p12
ماريا: تو كلمني مروان وقال دارولا غسيل معدة لكن بيقعد فترة اسبوع عشرة ايام هكي
مفيدة: به الحمد الله علي سلامتة
~~~~~~~~
وسام كانو دايريلا سيروم وتغدية وكلهم ملتمين فوق راسة فتح عيونة
وهيبة فرحت: وليدي نضت؟؟
وسام: اني وين
عماد: مرحباً بك في كوكب المريخ... وين يعني اكيد ف المشفى
محمد: متحس ف شي توا
وسام: بطني توجع فيا
سعد: به الحمد الله علي سلامتة
محمد: الله يسلمك
زياد: خلاص صح بسرعة ياسر دلع
يامن: خلاص اطلعو خلوه يتريح
.. وطلعو
~~~~~~~
بعد يومين:-
وسام يبكي: اخر مرة نشرب ريد بول غر نبي نروح لامي
الدكتور: متخافش حتروح بس لازم تقعد الفترة هادي تحت المراقبة لان حالتك مازال مش مستقرة
وسام بصوت تاعب: باه
~~~~~~~~~~
يامن: استاحستك يكلبة يومين متتصليش!!
فرح: هو هادا نشغلنا ف قصة وسام
يامن: فرح اني نبي نفتح معاك موضوع هو كنت منبيش نكلمك عليه لكن معاش نبي نسكت عليه
فرح استغربت: شن هو؟
يامن: مش ناوية تتحجبي
فرح: بس اني قاعدة مش مقتنعة بيه
يامن: القصة مش ف القناعة القصة ان فرض
فرح: لما نحس روحي اني مقتنعة صدقني ح نتحجب
يامن: اصلا مخليك علي راحتك
فرح: شرايك نطلعو بما ان العيلة لاهية
يامن: وين نرفعك
فرح: اخطفني ساعة ولا اتنين وبعدها روح بيا
يامن: لو كان بيدي نخطفك ونمنع بيك العمر كله لان الحاجة المخنوبة فيها بنة اكتر
فرح: لا عاد مش لدرجة هادي
يامن: عادي نديرها تحسابيني مدورهم هلك!!!
فرح: اصلا اني مش ح نخليك
~~~~~~~
ملاك خشت من الباب الخارجي لاقها عماد
عماد: اهلا ب غاليتي
ملاك: اهلين بيك
عماد: تي مرات نحس ف امك نحلة مش انسانة
ملاك كشرت وجهها: هيا معاش تقول علي ماما هكي كيف تقول امك نحلة
عماد: نحلة جابت العسل السمح هادا
ملاك سكتت شوية بعدين جتها لحظة ادراك وفهمت القصة😂
عماد: به الي فهمتي 😂
~~~~~~~
فرح مقعمزة تهدرز هي وملاك ف دار فرح
خش عليهم عمار: كلمي حناي تبطلهم الحركات هادو ديما تنادي فيا ننزل نسلم.. بعدين ركز علي ملاك: اوو ملاك عندنا شديري
ملاك: شي هكي وخلاص.. كيف حال وسام
عمار: قاعد علي حاله
مبروكة تنادي من لوطة: تعالى يا عمورا سلم علي خلاتك
فرح: اكيدة تبيك تشوف بنات خالي
عمار نزل: عليك نفخ الزح تي خير$#&$ وهي ديما معششة
~~~~~~~~
سميرة: توا وهيبة كلمتني وفسخو الخطبة
احمد: وولاء شن صار فيها
سميرة: ماقالت شي شن تبيها تندب وتنوح!!... ووين بيحصلو زيها وكان يلف مايلقى كيف بنتي
~~~~~~~~
سامر بعت ل ولاء صور وكانو صور ولاء بدون حوايج
ولاء: شن هادو
سامر: هادو صورك خديتهم من تلفونك... ولو ماجيتيش للمكان الي قتلك عليه حننشر الصور ف الفيس وشرايك نكتب صور الموديل ولاء بدون ملابس
ولاء بدت تبكي: انت كيف ادير هكي اني وتقت فيك مكنتش نحسابك عيل هكي
سامر: ترا سكري فمك واصحي حد يسمع لاني مش ح نرحمك
ولاء تبكي وخايفة... وسامر سكر الخط
ولاء اتصلت ب مراد
مراد اول ماشاف اتصالها انصدم وجاه الفضول ان يرد ويعرف هي شن تبي.. ورد عليها
ولاء تبكي: مراد ساعدني بالله عليك
مراد: ولاء غر اهدي نفهم
ولاء حكتلة كل شي...
مراد ضحك بهزوة: من جدك متصلة تبي نساعدك!! تخوني فيا ووين طلع عيل جيتيني اني
ولاء: نفهم من كلامك انك مش مساعدني!!
مراد: آسف... وسكر الخط
