🔥 مـاذا لو إجتـمعنا ! 🔥 " بالدارجة المغربية "

💕 الفصل 17🍒

ماذا لو اجتمعنا 🖤☘️76

بقلم الكاتبة لامار 🖤

بارت76💟®️

❌لحظة وداع❌

🌺🌺🌺🌺🌺🌺🌺 أصبحنا وأصبح الملك للله®️🖤

®️®️®️®️®️®️عند ريماس 🌺🌺🌺

فاقت لقات راسها نعساات بجلابتها و ليبوط ديالهاا.. ايمتا نعساات ماعقلاتش ايمتا داتها عينها اخر حاجة عقلات عليها هي فاش جات للكوخ.. ناضت عينيها منفوخيين نو مابكااتش ولكن العصاب و الهم را ماشي غير ينفخ ليك العينين و يدير ليك الحبوب.. راا يدير فيك العجب الكحل..

تكسلات مزياان.. وناضت غسلات وجهها و حكات سنانها.. حنت تا فالكوخ كاينين حوايجهم بس قلال.. بدلات حوايجها ولبسات سيرفيط كحلة مفضفضة.. و كاسكيط دلاكوسط و سبادري بيضة.. هزات بزطامها بغات تهز الباكية د الكارو ديالا لقاتها خواتها لبارح فالليل..

جمعات الروينة و ردات كل حاجة لبللاصتها لي اتلاح لاحتها و لي اتبقا را قادتها.. هزات سوارت د لوطو و سوارررت د لكوخ.. سداتو مزيان ضورات عينييها فالارجاء الصقيييل.. الخمسة د الصباح هادي البرد كيييطييير.. الدنياا خاوية كأن العالم مافيهش انسان واحد على قيد الحياة..

تمشات بمسافة ماشي طويلة تاوصلاات لطوموبيلتها غين حطااتها.. شافت فساعتها لقات باقي الوقت على الخدمة.. قلبات الروايض بعدا تشري كارو.. هبطات تال سطاسيون لي فالخرجة د المدينة هي لي لقات فهاد الوقت حالة خدات جوج باكيات د الكارو و خلصاتهم و خرجات.

رمات واحد ففمها و يد صايكة بيها ويد كتكمي و تبخ الدخاان.. افكاار كتيرة فمخيلتها.. تاحاجة مامرتبة فداكرتها.. وصلات المقبرة و نزلات بكل هدوء.. لقات لباب مسدود.. بقا كتشوف من لكرياج لي تماا.. شحال د لقبور مصافين..

قبورة صغار وقبورة كبار.. قبور من مختلف الاعمار.. تعنات مزيان فقبر مها لي اونفاص معاها.. نترااات نترة طويلة من لكارو..

شمات ريحتو حداها.. ريماس من الفنون القتالية لي تعلمات فرياضتها انها تحس بالخصم ديالا بلا ماتشوفو وهادشي كيعتامد بزااف على حاسة الشم و الودنين.. كتر من العينين..

ريماس (ببرود) باش عرفتيني هنا! ؟

زيرا(مبتاسم) ديما كنقولك راعيني عليك فاي بلاصة.

ريماس (ماجاوباتوش تنرات من كاروها)

زيرا(ضار عندها موجه ليها نظرااتو الجميلة) ماتوقعتكش قوية لدرجة ماتنزلي تا دمعة على ماماك.

ريماس (ماجاوباتوش عاود كتنتر فكاروها و قبر مها قدامها)

زيرا (رجع شاف فدامو) السلعة اتهرب من هنا لسيمانة..

ريماس (نترات على خااطرها لكارو ديالا.. ونطقات ببرود) مابقيتش اندير يدي فهاد لافير ازيرا..