🔥 مـاذا لو إجتـمعنا ! 🔥 " بالدارجة المغربية "

💕 الفصل 54 😊

ماذا لو اجتمعنا 475💙

بقلم الكاتبة لامار 🖤

بارت475💌

💟عند ياسين💟

الكارض شافو فبعضيااتهم باستغراب .. كيشوفو فعينيه الشرار كيطير و ملامحو جامدة فنفس الوقت

الكارد 1(داير نظارات كوحل ) مايمكنش اسيدي نخلوك تدخل هادي الاوامر ديال سي لقمان

ياسين(حك لحيتو بعصبية) بلا ماتخلوني ندوي بطريقة اخرى البطل ..انجيب مراتي و انمشي ..(صفق ليهم بيدو) القضية ساهلة بلا صداع

الكارد2:(يالله بغا يدوي تا بانلو شاب زعيعر خارج من الفيلا بطوموبيلتو ..تغلغل كتر و كتر ..و نار الغيرة شعلات فيه مراتو معاها الرجال فدار باها..من سابع المستحيلات يخليها ..وقفات الطوموبيل حداهم و هبط مياد بكل رجولة ..زينو نصو عربي نصو كاوري مخلط )

مياد(تقدم بخطوات تقيلة جهة ياسين و شاف فيه بتساؤل موجه هضرتو للي كارض ) اش واقع هنا!!

الكارض 1(حادر راسو) احم سي مياد هاد السيد قاليك بغا يدخل يدي مراتو عندنا هنا فالفيلا ..و مابغيناش ندخلوه حنت هادو هوما الاوامر ديال سي لقمان

مياد(رجع بصرو لياسين لي لكبص فرجلو و الكدمات فوجهو من بعد ماكان متبع مع الكارض )امم ..اوك ..اش سماك الله !!

ياسين(مخنزر ) وتش جاي ندير معاك هنا ركن التعارف انا!! اسيدي اتقوليهم يخرجو لي مراااتي و انزيد فحااالي مافهمتش لاش باغين تصعروني؟؟

مياد(خشا يديه فجيبو و نطق بجدية مع ابتسامة على ثغرو ) كالم كالم اسيدي ..العصاب ماشي مزيان ليك و ماشي هاكدا اتدي مراتك ..دابا را كاين انا و كاين باها مابقاتش بوحدها خاصك تا ادا بغيتي تديها هادشي في حالة ما هي بغات ترجع ليك على حسب ما شفت ..كتباانلي الشعرة فيك ماطايقاهاش

ياسين(شنق عليه من الكول د القاميجة و لاخر داير ضحكة مستفزة على ثغرو) وااابربي المعبووووود ..تانرجعك سمر بالخلعة

.خرجلي مراتي حسن ليك

ماذا لو اجتمعنا 476💙

بقلم الكاتبة لامار 🖤

بارت476💌

💟عند ياسين تتمة💟

مياد ( ضحك تا تسدو عينيه) هههههههه واناري اعشيري الخوادرية مصعورة و نتا قلتي لها ماتعرفيش طلق طلق ..وايلي واجا نسيبي تااال عندي و شننق عليااا كاع هههه و مانعرضش عليه طلع طلع للطوموبيل نمشيو نتغداو فشي كوان وندويو

ياسين(مازال مخننزر و لكن منين عرف بلا خوها عاد برد و طلق منو ..تنهد بعصبية و مشا سد.موطورو و طلع مع مياد فالطوموبيل )

مياد (بوجه مبشوور ) وافين صافا هاني ليا مع راسك

.ياودي شبغيتي بشي عيالات اصاحبي فريع لك*ر بلا تافايدة ..كتكون كي السبع تاكتولي مشطحااك هاكدا (خنزر فيه ياسين و هو يحبس الضحكة) هههههه اوك اوك هاهو ساكت