ماذا لو اجتمعنا 🖤☘️104
بقلم الكاتبة لامار 🖤
بارت 104🖤🅰️®️
❌نحو المجهول❌
⭕الفصل التاني ⭕
عند جبل 🌺🌺🌺🌺🌺
كانو مراقبين احمد هو وريماس فاش يالله بغاو يركبو فالطوموبيل.. و ريماس على ثغرها ابتساامة غريبة هلات جبل امبهوض فيها و كيخمم..
تسمع صوت هاتفو النقال.. جاوب و عينيه مازالين على ريماس لي كتعبر فاحمد من رجليه لراسو..
جبل(مطلع حاجبو) اش تما الشاف؟
الضابط (مخنزر) خاصك تجي دابا..كاينة قضية جديدة و الريوس الكبار جانا الضغط منهم عليهاا
جبل(مركز مع الضابط) نوع الجريمة؟
الضابط (كيقلب في الملفات قدامو) جريمة قتل..جيو دابا (وقطع)
عثمان(بقلق) اش واقع؟
جبل(مخنزر) جريمة قتل خاصنا نرجعو
عثمان(كيشوف فطوموبيلة احمد لي تحركات) و وولكن و ريماس ؟؟؟
جبل(كيديماري تاهو) را كاينين الفرقة ديالنا كاملة تما مراقبين الوضع
بعد لحظات وصلو المقر
براكا جبل الطوموبيل و حيدو اللباس باش كانو متنكرين و اللحية و الحجبان و لي لونتي
هبطو كيتمشاو بزوج بكل تقة و رزانة و على وجههم تخنزيرة وحدة
دخلو للمكتب ديال الشاف ديالهم لي ةان حاط قدامو بزاف د الملفات
كلسو فوق الكراسة لي تما
جبل(دار رجل على رجل و يدو كتلعب فلحيتو) اييه اش كاين الشاف؟
الشاف (بجدية) اسم الضحية عصام العزوزي
عثمان (مصدوم) نووااي هدا ماشي وزير السياحة لا؟
الشاف (حرك راسو باه) تمااما وزير السياحة و برلماني سابق.
جبل (فقط ساكت و كيسمع ليهم و كيدرس القضية فراسو)
الشاف ناض للوحة لي كانت قدامهم كبيرة كيشرح ليهم
الضحية تم العثور عليه فواحد الغابة.. داز عل الموت ديالو على حسب الطبيب المشرح سيمانة.. لقاوه شي صيادة د لحناش.. بحثنا معاهم و كانو هوما اول المشتبهين و لكن نقيين ماكاين والو ضدهم
جبل(مطلع حاجبو كيف ديما) امم شي دليل؟
الشاف (ضحك بعصبية) ولا دليل.. سوى حاجة وحدة لي لقينا
مشا هز واحد الورقة من الملف.. اتار الاقدام ديالو
شدها جبل بين يديه كيدرس فيهم
أنت تقرأ
🔥 مـاذا لو إجتـمعنا ! 🔥 " بالدارجة المغربية "
أدب نسائي.. حصريـا علـى قصر الضبـاب ❌. . هادي هي اول تجربة ليا فعالم القصص بالدارجـة ! .. طبعـا عندي تجربـة سابقة و بشهادة صحااباتي! .. العنوان كااافـي و واااااضح .. لكن غامض وفيه لمسة من الغرابة! .. لكن المعنى الاصيل ديالو ايبان مع أحداث القصة .. لي طبعا...
