🔥 مـاذا لو إجتـمعنا ! 🔥 " بالدارجة المغربية "

💕 الفصل الرابع 🍒

ماذا لو اجتمعنا؟ 🖤🌿18

بقلم الكاتبة لامار 🖤🌿

بارت18💌

🌺🌺🌺🌺🌺عند كاميليا

من بعدما خرجات من الريسطو محطمة.. بقات واقفة شحال فالشتا كتصب عليهاو هي كتسناه يخرج و يقلب عليها غير يبين راه مهتم بيها و لاحظ اختفائها ولكن بدون جدوى

تمشات فحال الطير لي جناحو مكسور... لا بلسم يداويه و لا دوا يشافيه..

كتافها طايحين و دموها تخلطو مع قطرات الشتا لي كتصب بغزارة

قطعات الشانطي و تمشات فيه فحالا كتقولهم اضربوني بغيت نموت كلشي كيكلاكصوني عليها و هي مارداتش لبال لتا حاجة و ماعلى بالهاش اصلا..

احساس ان روحك كتحرق و نتا ماقادر دير والو احساس لي صعيب بزاف كترفع من العالم لي راك فيه و كتبحر فبحر تساؤولاتك و كيكون السؤال الرئيسي هو علاش انا لي كيطرالي هاكدا؟؟ 🌺🌺🌺

وصلات حدا الجردة فين كتختالي بنفسها و كتحس براسها مرتاحة جردة كبيرة و فيها واحد الكوخ عشوائي صغيور..

كان هداه ليها واحد السيد بلجيكي كانت خدامة عندو و عطات سوارتو غير لريماس و ميسون..

حلاتو و ضربات فيها ريحة الورد لي مزروع فلفازات تما و الخزامة و الريحان.. فعلا روائح كتريح القلب و العقل دخلات بخطوات تقيلة و تلاحت على لفوطوي كتراقب الصور لي معلقين فالسقف و الجدران ديالها مع لبنات و لا مع ياسين

انفاجرات البكا حنت فعلا مابقاتش حاسة بانها بيخير

شافت تصويرتها هي و ميسون و ريماس و ياسين في الميتم ضاحكين ضحكة مكسورة ..

تفكرات الايام ديالهم مجموعين.. بدا حبها ليه من فاش تلاقاو فالميتم.. تعلقات بيه بحكم انه كان كبر منهم كاملين و كيهتم بيهم فحال بناتو.. حسسهم باحساس الابوة لي فتاقدوه و بحنان الام عوضهم نوعا ما على حرمانهم

و لكن هي ماعمرها حسباتو خوها الكبير كانت ديما كتقولهم انا انتزوج بياسين.. ياسين هو لي انتزوج.. كانو كيقولو العقل د الصغر نهار وصل 18 .. خرجاتو الخيرية لانه وصل السن القانوني و كانو هوما مازالاات صغارات

كانت لحظة الوداع.. بالنسبة ليهم واخا كان كيجي يزورهم مرة مرة بس ماشي فحال فاش كان معاهم و كيحامي عليهم تاحد ماكيقد يقرب ليهم.. واكتر وحدة تعدبات هي كاميليا كانت كتبكي لهم ليل ونهار بغات تخرج عندو بغات تعنقو و تنعس فحضنو بالليل

بغاتو يدلعها ويفششها بس لقات السراب و عاد حسات بالطعم د اليتم..

 🥲❤️ انك تكون يتيم الوالدين بزوج.. انك تكون وحيد..

واخا كانو معاها لبنات كانو عائلة لبعضياتهم و لكن عمر بلاصة الوالدين ما تعوض و لو يجي الف واحد يبغي يعوضك عليها كيبقا الفراغ الروحي ديما فارغ