p5
فرح فاقت من النوم علي صوت تلفونها لاقاتة يامن فتحت الخط
يامن: صباح الخير
فرح: صباح النور
يامن: لاتو راقدة
فرح: شن بندير معندي شي تو شوية بنوض نقرا ونكسد
يامن: تعالي اقري مع ملاك
فرح: لالا امي مش ح تخليني
يامن: به تعالي للجيهة المظلمة هديكا الي ورا صور حوشنا
فرح: الي فيها شجرة الفل
لالا فكنا مكان مهجور واكيدة فيه عقارب وجو
يامن: غر تعالي تو نقولك
فرح: به توا العيلة كلها راقدة تو نشوف جوي
يامن: باه نستنى فيك...وسكر
فرح لبست توب فوق تيشرتها وطاقية صوف وشال وطلعت فتحت بابهم بالشوية وطلعت لاقاها يامن قدام الباب
فرح: علاش جاي هني
يامن: نبي نغمضلك عيونك قبل...وخدي الشال من علي رقبتها وربطة علي عيونها
فرح: لا هكي بنطيح
يامن: عادي اني شاد فيك...وصلها للمكان
فرح: متحمسة هلبا
يامن حول الشال علي عيونها: ترارارا
فرح انصدمت المكان كان الي مهجور بس هو غيرة دارلة فراش معشب وسياج ومقعد كبير تحت شجرة الفل كان المكان ساحر
فرح: شن هادا
يامن: مكاننا السري
فرح: كيف مكاننا السري
يامن شد يدين فرح: فرح اني من اول يوم شفتك انعجبت فيك صاح زمان قبل مانسافر كنت نعتبر فيك زي ملاك بس بعد ماروحت لقيتك حلوة هكي مقدرتش
فرح وجهها احمر
يامن شد خصلة من شعرها: البنت الي كنت نحلم بيها هي بنت هادية رقيقة بس لما شفتك غيرت تفكيري...فرح اني نحبك
فرح: ءءءء ييامن
يامن: اششش متقولي شي فكري وكلميني
فرح خلاتة ومشت
يامن شبح فيها وضحك
فرح خشت ل دارها: ياربي كيف دبت فيه هكي
~~~~~~~~~
ملاك: عماد فاضي انت توا؟
عماد: اي فاضي
ملاك: عندي درس مش فاهمتة
عماد: به جيبي نفهمك
ملاك: باه... وشكراً
عماد: العفو
~~~~~~~~
ماريا: دكتور نبي مساعدة
مروان بدون ما يشبح فيها: في شن؟
ماريا: في مريض ضربتلا اليبرة غلط تعالا شوفة
مروان: تقوليلي فيها عادي هكي... وطلع
ماريا: اوووف... وقعدت تراجي قدام الغرفة
مروان طلع: الحقيني ف المكتب
ماريا لحقاتة: نعم
مروان: انتي كيف ممرضة هادي يبرة وريد اضربيها بالشوية.... ع فكرة لو متدخلتش راهو راح فيها... اني عارفك لاهية ف التخربيش الي تخربشي فيه فوتي امه ارواح الناس مش لعبة بين يديك يا آنسة
ماريا بدت تبكي: مروان علاش تعامل فيا هكي اني شن درتلك علاش ديما تعصب عليا هكي اني ف شن غلطت معك... وعفكرة اول مرة شخص يتجرأ يكلمني هكي😭
مروان: لسانك الطويل علي كل الناس الا اني
ماريا خلاتة وطلعت
مروان رجع ل مكتبة: تزعبين فرخات
~~~~~~~~~
ولاء: عادي ياقلبي تو يطلع
مراد: اقسم بالله رايح زي قرود الآمازون
ولاء: احسن باش متخليش فرصة لبنت غيري تشوفلك
مراد: حتى لو شافوني بنات الكون كلا انت الوحيدة الي ف قلبي
ولاء: عارفة
مراد: شنجو حناي معاكم
ولاء: وواك تدخل ف كل شي لبسي تلفوني طلوعي آخر ماتوخر قالت لامي معاش تخليها تكلم مراد لين يقرو الفاتحة
مراد: حناي ونعرفها لما امي مرضت قعدت عندنا كل شي تدخل فيه
ولاء: هبة كبار السن
مراد: هههههه شكلها
