🔥 مـاذا لو إجتـمعنا ! 🔥 " بالدارجة المغربية "

💕الفصل 44 😊

ماذا لو اجتمعنا 375💙

بقلم الكاتبة لامار 🖤

بارت375💌

💟عند مي هنية 💟

مؤيد (بابتسامة حنينة)هانا الميمة كللي ادان صاغية ليك ..خوي خوي المزيودة هههههه

مي هنية(ضحكات ليه بخفة و نطقات بتبات ) انا دويت معاك المرة لي فاتت بالهضرة ياو ديال الشارفات و بانلياا ماكيان تانتيجة ..ياو دابا انقوليك بكلامكم نتوما هتد الجيل على الله تفهم كلامي ياوليدي .

مؤيد (تنهد ماعندوش الخاطر مي مسايس معاها)

ميهنية(بجدية ) ياو ملي تكون عاطياك الطفلة قيمة او مكبرة بيك تسول فيك او مايدوزش ليها نهار الى ماهضراتش معاك و كتعاملك مزيان ..

مؤيد(طااق ودنيه عارفها داوية على ميسون و عارف ميسون طايحة فيه .. مي هو ماشي ديال الحب هادشي ليكيقنع بيه راسو طبعا ).

كملات مي هنية كلامها

او فينما تبغيها تلقاها ديما حالة ليك ودنيها او كتلقاها بجنبك (تفكر كيفاش كانت مهتمة بيه هاد الايام تغطيه فاش كينعس و تقادلو ماكلتو و تسيفطها مع الخدامة باش مايرجعهاش و هو عايق بيها منها و كياكل منها تا ولفها )

ياو اولبدي فوقت الحزة تاني تلقاها .. كتقلق على اتفه الامور ياوو لكن قلبها بيض كامااهوكااااكينات يشقسق اوليدي ديك الطفيلة عندك .. دغيا تسمح ليك ..تغير عليك او منين كتعصب ماكتعرفش اش كدير يانا لي نعررفهااا الزرمومية ..

و لكن مااتخلي حتى حد ايقول فيك ولو نص كلمة دلعيب اوليدي .. كتهتم بيك او لكلام الحلو ديما ففمها او كل نهار تفكرك بشحال كتبغيك واخا بتصرفاتها ياو راني كنشوف ماشي عمية (حدر راسو كيضحك كتهربوو )

انا عارفاها دابا بلي ماتقدرش تعيش بلا بيك ملي تغوت عليها كتصبر على غواتك.. ولكن الى غلطات كطلب السماحة او مااتبغيش تشوفك مقلق ديما كاضحك معاك او تدخلك فالكبيرة او صغيرة فحياتها كاتبغيك نتا ماشي فلوسك اولى لحديدة لي عندك

الوصية اوليدي اللخرة لي عندي ليك ..هيعاود فكر مع راسااتك اوليدي..ياااو ديرها تاج فوق راسك راك مابقيتيش صغيور..تبقا تززلل فالزننقة..

بغيها او حسسها بلي هي اجمل و احسن انسانة تعرفتي عليها و مااعمرك اتخلى عليها اولاا تعاملها ناقص او ديما تقاتل باش تخليها فرحانة حيت ادا ضيعتيها اوليدي (شافت فيه بشوفة جدية ) غادي تسارا الدنيا كاملة تقلب على فحالهاا و لي يعاملك ديك المعاملة ياااو اتبغي ترجع ليها و لكن ما غتلقاهاش او غاتغرق اوليدي فاحساس د النداامة او الحسرة

(ضحكاتلو قبل ماتمشي ونطقات )

لحاصول لي عندو شي وردة ايسقيها اوليدي قبل ما يسقيها غيرو