p10
سجى تقيس ل محمد ف ضغطة لانها زمان خشت ف دورة تمريض: اهدى معاش اتعب روحك
محمد: يبيني نجوز بنتي لولدة غصباً عنها ونكسر كلمتي
عمار: لهدرجة يعرض ف بنتة
محمد تنفس ب صعوبة
سجى فنصت فيه وحطت صبعها علي فمة ب معنى اسكت
عمار يشبح فيها ويضحك
سجى: ضغطك مرتفع تو نديرلك ليم
محمد: بارك الله فيك يا بنتي تعبتك معاي
سجى: لالا عادي مش ب جميل.. وناضت
فرح ناضت بتكلم يامن.. وخشت لدارها واتصلت
يامن رد: الو ياقلبي
فرح: بنحكيلك قصة
يامن: شنهي؟؟
فرح حكتلة الي صار
يامن: حتى اني كنت شاك
فرح: يحسابني بناخدة ولدة وهو منظرة يحشم
يامن: لا بالك بتوافقي
فرح: مستحيل ياقلبي
يامن: لالا واتق فيك ياعمري مستحيل اديريها... شن جهزتي غدوة للمدرسة
فرح: ولا حاجة حتى شنطتي ما نندري عليها
يامن: لا وضامنة النجاح
فرح: اي
يامن: به انشاء الله
~~~~~~~~~~
سجى ناضت ع الفجر تسمع ف فرح تشخر
سجى تهز فيها: نوضي فرح واسي رقدتك
فرح: اممم
سجى: نوضي ارقدي زين
فرح: به
سجى ناضت خشت للحمام توضت ولبست لبسة الصلاة وفرشت الصلاية ف دار المعيشة بدت تصلي تفكرت امها قعدت تبكي وهي ساجدة وتدعي ان ربي يجبر ب خاطرها
وفجآة عمار يجي فايت يشبحهها كيف تدعي وتبكي راجاها لين كملت
عمار: تقبل الله
سجى مسحت دموعها: منا ومنك صالح الاعمال
عمار: اني نبي نفتح معاك موضوع داب انك فاضية
سجى: شنو
عمار: سجى تتزوجيني
سجى😳
~~~~~~~~~
فرح لما نوضتها سجى واست رقدتها وفتحت التلفون لاقت يامن باعتلها رسالة"عَطَايَة الله جَمِيلَةْ وَلَكِنْ أَنْتِي أَجْمَلُهَا❤"
فرح مابتش ترد عليه قالت اكيدة راقد
وفجآة تخش سجى تجري
فرح: خيرك
سجى: لا ولاشي وخشت ف فراشها وغمت وجها
~~~~~~~~~~
اليوم التاني:-
فرح: عماد ماقالكش امتا بيخطبك؟
ملاك: قلتلة بعد الامتحانات.. وانت شن جو يامن معاك
فرح: عسل وفاهمني ف كل شي حتى مشاكل ماصارش بينا
ملاك: مشاء الله... ماريا قتلي كل يومين مشكلة
فرح: ههه عاد هو ما مطول لسانة كان عليها... وانت جوك مع عماد
ملاك: عادي هو حلو وجوة حلو
فرح: وانت غباء برو مكس مش عارفة كيف متحملك
ملاك: يومياً يقولي يا سطل
فرح: من هي البنت الي لابسة عباية واسعة
ملاك: منعرفش.. تعالي نتعرفو عليها
فرح: فكينا منها النوعية هادي ديما يتفلسفو
ملاك: نشوفو وخلاص.... ومشولها
فرح: صباح الخير
يارا: صباح الخير
ملاك: اني ملاك وهادي فرح صاحبتي
يارا: تشرفنا
ملاك: بيك اكتر يقلبي
فرح: وانتي شن اسمك؟
يارا: يارا صالح.. عادي نسالكم؟؟
ملاك: تفضلي
يارا: هي هكي يعني نظامها مدرستكم سماط
فرح ضحكت بصوت عالي: اي حبيبتي هادا القليل من الكتير
ملاك قعمزت اي عرفينا عليك
يارا:.....
~~~~~~~~
عمار: اي شن قررتي
سجى: عمار مش عارفة
عمار: اني بنكلم بوي وهو ح يسالك بس نبي نعرف قرارك قبل ما نكلمة
سجى: خلاص عمار قاعدة نفكر
عمار: به تمام.. وطلع
سجى قعدت تفكر(علاش ما نوافقش الاحسن اني نوافق باش منقعدش عالة عليهم ع الاقل تتحسن حياتي بعد ما بوي حدفني ف الشارع وخلاني نلجئ ل ناس منعرفهمش بدون مايسال عليا ولا حتى يدورني...بس اني قاعدة مش متاكدة من مشاعري تجاه عمار بس ح نضغط علي روحي لاني حاسة مصلحتي ف الجواز هادا)
~~~~~~~~~
فرح: متطوليش عليا تمام؟
يارا: تمام مش ح نطول.. هي سلامات
فرح: سلام..
وطلعت ركبت ف سيارتها ومشت
~~~~~~~~~~
مراد: متحسيش انك مقصرة معاي هلبا يا ولاء
ولاء شقلبت عيونها: عادي حبيبي علاش تفكر هكي اني نص وقتي يا ف الاسواق ياطالعة مع البيست عادي
مراد: به انت عاطية ل صحباتك اكتر من حقهم وهاملتيني معقولة يومين نتصل ومفيش ولا رد.. وفجآة يسمع صوت كانة صوت ولاعة
مراد شك: ولاء شن الصوت هادا
ولاء تلبكت: اي اني ولعت الغاز
مراد: مش انتي قاعدة ف دارك
ولاء: اي وطلعت نسخن ف شاهي
مراد حس انها تكدب: ولاء تكلمي انتي ادخني ولا؟؟؟
ولاء: اي وشن فيها
مراد: كيف انتي بنت وبعدين علاش ما قلتيليش
ولاء: هادي اسمها حرية شخصية وبابا وماما يندرو وندخن قدامهم وبعدين خلاص الوقت تغير
مراد تعصب وما حبش يغلط معاها ف الكلام سكر الخط
~~~~~~
وسام روح من المدرسة غير حوايجة ومشي ل بوه: بوي!! نبي فلوس
محمد: شن تبي فيهم
وسام: مزرد اني والولاد
محمد طلع فلوس وعطاه
وسام خداهم وركب ل دارة وطلع فلوس من الدولاب: هازي عليا عاطيني 40 دينار... وطلع
~~~~~~
فرح روحت من المدرسة درست السيارة وشبحت وسام راكب ف سيارة صاحبة جت بتسالة وقف عليها يامن
فرح: اهلا
يامن: شن اشتاحشتيني
فرح: آمس كنت نكلم فيك
يامن ضحك: تي قولي حتى كلمة حلوة بالكدب
فرح: كلمة حلوة حتى بالكدب
يامن ضحك: به تمام
فرح: خلاص امشي تو يشوفك حد
يامن: به سلام كلميني يعدين
فرح: به
يامن مشي
~~~~~~~~~
عبدالسلام: اني خوي يفضل ولدي عن الغريب
رامي: لو كنت ف مكانك يابوي ما عاد نعتب باب حوشهم ولاعاد يجي لساني علي لسانة
عبدالسلام: اني خلاص محمد سكرت بابة
رامي سرح(تحسابيني بنبردها يافرح خلي تو نفضالك انت والكلب الي فضلتيني عليه)
~~~~~~~~
يارا: بابا!!
صالح: نعم يابنتي
يارا: بابا تعرفت علي بنية ف المدرسة الجديدة وعزمتني محبيتش نردها قلتلها نكلم بابا ونرد عليك
صالح: لا منطلقكش ل ناس منعرفهمش لالا فوتيها
يارا حطت راسها لوطة
صالح حس انها زعلت: به من هي صاحبتك بنت من؟؟
يارا: اسمها فرح محمد ال.....
صالح فرح: اه عرفتة الله علي محمد وايامة
يارا: تعرفا؟؟؟؟
صالح: زمان كان معاي ف العسكرية الله ع الدنيا قداش ما صغيرة... ولانها بنت محمد واني عارفة محمد راجل كويس ف حنخليك تمشى
يارا باست بوها: شكرا هلبات
~~~~~~~
(طبعا نبي نعرفكم علي يارا هي من عيلة متدينة بس بوها يعتبر منفتح شوية عن باقي خوتة امها فاطمة وعندها ست خوات متزوجات وكل وحدة متزوجة ل عيلة متدينة لان قانون العلية هكي ماشي صالح كان معنداش مشكلة من عيلة متدينة او لا وخدي راي كل بنت من بناتة ب خصوص الموضوع هادا هي بنت تشبحها وتشبح لبسها تقول محترمة ومحتشمة وهادية بس لما تتعرف عليها تعرف انها وحدة مش ساهلة وجوها حلو😅)
#يتبع💕
اكتبولي رايكم ف التعليقات وحطو لايك دعماً ليا.. وتشاو👋❤
