البارت2
اليوم التاني
النساوين ف النوالة يوتو ف الغدي يامن ف المربوعة هو بوه وزياد يستقبلو ف الناس
~~~~~~~
فرح: خيرا زياد غاب
ملاك: قال ميبيش يجي
فرح: عندنا اختبار راهو
ملاك: متخافيش عليه تو تعاودهولا
فرح: قريتي!!
ملاك: اي
فرح: معناها بنغش منك اني مفتحتش كتاب
ملاك: انشاء الله متعاوديش السنة بس
فرح: مش ح نعاودها متخافيش
~~~~~~~~
عمار يعطي ف محاضرة بعد ماكمل: الي مش فاهم او مازال يبي يستفسر اكتر مستعد نعطيه من وقتي
طالبة: ياستاد باهي عطيني رقمك نستفسر اكتر
عمار: بصفتك من واخدة رقمي تبي تفهمي اكتر نعطيك من وقتي اما وجيج الفرخات هادا فوتيه
القاعة كلها قعدو يضحكو
عمار: هي السلام عليكم...وطلع
وفجآة تلحقة طالبة: استاد!!
عمار تلفت: تفضلي؟
سجى تلبكت: آسفة بس اني نبي نقولك ان استيعابي ف المادة بطيئ ونبي مازال تفهمني اكتر
عمار: شن عندك انتي توا
سجى: توا ماعندي شي لكن بعد ساعة عندي محاضرة مع الدكتور جمال
عمار: به شرايك نمشو للكافيتريا احسن
سجى: به تمام...ومشو
~~~~~~~
فرح وملاك ف اختبار الانجليزي
ملاك دارت حجيب وحدفاتة ل فرح
فرح خداتة
( الحركة هادي جت ف عين سوست فصلهم الي تقود علي كل شي)
الطالبة: يابلة!!!
الابلة: خيرك
الطالبة: راهو تو ملاك حدفت حجيب ل فرح وفرح خداتة تغش منة
ملاك خافت
فرح فنصت ف البنت
الابلة: اوقفي انتي واياها
ملاك وفرح وقفو
الابلة: تغشو ب كل عين وقحة مش متحشمين في ابلة قدامكم!!
فرح: به يابلة الاسئلة صعبة
الابلة: صعبة ف عينك...اطلعي ياغشاشة انتي واياها تو نتقاهم معاكم بعدين
فرح وملاك طلعو
~~~~~~~
عمار: ع فكرة انتي مشكلتك متشديش مستواك كويس ودماغك نظيف
سجى: هادا هو ظروف
عمار: صدقيني مفيش ظروف اهم من قرايتك
سجى: عندك الحق
عمار: شرايك نعطيك رقمي باش نتواصلو
سجى: قبل بنقولك بس خفت تهزبني زي الطالبة الي بكري
عمار: اني نعرف من هي الطالبة الي تبي تقرا والي متبيش تقرا
سجى فرحت من كلامة وملت عليه الرقم
~~~~~~~~
يامن: علاش ممشيتش للمدرسة انت
زياد: مخطريش ومعندناش حصص مهمات
يامن: عارفك مش متاع قراية
زياد: كانك عارفني علاش تسال امالا
يامن: انشاء الله تسقط باهي!!
زياد: ع اساس سقاطي متوقف علي دعواتك ماهو بيك ولا بلاك ساقط
~~~~~~~
فرح: والله الا مانقتلها الكلبة الحقيرة
ملاك: تبكي فكينا من المشاكل تو يديولنا طرد والله بابا لو يعرف ح ينجلط
فرح: ولا اني كان خوتي يسمعو وبدات مروان لما يدرني بورديم
ملاك: واااك خايفة
فرح: متخافيش....غر نوضي نراجوها قدام الباب واول ماتطلع ننقزو عليها
ملاك: لالا فوتيها بالله عليك
فرح: لالا نوضي
ملاك ناضت معاها وقعدو يراجو فيها قدام الباب واول مارن الجرس
فرح: اهيا الكلبة بتطلع
ملاك: انشاء الله خير وخلاص
وبعدها البنت طلعت
فرح تنقز عليها وتجيبها طايحة: آر كيو برادر
الطلبة والطالبات كلهم ملتلمين عليهم
البنت: حولييي بنروح
فرح: مش حتروحي قبل ماتخدي شلابيخ علي وجهك...ملاك تعالي حطي بصمتك عليها
ملاك جت تريشلها ف شعرها
وفجآة الابلة طلعت: شن هادا
ملاك جمدت ف مكانها
فرح وقفت
الابلة: تعالو كلكم الادارة
ملاك بدت تبكي
فرح: اسكتي وفري دموعك ل بعدين
...وخشو فرح وملاك ومعاهم البنت
الابلة: شن سببها العركة
البنت بدت تتكلم قاطعتها فرح: يابلة تستفز فيا شن بنديرلها
الابلة : انتو قليلات ادب وعقاب ليكم طرد تلاتة ايام
ملاك بدت تبكي
فرح خافت
الابلة: اطلعو برا
فرح وملاك طلعو
ملاك: تريحتي توا ياربي كيف بنقولها لامي
فرح: غر اركبي خطرت عليا فكرة خنفوشارية
...وركبو ف السيارة
ملاك: شن هي الخطة
فرح ولعت السيارة وبدت تسوق: نكلم عماد
ملاك: مصح خليقتك تبيه يقولها ل بابا
فرح: غر اسكتي تو تجيك الدوة...هو لما تبكي قدامة شوية وتتسخفيلا شوية يدير الي تبيه
ملاك: باه
فرح: طبعاً دور البكي ما يمشيش معاي نبيك انتي تبكي قدامة شوية لين يوافق ويديرلنا حل
ملاك: انشاء الله خير
فرح فتحت تلفونها واتصلت ب عماد
عماد فتح الخط: فرح!!
فرح: وين انت؟
عماد: وين بنكون ف حوش عمي سعد
فرح: به امش ل حوشنا شوي ونكون عندك
عماد: شن في يافرخة
فرح: تو تعرف...وسكرت الخط
ملاك: شن قال!
فرح: تو بيمشي للحوش اهم حاجة ابكيلك شوية خلي يديرلنا حل
ملاك: باه
~~~~~~~~
عماد استغرب ناض مشي للحوش وقعد يراجي وفجآة يخشو فرح وملاك
عماد وقف: خيركم!!!
فرح: عماد نقولك حاجة متقولش لحد
عماد: شن هيا
فرح: اوعدني
عماد: فرح تكلمي شن في
فرح: اوعدني قبل
عماد: وعد
فرح: كلمة راجل!!!
عماد: فرح حرقتيلي دمي راه تكلمي
فرح: عطونا طرد تلاتة ايام
عماد: شني...وعلاش
فرح: آهي ملاك تحكيلك
عماد: ملاك تكلمي علاش عطوكم طرد؟
ملاك بدت تبكي: احني غشينا ف امتحان الانجليزي وخبرت فينا بنت والابلة حرمتنا من الامتحان وبعد ماتم الامتحان ضربنا البنت عارفة ان احني غلطنا لكن والله نادمة هلبا وآخر مرة معاش تتعاود
فرح مفنصة فيها ومنصدمة من مهارة التمتيل الي عندها
ملاك تبكي: بالله عليك متقولش ل حد والله ماما تنجلط حاول كيف تقولها ل يامن باشوية خلي يديرلنا حل
عماد سارح فيها كيف تبكي بعدين فطن علي روحة: والله متتحشمو اقسم بالله
فرح: به شن بتساعدنا
عماد: به تو نفكر...وطلع
فرح مصدومة: انتي كان تمتلي تبدي احسن ممتلة ف بوليوود
ملاك: بس اني مكنتش نمتل كنت نبكي بجد
فرح مسهل البكا عندك
~~~~~~~~~
ف المغرب:-
فرح لبست بلوزة بيضة وسروال جينز واسع شوية وجاكة كحلة حطت مسكرة وروج خفيف...وطلعت
وهيبة: امسحيه الي ف خليقتك
فرح: لالا هو خفيف
وهيبة: امسحيه قلت
فرح: بووي كلمها!
محمد: خليها ياوهيبة هي كبرت
فرح: اني طالعة...ونقزت من الحيط
يامن: لتاني مرة تنقزي من هني راهو عندنا باب
فرح: اني ديما نخش من هني
يامن: هههههه
فرح خشت: ملاااك
ملاك: نعم
فرح: بنقولك! ماما خلتني نبات هني
ملاك: ييسسس.. اي شن صار ف الموضوع
فرح: شكلة عماد مكلمش يامن
ملاك: كيف عرفتي
فرح: تو لقيت يامن قدامي ماقالي شي
~~~~~~~~~
عماد: يامن!! نبي نحكي معاك ف موضوع
يامن: شنهوا
عماد: بنقولك ان فرح وملاك دارولهم طرد تلات ايام واني وعدت ملاك ان متقولش ل بوك
يامن: علاش
عماد: دايرات عركة ف المدرسة
يامن: لا المشكلة ان ملاك مش متاع مشاكل
عماد: من جدك تسأل...اكيدة اختي لان هي اكبر مشاكلية
يامن: انشاءالله خير
~~~~~~
حسن: مروان انت عندك اخت اسمها فرح
مروان تعصب: خيرها اختي
حسن: لا مافي شي بس.....
#يتبع💕
ديرو وتفاعلو وديرو لايك دعماً ليا...وتشاو👋🏻❤
