🔥 مـاذا لو إجتـمعنا ! 🔥 " بالدارجة المغربية "

💕 الفصل الثاني🍒

ماذا لو اجتمعنا 🖤☘️6

بقلم الكاتبة لامار 💛☘️

بارت 6 💟

وصلو للحي الشعبي.. سكت الطاكسي..بعدما شعل كارو مدور وجهو للجهة الأخرى.. تنهدات بألم عرفاتو مقلق منها بزاف.. حدرات راسها و هبطات حلات الباب بالساروت.. شااففها دخلات و هز عينو للشراجم د الدار لي كان طافي فيهم الضو.. تنهد بتعب و زاد مع الطريق لدارو.

🖤أصبحنا و اصبح الملك لله

🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺**فاقت ريماس هي لولة كيف ديما.. و كيف كيقووولو لهاا هي الام ديالهم لي جمعاتهم.. القلب الحنين و الكبير.. مع انها هي الصغيرة فيهم.. محسنة شعرها الاشقر فحال الدراري.. و دايرة بيرسينك فنيفها و حاجبها.. عينيها الخضرين مخلطين بزروقية البحر.. بيضا فحال بياض التلج.. جمالها يثلج لقلب فعلاا.. خدود ورديتين بلا فاغاجو.. وشفايف كرزيتين بلا عكر..

لبسات سروالها د السيرفيط فيه فحال السلاسل فالجنب بشكل مستيلي.. فورمتها بلا ماندويو عليهااا نار يا حبيبي نار.. قصة أخرى.. طولها متوسط.. لبسات بيل ديالا بيض و فوق منو تجاكيط فالكحل د السيرفيط نيت.. و كاسكيط كحلة فوق منها القب.. نظرتها شرسة.. شخصيتها قوية.. دازت فيقاتهم بعدما وجدت ليهم لفطور كيديما..

كانت 8 د الصباح..

مشات لخدمتها.. مدربة فلاصال فالكيك بوكسينك.. دخلات بكل تقة.. عينيها الجاحظتين كيف النسر.. تاحد ماكيزعم يضصر عليها و لم لا و هي سمعتها سابقاها.. جا عندها سيمو كيتعييوج و المسكة ففمو كيلوك فيها كيف القحبات..

طلعات فيه حاجبها.. لي فيه لبيرسينك.. مد ليهاا حناكو باش يسلم عليها خلاتو بللاكة و مقموع كيف ديما..

سيمو(بملامح حزينة زعما) اوووف.. ريمااس.. ام جاست يور سيتسترز اووف منك

ريماس (بصوتها الانتوي الرزين) سيمو... ماراشقالياش.. تلاح دابا

(قرساتو من حنكو. و زادت..

واخا هاكداك و رغم اختلاف اجناسنا و ميولاتنا الجنسية.. الا انه القلب عمرو كيتبدل و لي قلبو زوين كيكون محبوب و لو يكون مختلف علينا.. سيمو متحول جنسي قصتو قصة تاهو.. تاحد فينا ماكره يكون كامل.. و الكمال لله تعالى و لكن ظروفنا تختلف و الظروف خلاتو يسلك هاد الطريق و لكن قلبو اصفى من لحليب ماكيرتاحش للناس ليفيهم التخلويض.. انسان او شخص شفاف.. لي فقلبو على لسانو.. هو المدير د هاد لا صال.. لي دارو تا خسر لي قدامو و لي و لي موراه.. حتى ولا معروف دوليا

ماذا لو اجتمعنا ☘️🖤7

بقلم الكاتبة لامار ☘️💛

بارت7💌

*🌺🌺🌺🌺🌺🌺🌺عند لبنات 👈👈👈👈👈

كاميليا فاقت مقلوبة راسها كيزددح كيف ديما.. هادي 2 سيمانات و هي على نفس الحال.. حتا من خدمتها خرجات منها.. كانت رئيسة الخدم فواحد الفيلا و لكن استاقلات منها.. فاقت فحال شي مشيشة كتكسل بعويناتها الكبار لمجيببدات كحلين.. سمرة و سموريتها مدهبة.. وجهها يكسوه نمش بشكل مثير هي الكبيرة عندها 24 عام..ناضت بجسمها المثير باقة لابسة الكسوة دلبارح.. تنهدات بتعب و دخلات للطواليت تقضي حاجتها..