مُنحنى اخر ..

Part 27

" صلوا على النبي 🤍 .. "

8:45م

اصر ياسر على صالح مثلما فعلت تمامًا روان لديم حتى يخرجون الاربعة سوية بينما ذهبوا الزوجين سوية لوحدهما ، استطاعوا ان يقنعوهم بالذهاب معهم بعد عناء ، اتى صالح الى غرفة ياسر اثناء ما كان يبخ العطر الذي اهدته اياه حبيبته و هو يدندن بأحد الاغاني الرومانسية الاسبانية ..

صالح : تكفى اعفيني من هالمشوار قلت لك مابي اطلع تعبان

رد بتجاهل لكلامه : صالح ليه للآن مو جاهز ؟ ، بعد شوي بنطلع لا تأخرنا

صالح : انت وش وراك ليه مصر اني اطلع معكم ؟

ياسر : ما وراي شي ، شايف خويي زعلان من اول ما جينا ما هان علي اشوفك كذا قلت نطلع سوا عشان تستانس

صالح : من قالك اني زعلان ؟

ياسر : خويي و اعرفك ، الحين قم البس لك اي شيء لا نتأخر على الحجز

قام صالح ذاهبًا الى غرفته ، اختار ليرتدي اول ما رآه في دولاب ملابسه ، سرح شعره مع القليل من هلام الشعر و بخ احد العطور على ثيابه العشوائية ثم خرج مع ياسر ليذهبون سوية لأحد المقاهي ..

--------------------------------

في الجانب الاخر ، اخذت روان الكثير من الوقت و اساليب الاقناع حتى تقنع تلك العنيدة في الخروج معهم بدلًا من بقائها لوحدها في الشقة ..

روان : الا بسألك ، انتي امس طلعتي بليل ؟

ديم : لا مو انا اللي طلعت هاذي نايا كانت طالعه مع عبدالاله

روان : توقعت ، بس غريبة ، من يوم رجعنا لمدريد ما قد طلعتوا انتي و صالح مع بعض ، مع ان مو واضح لي انكم متهاوشين زي كل مرة بس في شي غريب بينكم ما تبين تقولينه لنا

ديم : ما فيه اي شي غريب ، و اذا على الطلعة ما حصلت لنا فرصة ، عادي الوضع

روان : براحتك ، بس اذا احتجتي تكلمين احد او كنتي متضايقة ، انا موجودة عشانك بس اهم شي لا تكبتين اي شي بداخلك ، مو زين لنفسيتك ترا

ديم : ادري و اذا احتجت اكلم احد اكيد بلجأ لك لا تخافين ، اصلًا ما عندي احد غيرك افضفضله ، كل ما افضفض لنايا تحسب اني بتهاوش معها

روان : طيب امشي معنا ، ترا جلستك فالشقة كذا لحالك تجيب الهم

ديم : ياليل مين قلك اني بطلع معك ؟ ، بجلس عشان اكمل المسلسل روحوا انتم انبسطوا سوا