🔥 مـاذا لو إجتـمعنا ! 🔥 " بالدارجة المغربية "

💕 الفصل 50 😊

ماذا لو اجتمعنا 442💙

بقلم الكاتبة لامار 🖤

بارت442💌

💟عند ميسون 💟

باقين كالسين مجموعين و مي هنية و اليقوت ناضو يصلليو تا بدا طيليفون زهرة كيصوني و هي تفززع ..الدموع تجمعو فعينيها دموع القهرة و الحكرة و الخوف ..الشيئ لي لاحظاتو ميسون لي مارتاحتش لززهرة مي واخا هاكداك شافت فيها برائة دبنات العروبية النية لي اي حاجة كيتتفتنو بيها ..

شافتها قطعات مرة و زوج و تلاتة

ميسون(مطلعة حاجبها) جاوبي !! واش نخليك بوحدك حشمتي مني؟

زهىة(خدودها توردوو بخجل ) لا لا ما مم ماكاين لاش؟

ميسون(باستغراب ) علاش؟ شي حد كيهددك شفتك مخلوعة ؟؟

زهرة(بنفي ) لالا لا غغ غير (حدرات راسها بحزن تا سمية زوج ماايستاهلهاش) راجلي

ميسون(مطلعة حاجبها)راجلك؟؟ هو لي زرق ليك عينك؟؟

زهرة(الصمت )

ميسون(تنهدات بقات فيها) شنو سميتك زهرة ياك؟

زهرة(بخجل) اه اختي

ميسون(ابتاسمات بحنية وضحكات ليها بطرافة) جمعي عينك على رجلي و راجل ختي و تولي عزيزة عليا

زهرة(بخجل) سس سسمحيلي اختي غير راهم(هزات عينيها فيها دغيا و نزلاتهم) اختي ما شاء الله راهم عاطين العين

ميسون(بعصبية مكتومة ابتاسمات ابتسامة صفرة ) ايوا راهم بماليهم 

ماذا لو اجتمعنا 443💙

بقلم الكاتبة لامار 🖤

بارت443💌

💟عند ميسون تتمة💟

ميسون(كملات كلامها من بعد ماقادات شعرتا ورا ودنعا و نطقات برزانة)هاد خونا لي مامحتارمكش و مخليك تقفقفي منو هاكدا سوسيه قبل مايسووسك ..ونتي فننة و وريدة هاكدا حرام دوبي بين يديه ..

را مازال مافهمتوش شنو هو الزواج ..را ماشي غا باش تسماي مزوجة تقبلي باي واحد فحياتك ..واخا يكررفصك و تدبالي بين يديه تقولي الحمدلله لي غير مزوجة؟؟ ااهاه ؟ و من بعد ؟!!! فين نتي فهاادشي كامل ..

را كنتعصب منين كنشوف هاكدا الحكرة والله تزوجو بناس كتعرف بحق الحياة .. بناس ضربات تمارة .. بناس كتخدم و كتعرق على قبل النعمة .. تزوجي بشي حد ناوي يحافظ عليك و يديرك ثاج فوق راسو

تزوجو باشخاص فاهمة راسها باش ديك الساعة حتى هووما يفهموكم .. بناس عندهم اهداف فحياتهم ..ناس عارفة طريقها و عارفة طريق الله بالخصوص ..

تزوجو بأشخاص عندهم شخصية وهيبتهم داوي عليهم ماشي بالعنف و انما بالرجوولة ازهرة ..كيعرفو يهضرو و يسمعو و يناقشو ..