p18
ملاك سئلت على مكتب عماد ومشت فتحت المكتب بدون ما اطق باش تفاجاه تشوف عماد يبوس ف سيلا
عماد اول ماشافها تباعد
ملاك مصدومة: اي هادا وين عرفت علاش تغيرت المعاملة
سيلا: اي حبيبتي داب انك عرفتي خلاص اطلعي من حياتنا
عماد: ملاك استني نشرحلك
ملاك: شن بتشرح خيانة واضحة... ووقفت قدامة: لكن خسارة الحب والتفكير والاحلام الي فات وقتي واني نفكر فيهم... شكرا ياعماد خليتني نشوفك علي حقيقتك... وطلعت
عماد بيلحقها
سيلا شدت يدة: هي وين ماشي مش تبي اطلعها من حياتك؟
عماد: تي حولي كسيرتك
عماد لحق ملاك لاقاها طالعة
ملاك تبكي: علاش لاحقني احني خلاص انتهينا امشي ل الي كنت تبوس فيها
عماد: والله مش عارف شن نقولك اسف والله ماعاد تتكرر
ملاك: اسفك مش مقبول... وحول عني احسن ما نقول ل يامن كل شي وتفسد صحبتكم.. ومشت.. خدت تاكسي واتصلت ب فرح
فرح ردت: نعم
ملاك تبكي: اني ف ال*** تعالي
فرح: خيرك
ملاك: تعالي وخلاص
فرح: به تو نجي
~~~~~
نوريه: وصلوني اخبار ان ي
بنتك الي متتسماش تزوحت
علي: به شن بنديرلها كان انتي خليتني انلزها
نوريه: من جدك بتخليها تتهنى وهي واخدة بدون علمك!!
علي: شن تبي نديرلها يعني
نورية: هي توا ف تونس لما تروح امشيلها و....
علي: به وراجلها
نورية: مدوراش لما تشوفك ح تضعف ودخلك
علي: به يصير خير
~~~~~
فرح: ه الحقير تو يشوف
ملاك: فرح اوعديني متقوليش ل حد وخاصة يامن
فرح: متخافيش مش مقايلة.. به انت كيف بديري
ملاك: مش مدايرة شي بنشوف حياتي منبيش شي يتغير لا حياتي ولا صحبتي اني واياك
فرح: متخافيش مستحيل تتغير
ملاك: اي تو بعد ماهديت نوضي نروحو
فرح: هيا وناضت
~~~~~~
يارا تواسي ف السرير
مراد: هاتي تو نديرة انتي قعمزي وتريحي
يارا: منحبش هكي مش معقولة كل شي عليك انت ساد ف فترة امتحاناتي
مراد: عادي نتحمل عشانك ياقلبي اهم شي سلامتك انت وولي العهد الجديد
يارا: به اني ف البلكونة نستنى فيك.. وطلعت
مراد رن تلفونة لاقاه رقم غريب رد
مراد: الو؟
ولاء: مراد؟؟
مراد عرفها من الصوت: نعم
ولاء: الف مبروك سمعت انك تزوجت
مراد: اي الحمدلله ومرتي محترمنتي وتاخد ف اريي واهم شي عمرها ما تصرفت من راسها
ولاء: به معقولة هان عليك حبنا
مراد: قوليه ل روحك الكلام هادا بعد ما خنتيني
ولاء: مراد..
مراد قطع عليها: اني متزوج ونحب مرتي وياريت ماعاد اضايقينا.. وسكر الخط: وحدة مريضة
~~~~~
ولاء سكرت وبدت تبكي: ياريتني مادرت هادا كلا كان هادا راهو اني مكان مرتة توا😭
~~~~~~~
عيلة محمد مقمزين يهدرزو
عماد: بوي بعد غدوة عندي سفرة ل تونس
محمد: وعلاش
عماد: هكي وخلاص شغل
مروان: معرفناكش وانت مهتم ب الشغل ل هدرجة
عماد: انت اسكت مش وقت حناطك
عمار: وانت خيرك والع اليوم مش علي عادتك
عماد: شي هكي وخلاص
مراد: بدي يخش ف اجواء الشغل
وهيبة: هي نوضن يا بنات عاونوني ف العشي
ماريا: هي
وناضو ماريا وسجى ويارا
وسام: وانت خيرك ما تنوضي معاهم
فرح: شن دخلك
محمد: اني بنوض نصلي امضني حتى انتو تنوضو تصلو
مروان: به ياحاج تو انوضو
محمد طلع
عمار: تو فضت الساحة احكي خيرك مش علي عادتك
عماد: لا مافي شي
عمار: عماد راهو اني نفهم فيكم كلكم ويابال انت اكتر واحد فاهمك
فرح بعتب: احكيلهم شن درت
مراد: احكي حرقتلنا دمنا
عماد يحكي بغصة: لما بديت نخدم عحبتني بنت هي حلوة وحسستتي ب هلبا حاجات محسيتهمش مع ملاك
مروان قاطعة: سوري ع المقاطة لكن الي فهمتة انك خنت ملاك
عماد: مش خيانة
فرح: ها امالا شن بالك بتقول نزوة
وسام: وملاك شن صار فيها
مراد: انت سكر فمك دوة كبار مش شورك
وسام: كانها دوة كبار نوض اطلع مش شورك
.... وقعدو يهزبو ف عماد ويحزو بين مراد ووسام اما فرح لاقت يامن متصل بيها مشت عاودت عليه
فرح: هلا ياقلبي❤
يامن: احيييه قداش ما مستاحشك💕
فرح: واني اكتر ياعمري
يامن: نبي نسالك توا ملاك قالت ان سيبت هي وعماد
فرح: اي وقالو ان مش متفاهمين
يامن: اي هكي حسيت حتى هي ليها فترة مش عاجبتتي... اي بنقولك غدوة بنديرو فضانية رسمي خلاص
فرح: واخيرا ياقلبي يقعد بينا شي رسمي قدام الناس
يامن: خلاص عييت من الجفاف ع الاقل يبدا عندي سبلة لما نبي نشوفك
زياد: ريحونا عاد والله تنوضو عليا ف المشاعر
فرح: هادا الكلب زياد جنبك؟
يامن: اي قالك نوضتي عليا المشاعر
فرح: اما مشاعر وهو مخلط علي نص فرخات ليبيا والوطن العربي والشرق الاوسط
يامن: بكل ديما يخشولي بنات يسالو فيا عليه قريب انزلة منشور نكتب زياد ال** خوي
فرح: اي 😂
~~~~~~
ملاك تبكي: هكي هانت عليك العشرة ياعماد معقولة تخوني مع وحدة زي هادي اني شن الي قصرت فيه معاك فضلتك علي كل شي رسمت معاك كل احلامي ف حياتي ما قللت من احترامك ونعامل فيك بكل هدوء... بس يالله الدنيا #نصيب💔
((مرات تبني احلامك مع شخص وتحبة وطول الوقت تفكر فيه لكن يجي مخلوق اسمة (النصيب) ويقول كلمتة ويوقف ف وجه كل شي الخيانة صعبة واسالو اي شخص مجرب الشعور هادا شعور ممزوج بعدم التصديق ب الخذلان والاهانة... تجي ف يوم تشك ان في طرف ثالت ب علاقتكم ويطلع الطرف الثالت هو انت ونصيحة مني لو تغير عليكم شخص تحبوه فجاة ف اعرفو ان شاف ل غيرك ))
~~~~~~
عماد قاعد يفكر وياقارن ف سيلا ب ملاك: ملاك هي الشخص الي تحملتني حطتلي اعدار حبتني ب صدق كيف هان عليا نخونها هكي كيف نغلط غلطة زي هادي ل هدرجة شهواتي عمو عيوني ل درجة اني خنت الانسانة الي حبيتها من كل قلبي
((معاش ينفع الندم ف الحالة هادي لو فكر فالحب من البداية راهو الموضوع مانتهاش بالطريقة هادي ))
~~~~~~
سامر: ياامي اني بعد ماخديت ب تار بوي وخديت حقي من احمد ثالت ومتلت.. نبي نتجوز
ريم: هادا النهار الي نراجي فيه ف راسك بنت ولا ندورلك
سامر: والله عاجبتني بنت شايفها ف التنوية عارف مكان حوشها ومن عيلتها وانت ماعليك الا تخطبيها
ريم: به امتا تبي نمشي
سامر: بعد يومين
ريم: حاضر
(خلي نحكيلكم علي سامر هو ولد متاع بنات وعايش حياتة بالطول وبالعرض يتاجر ف المخدرات بس مش هني ف ليبيا يعني معنداش خدمة ف ليبيا عندة اخين وقصة انتقامة من احمد ان احمد هو السبب ف اعاقة بوه ف هو قرر ينتقم منة ف اغلا حاجة عندة وهي ولاء وفعلا انتقم وبسببة ولاء انفضحت وخسرت شغلها وشهرتها )
~~~~~~
عمار: سجى الباب يطق ترا افتحي.... اني ف الحمام
سجى طلعت من المطبخ وفتحت الباب وانصدمت😨
#يتبع💕
عارفتها قصيرة بس هادا الي كان عندي اليوم اكتبولي رايكم وديرو لايك دعماً ليا... وتشاو 👋❤
(واهم شي اعزائي المكسدين ديرو متابعة باش كل روايةانزلها تطلعلكم💕❤)
