p23
فاتو ايامات كملو ملاك وفرح حوايجهم وجي اسبوع العرس كانو فرحانين صبرو ونالو المهم خلاص عارفة روحي منعرفش نعبر
~~~~~~~
فرح كانت لابسة فيلو مش بسيط هلبا لكن بسيط( شرحي كيف خليقتي) والمكياج كان بسيط والطرحة ابسط
اما ملاك لابسة فيلو اوفر والطرحة اوفر ومكياج خفيف جدا كانو مقعمزين ع المسرح ويهدرزو
وهيبة تلود وتبخر
ومفيدة توزع ف الكوفيتي
والكناين يستقبلو ف الضيوف
~~~~~~
الزكرة تضرب
العب يوليد الشالالا العب يوليد الشالالا صغيرة مهي هجالة العب يولد الشلالا
عماد ويامن يرقصو وزياد يرشق ف العشرات 💵
موسى: تي قعمز يفرخ الفلوس منلقوش فيهم ف كناسة الزنقة راه
عماد مد لبوه شال مكتوب عليه نبي التانيه
(يعني نبي مراه تانية)
الولاد: ارفعها ارفعها
محمد حدفها: عليا اليمين مهي صايرة
عمار: تي غير خيرك ياحاج
مراد صور وبعتها لاامة
مروان: راضي عليها شكلا
... وكلمو هياجة ودرجوهم وهم توا ف طريقهم للصالة
~~~~
... فضت الصالة وخشو يامن وعماد صورو مع العيلة وخدو كم لقطة جريئة
فرح تودع خوتها وبوها لانها مسافرة
محمد: حطها ف عيونك راهي راس بنية
يامن حاضر
سعد: اهو تجيني تبكي منك
عماد: انشاء الله
زياد: احتمال هو يجيك يبكي
ملاك تبكي: يابارد
عماد: المكياح ساح تو تقعديلي كيف الباندا
وسام جي حضن فرح: بنستاحشك هلبا الحوش بيفضى عليا
فرح: تبكي: حتني... يامن نبي نروح معش نبيك
يامن تخزرط قدام بوها
عماد جي حضنهم هم الزوز: يخونة بنستاحشكم
... وفضت الدنيا وروح الي هادا ل حوشة والعرسان مشو للفنادق الي حجزو فيهم لانهم من غدوة مسافرين
~~~~~~~
يارا بدت تتوجع: اااا يعمتي شكلي بنولد
وهيبة: هدا النهار المبروك كلمو مراد بسرعة
كلمو مراد وخش قامها: تي اسكتي يمرا... وطلع بيها
يارا: وووو وقف خلاص معش نقدر
مراد طرشتلي ودني واتصل ب امها وقاللها
~~~~~
خشت ملاك غيرت ومسحت مكياجها: هي نصلو
عماد: هي😍
.. وصلو
رمت ملاك المصلا
عماد حضنها من ورا: الله قداش ما كنت نتمنى ف هاليوم وخيرا وليتي حلالي وطيحاها ع السرير وووو
خليني ساكتة😚
~~~~~~
يامن فرح بعد ماصلو
يامن بدي يفكلها ف سيور الروب ويشم ف كتفها وطيحها ع السرير
يامن: هنا سينتهي الكلام وتبدا اصوات الانفاس😚
فرح😍
.. والباقي تعرفوه مفيش داعي نقول 🔞
~~~~~~
بعد يومين:-
سافرو يامن وفرح ل تركيا
وعماد وملاك ل ايطاليا
ويارا جابت ولد سموه محمد علي اسم جده ومرة تقعد معاها امها ولا وحدة من خواتها ومرة وهيبة
~~~~
وهيبة بعد مافضي العرس والحوسة قعمزت شدت تلفونها لاقت مراد بعتلها فيدو محمد عيونها دمعو
محمد: خيرك
وهيبة: اني عارفاتك مش حديرها نجك لي وخلاص
محمد ضحك وقربها ليه: به تعالي هني باش منديرهاش
وهيبة: لا محمد حول احني كبرنا ع الحاجات هادو
محمد: شن كبرنا خيرك
وهيبة دفاته وطلعت
محمد يضحك
وسام يكلم ف فرح فيديو
وسام: روحي يكلبة الحوش فضى عليا
فرح: حاضر شهر بس
يامن: لا مهيش مروحه
وسام: برا درق وجهك انت ندوي اني واختي شن عندك انت
يامن: يمسخ يحيوان
فرح تضحك
وسام: خلاص برو اقلبو وجوهكم... وسكر
~~~~
عماد خلي نتصل بيامن نكسد عليه
ملاك راقدة جنبة: عادي
عماد اتصل ويامن
عماد: شنجو
يامن: مليح... وين تدهور ولا ف الفندق
عماد: ف السرير مع اختك
يامن تكنطا: حتى لوكان نسيبي لكن اراعي شعوري ك رجل
عماد: وانتم المهر الي صمطوني بيه راعيتو جيوبي اوو
ملاك: مصحك
يامن: عساس اني بنتكم واخده بالبلاش مهي حتى دفعنا فيها مهر ودهب
عماد: عطيني اختي
يامن: هاك كلمي خوك
فرح: ايوا
عماد: فافا كيف حالك
فرح: كويسة وشنجوكم حماتي وين
عماد: اهيا
ملاك: صحبتك يحيوانة معش تقولي حماتي
فرح: به ياصاحبتي
~~~~~~
يارا: هاك شد ولدك
مراد: منبيش منعرفش نشدة
يارا: عيييت يدي طاحت وهو ميحبش لوطة
مراد: به هاتي..
وخداه
مراد: محلاه كيف يشبح
يارا: طالع لامه
مراد: وعلاش مش طالع ل بوه
يارا طلعت بيجامة اني بنخش ندوش خليه عندك لين نطلع ونرقدة
مراد: باه متعطليش
يارا: باه وخشت
~~~~~~
سجى تبكي: مش مصدقة معقولة توام
عمار فرحان: الف مبروك يحبي
سحى: لكن بتعبوني واني بالتثبيت
عمار حطها ع السرير ساعدي روحك معش اطيبي ولا تحكري... فكينا حافضي
سجى: حاضر
عمار نديرلك حاجة تاكليها
سجى شداتة: ارقد جنبي توا
عمار: غريبة... ورقد جنبها
~~~~~~
مروان: شرايك نجيبو مرة تانية
ماريا: عينك سادني عييت
مروان: نبي بنت اخرة
ماريا: تحلم وحتى لو بنجيب بنجيب ولد
مروان😒
~~~~~~~
فرح راقدة وشادة التلفون
جي يامن فك منها التلفون حضنها من الوراء ويشم ف رقبتها
فرح: حبي امتا بنطلعو
يامن: خلي نقعدو ه اليومين بعتالي تو نطلعو نبي نشبع منك
فرح لفتت عليه وخشت ف حضنة: نحبك ♥
يامن: اني منحبكش
فرح: كيف
يامن: اني نموت عليك 😍
~~~~~
ملاك لابسة بيجامة وردية كم وادير ف قهوة
خش عليها عماد: شن الي لابستيه
ملاك شبحت ب روحها: خيرها مستورة
عماد: ماهو لانها مستورة بري ارميها اقعديلي هك
ملاك: ياصايع... به تو نرمي وخشت للدار وعماد لحقها
# يتبع💕
هي قولولي رايكم ف الحلقة وديرو لايك دعما ليا وهي منورين... تشاو 💕👋
