غرفة ياسر ، فتح الباب فوجده يحاول في تسريح شعره بصعوبة ، يضحك عبدالاله ليلتفت اليه ياسر ..
ياسر : خير وش اللي يضحك ؟
عبدالاله : يسور حبيبي لا تمشط شعرك خله كذا احلى ، اذا مشطته راح تصير زي مارسيلو ، اهجد بس
ياسر : طيب شتبي جاي تطقطق ؟
عبدالاله : ابي البلوفر حقي وينه ؟
ياسر : و انا شدراني انت تضيع اغراضك و انا ابتلش
عبدالاله : طيب شف دولابك يمكن انه عندك ، صارلي ساعتين ادوره
ياسر : رح دوره انت لكن لو حست دولابي راح اصفقك ، من امس و انا ارتبه
عبدالاله : من زين ترتيبك عاد
ياسر : اخلص علي
ذهب يحوس بين معاطف ياسر الذي كان يبوخه لانه افسد ترتيبه ..
ياسر : يبن الحلال مارح تلقاه هنا ، طيب ما دورت فغرفة الغسيل اللي تحت ؟
عبدالاله : ايه صح ، ( ضرب جبينه بخفة ) نسيت ملابسي فالمنشفة من امس خل الحق عليها
خرج مسرعًا متجهٍ الى اسفل السكنات يلحق بملابسه ..
ياسر : الله يعيننا عليك
يعاود في محاولة تصفيف شعرة المتشابك الى ان فقد الامل به و قرر تركه مبعثر كعادته ، يُفتح باب غرفته ليرى ان عبدالاله عاد اليه مرة اخرى ..
ياسر : يا ليل ، وش فيه بعد ؟
عبدالاله : الملابس كلها لقيتها هناك و مو مكوية ، عطني اي شي من عندك خل ارقع الطقم
أنت تقرأ
مُنحنى اخر ..
Teen Fictionمجموعة من الطلاب السعودين يبتعثون الى عاصمة اسبانيا ( مدريد ) في جامعة مدريد المستقلة ليصبحوا اطباء ، حيث يلتقون ببعضهم و تبدأ احداث روايتنا .. . . . . . " جميع احداث الرواية خيالية من تأليف الكاتبة ولا تمد للواقع بِصلة "
