p13
ولاد محمد صاهرين يهدرزو ومحصلين جو
عماد: نقوللكم نكتة؟؟
فرح: قول
عماد: مرة في غبي يناشب ف غبية مشي مره غيرت رقمها وسكرت الاول وبعتتلا رسالة وقتلة اني غيرت رقمي وهادا رقمي الجديد معاش تحلم تتصل بيا المشكلة ان الحمار قاللها رقمك الا مانجيبة لو كان تحت الارض
كلهم قعد يضحكو
مروان يضحك: انت نكتك عبارة عن مشي قاللها شوي قاللها
كلهم يضحكو😂😂
فرح: عماد ليش الواحد يرقد
عماد: ليش
فرح: لان نعسان
.. وقعدو يضحكو زي المهبلة.. والباقي يشوفولهم
سجى: مبردكم
مراد: نكت زي وجهكم
وسام كان يشوف للتلفون وميت بالضحك
عمار: فرخ خيرك تضحك
وسام يتكلم ويضحك: ماريا توا لقيتها منزلة ستوري وكاتبة لحظة ادراك اني ساتزوج رجلا عظيما
وكلهم ماتو بالضحك
عمار: مابعدك ياماريا
مروان: مبردكم
عماد: مش عارف كيف وافقت عليه
مروان: انت سكر فمك يامتع ملاك
.... كلهم شبحولة
مروان فتح تلفونة وفتح علي تسجيل ل عماد يتكلم مع ملاك
( عماد: به نقولك حاجة لكن مش شعر.....احبك عدد انفاسي وانفاسك وانفاس كل الكرة الارضية.. حتى اني نحبك يقلبي... تهبل الحشومية
.... وكلهم ماتو من الضحك
عماد دمة فار: وجي ضربة.. وضحك رديتها لك
مروان قعد يخنق فيه
سجى: نوضولة بيقتلة
مراد خليه
فرح تصور
مروان يخنق ف عماد
وعماد مبتسم.. وبعدها اغمى عليه
فرح: نهارك احرف قتلتة
مروان: عماد!! عماد!!.. نوض يابهيم تو نخش الحبس ف جرتك
مراد نوض ارفعة للمشفى
عمار: باش بوي يقتلنا
عماد فاقد الوعي
وسجى تبكي
مراد: هبلت انت معقولة هكي تخنقة.. حي على امك لو يسمعو بوي وامي
مروان: فرخ بارد نخنق فيه وهو يضحك
فرح: حي تو كان يصير ل رئتة شي ملاك معاش تقبل بيه
عماد: تي نخطفها ونهرب بيها ومعاش تشبحو وجهي
فرح: مهو من الاول عرفتك كداب
عماد داهش: فرخ ميتحملش البصارة
وسام: لكن قوي الستوري
وسام: لكن حلو كيف بيقوللها شعر
مروان: هي اسكتو انت واياه وانتو شديتوها
~~~~~~~~~
يامن كان يدخن ف رقيلة ف البلكونة جاه اتصال من فرح
يامن: خيرك نتصل بيك مترديش
فرح: لا غر كنا نهدرزو ومشفتش التلفون
يامن: شنجوك توا
فرح: لما سمعت صوتك بديت تمام التمام... بنقولك غدوا شرايك نتلاقو
يامن: به تمام.. وين
فرح: نمشو ناخدو من كباب عريبي استمتع بالهريسة العربية😂😂
يامن: واو ع الرومانسية... لالا كباب عريبي نمشو ل للفورنو
فرح: عساس الفورنو ف قمة الرومانسية.. لالا ناخدو من كباب عريبي ونتمشو ف الحديقة
يامن: به خلاص اهم شي ميهونش عليا زعلك
فرح: سلمهالي الي منهونش عليه
يامن وجهة ولا احمر
فرح: سلمهالي الي اكيد توا وجهة زي الطماطمة
يامن: به خلاص سكري
~~~~~~~~~~
اليوم التاني
وهيبة: فرح امشي لحوش حناك امس قتلي ابعتيلي فرح
اضملي الحوش
فرح: تي خيرها خطر عليها اليوم بنطلع مع يامن
وهيبة: اجلوها وخلاص امشيلها وفكينا منها.. عادي تعلمي فيها وخلاص
فرح تافف: باه... وقعدت اتمتم: حناي هادي ديما حاصلة ف ام رقبتي.. واتصلت ب يامن
يامن: اهلين يقلبي
فرح: حبي اليوم ميصرش منها الطلعة
يامن تعفلق: علاش
فرح: حناي الشلال قالت لامي نجيها نضملها
يامن: به به يصير خير
فرح: متزعلش يقلبي
يامن: لالا مش زاعل عادي ناجلوها يوم تاني
فرح: به يقلبي... سلام.. وسكرت وكملت تقرا
وهيبة من برا الدار: وسام تقرا؟؟
وسام حدف التلفون وشد الكتاب: اي نقرا
فرح: كداب يلعب ف بوبجي
وسام ضربها كف: سكري فمك
فرح حطت ايدها علي مكان الكف وردتهلا
وسام: شدها من شعرها
فرح شدتلة حتى هو
وسام: اطلقي نطلق
... وطلقو
فرح: ضرباتة بوني وركبت عليه وتريشلا ف شعرا وخدت البيرو وخربشت علي وجها
جت سجى تحز بينهم وشدت فرح
فرح تعيط: اطلقوني عليه الحرايمي بنقتلا
وسام: امشي#$&#$ خير مانجي##$&#
سجى شداتة من ودنة: سكر فمك يسمعك بوك
وسام دفها وطلع
~~~~~~~~~
عماد: لوكة قلبي
ملاك: اهلين يعمري
عماد: شن كنتي راقدة؟
ملاك: اي
عماد: صح النوم
ملاك: صح بدنك
عماد: ياودي مستاحشك هلبا نبي نشوفك.. قبل شهر رمضان
ملاك: اي خلاص الامتحانات بنبدا نقرا
عماد: شدي روحك باش تنجحي ونجي نخطبك
ملاك: به.. وكملو هدرزة.. ونزل ل بوه
عماد: بوي راهو زي ما خطبت ل عمار بنخطب حتى اني
محمد: مصح وجهك تبيني نظلم بنت الناس معاك وانت لا شغلة لا مشغلة؟؟... ياولدي انت شهادتك كويسة وتقديرك كويس ومتخرج من تركيا شوف يامن تخرج وخدم غادي وروح لاقة خدمتة هني واتية
عماد ولاول مرة يقتنع ب كلام بوه: به شرايك نتصل ب يامن ونشوفة كان في خدمة ماخدمة
محمد: به اتصل
عماد اتصل ب يامن
يامن: شجو ياعشيري
عماد: مليح.. اسمع طالبك ف خدمة
يامن: ادلل ياسي
عماد: مفيش خدمة ف شركتكم خدمة هكي
يامن: والله مهندس معماري فيه اني يعني مش حيوظفوك لكن في اكتر من مكان يحطوك فيه لكن حرام انت قاري وتاعب يحطوك ف منصب مش ليك
عماد: به قول منبيش تجي تنافستي
يامن: ترا بلا جو شن الكلام الي تقول فيه هادا
عماد: به كيف الراي
يامن: في شركة احني مشتركين معاها ف مشروع جيبيلي وراقك نعطيهولة وان شاءلله خير
عماد: صحيت منور يقدر
يامن: بلا جميل ف اي وقت يا مان
~~~~~~~~~
فرح كانت ماشيه ف الطريق حست ب سيارة تلحق فيها زادت ف السرعة وهو زاد
فرح: خير جد اصلة هاد شن يبي... والغبية خشت لزنقة فاضية... فجاة
#يتبع 💕
آم سوري عارفة الحلقة قصيرة غر قلت نشوقكم ونخليكم انتو تتوقعو... اكتبولي ف التعليقات شن تتوقعو.. ولا نقوللكم متكتبوش شن تتوقعو باش متحرقوش الفلم اكتبو رايكم وهل نستمر او نوقف واكتبولي اي شئ سلبي او ايجابي ف الرواية واكتر شخصية تحبوها واكتر شخصية متحبوهاش وديرو لايك دعماً ليا.... وتشاو ❤👋
