p, 22
يوم العيد:-
روحو من صلاة العيد عيدو وفطرو دبحو وبدو يصلخو ومشت وهيبة هي وماريا يوتو ف السلايط ويارا وسجى راقدات حوامل عاد
مراد: فرح تعالي شدي الرجل
مروان: معش عرفت كيف نصلخها
عماد: حول حول وقعد يصلخ... ماعمري ريت غبي كيفك
عمار: دكتور راه
عماد: به ماقلنا شي دكي ف القراية لكن ف الحياة العملية زبيكو
مروان يشبح فيه بنص عين
فرح شادة الرجل: مروان ساكت باش يصلخلا
وسام: الله ايام كنا ندبحو ف ضحية وحدة توا قعدنا ندبحو ف تلاتة
عماد: مفروض توا تدبحولي
محمد: غير اجوز وبعدين تو ندبحولك
فرح: تعرفو ان سيدنا ابراهيم كان بيضحي بولده اسماعيل
محمد: كان هدا اني بنضحي ب اهوا (واشر علي عماد )
عماد: خيرك بوي
يارا: امتا بتشوو
مراد غمزلها: جعتي!
عماد بصوت واطي: فكونا من الرومنسية الكريهة
مراد: يرا خطانا
~~~~~~~
زياد يعاون ف بوه: تعال عاونا انت
يامن: منعرفش نصلخ.. الشواء عليا
سعد: شن السلايط واتيات
ملاك: اي
سعد: سلمها بنتي الفالحة
زياد: والبنقلا الي معاك مفيش حتى بارك الله فيك
سعد: انت سكر فمك
مفيد: لواه خيرك مع ولدي من بكري وهو يعاون فيك
زياد: اهي امي ديما واقفة معاي
موسى: بتحي غدوة نجمة
سعد: امس كلمتني نبي تتطلق
موسى: كلمها تجيب حوايجها ودهبها وراجلها نتفاهم معاه اني وورقتها توصلها
مبروكة: تو مش عيب تتطلق ف ه العمر
موسى: اني منيش مخلي بنتي مع واحد زي اهوا
سامن كان يسمع بعدين تبعد وخدي التلفون واتصل ب فرح
~~~~
فرح شافت مكالمة من يامن تبعدت وردت: الو
يامن: كل سنة واني عيدي 💗
يامن: كل عام وانت بخير
يامن: استاحشتك💕
فرح: واني اكتر
يامن: خلاص بعد العيد انشاء الله حتكوني عندي وو....
فرح: بدينا ف الصياعة
يامن به خلاص
~~~~~~
فرح: هي اطلعي عام!
ملاك: به خيرك... وين يارا
فرح: مراد ماخلاهاش
ملاك: ههه.. به وين بنمشو وفي شن بنبدو
فرح: حنبدو ب المفيد والمهم.. الارواب
ملاك: مفرض نبدو ب حوايج الطلعه
فرح: لما بنسافر بنشريهم حوايج الطلعلة توا بنشري ارواب وعطور ... نمشو ل روز فيه عطور حلوات
~~~~~
الولاد مقعمزين ف قهوة ويحضرو ف مباراه الريال ضد برشلونة
عمار: مضنيش يفوزو
يامن: تي الريال متاكد حيفوزو
زياد: لكن تعادل توا
عماد: مازال10 دقايق يلحقو
زياد: به تو نشوفو
... ويسجلو قول
عماد قعد يعيط: خووووشيييي
وبدو يشبحو فيه
زياد: بالحظ
يامن ناض: حض عينك
عماد: اصلا هم اختارو الوقت اهوا بدات
... وتكوها عركة لين صاحب القهوة لزهم
~~~~~
فرح: اني كملت
ملاك: مازال مخديتش ملابس داخليه
فرح: به تو نشوفو المحل الي بعد هادا باش بعدها نمشو نحجزو المزين والفيلوات... ونتعشو
ملاك: قاعدة شبعانة من الشواء
فرح: هادي انتي الي تاكلي ف وجبة وحدة اني ناكل ف ستة سبعة واجبات
~~~~~~
عمار:هك باهي لين لزوكم!!
يامن: هو الي قال بالحظ فرخ معاندي
زياد: وانت ضروري تنوض تلعلع
عماد يضحك: لكن منظرنا اطلع طول لما لزنا
عمار: مهزبين بسلامتكم
عماد: هي نولو
زياد: هي
يامن: لالا اني كرامتي متسمحليش
عمار: باهي باه يابو كرامة انت
~~~~~~~
وهيبة: خيركم طولتو
فرح: هادا هو بعد ماكملنا مشينا ندورو ف مطعم نتعشو
وهيبة: به دهلي حاحات تو يشبحوهم خوتك
فرح خدت اكياسها ومشت ل دارها
~~~~~~
عماد: شن شريتي؟
ملاك: حوايج
عماد: شن هم الحوايج
ملاك: حوايج وخلاص
عماد: باهي باه
~~~~~
فرح: شرايك ف الصور الي بعتهلك
يامن: هادم الي شريتيهم اليوم
فرح: اي.. حلوات ولا
يامن: حلوات لكن اكيد ع الواقع احلا
فرح: اصبر اهي هانت كلها اسبوعين وتشوفهم ع الواقع
~~~~~~
ماريا ف المطبخ ادير في رضاعة ل وردة
مروان: انت شن قصتك معاها المصلا اهيا
ماريا: خيرها
مروان: من لما جبتي وانتي لابستيها قصدي كان من الاول راهو جبتلك مصلا وبلاش من البتات وصرف الفلوس ع الارواب الي شريتيهم ودرستيهم ف الدولاب
ماريا رفعت الرضاعة: باه تو نغير
مروان: ايوا من الاول هك
~~~~~~
يارا: ولدك يرفس فيا
مراد: خلي يرفس امه تستاهل الرفس
يارا: مصح وجهك... هي اطفي الضي بنرقد
مراد طفي الضي وجي رقد جنبها
#يتبع 💕
والله عارفتها قصيرة لكن ميه مية المهم نزلت مرات بعتالي ف الليل انزل مرات مش اكيد خليكم ف الانتظار... متنسوش الايك اعزائي المكسدين 👋
