🔥 مـاذا لو إجتـمعنا ! 🔥 " بالدارجة المغربية "

💕 الفصل الأول 🍒

ماذا لو اجتمعنا؟ ☘️♥️1

ماذا لو اجتمعت ارواحنا.. و شملنا واجتمعت اللمة.. ماذا لو كنا السند لبعضنا البعض 🖤

قصة جااامعة من كل فن طررب

الغيييرة و الحب.. الغمووض.. التفرشيييخ الدراما الحززن الفكااهة السعادة و اكييييد مانسااوش معشوقة الجماااهير السفالة ✋✋✋🚫🚫🚫🚫🚫🚫

***#بقلم الكاتبةلامار🖤

💌بارت 1💙

خارجة من لبار بلباسها المثير ككل ليلة كتمايل بالشراب و صوت ضحكتها مالي المكان.. كل عيون الرجال منصوبة عليها و هي مامسوقة لتاحد.. فتحات طوموبيلتها الصغيرة كتحاول ديماريها و كتغبن فحال شي بنوتة صغيورة حنت مابغاتش تخدم ليها.. شوية تحل عليها الباب

كاميليا : (كتغبن و ترمش بعويناتها لكبار المعسلين بالشراب) ريمي كعما بغات تحرك هئ هئ هئ

ريماس (بغضب) : واش نتي باغة تسطي جد اصل مي واش كل ليلة انا انبقا تابعاااك

كاميليا:)(كتشوف فيها ببرائة) هاء! تانتي عصبك ياك أصلا هو كيعرف غير يغوت عليا 💔.

ريماس (تنهدات بتعب) تلاحي لهيه تلاحي (شافتها ماتحركاتش و هي تدفعها بالزعااف.. وهزت ليها صاكها جبدات لكونطاك و شافت فيها مخسرة سيفتها) 🙂 نتي كلشي عندك بالتخوار.. ادا ماخورتيش الحاجة كعما يهنى بالك.. (هزات كتافها بالفقسة و خبطات فخضها) هاء و لهيلة قالت ليك مابغااتش تخدم و هي بلاصة لكونطاك خاشية صبعها🙂ديمارتها و زادت و لاخرة غمضات عينيها و نعسات فهدوء..

بعد لحظات وصلو للزنقة في حي بسيط هبطات ريماس هي لولة و ضارت باش تفيقها بزز تا عكزتها عليها.. ككل ليلة.. سدت الطوموبيل و حلت الدار و لاحتها فبلاصتها..

ريماس (تنهدات و دوزات يدها على وجهها بتعب.. تا بدا طيليفونها كيصوني هزاتو بتثاقل و جاوبات و صوتها تعبان) ألو.. ميسون عيانة و الله مافيا لي يجي اختي

ميسون (باستغراب) شواقع مال صوتك؟ ..( تنهدات و دوات بصوت خافت... كأنها عرفات اش واقع ككل ليلة نفس السيناريو): .. عاوتاني الكلبة سكرانة مابغاتش توب.. المهم صافي صافي انشوف شي طاكسي توصلني وقطعات.

ميسون كتحيد فلباسها الطبي.. تا طاحت فودنها الهضرة لي اتشوكيها كللها.

ممرضة(1): سمعت اصاحبتي الطبيب قبيلات قالهالو المدير والله.

الممرضة (2): اويلي واش متاكدة.. نارري عائلة أرطاس ايستقرو هنا فالمغرب (شدات راسها فحالا اطيح.. ونطقات بالتحلوين) اوووف شديني انسخف.

م. 1 : أسكتي انا قبيلات علاين مانغوت بالفرحة.. قاليك ايجيو يشوفو مشاريعهم بيديهم.

م. 2: ناري غدا انمشي عند حليمة لكوافورة ندير لا صيغ لطبوني و لسيكاني و مراودي نسكسف اختي على الحالة.. احح اقلبي