البارت3
حسن: انت عندك اخت اسمها فرح!!
مروان عصب: خيرها اختي
حسن: اهدى مافي شي غير اليوم في زوز طالبات عطوهم طرد لفتلي نظري اسمها حسيتها اختك
مروان سيبة ومشي
~~~~~~~~
بعد ماتمت السهرية
ملاك وفرح ف المطبخ ياكلو
فرح: اشبح عماد كلم يامن ولا لا
ملاك: اكيدة كلمة
وفجآة يرن تلفون ملاك لاقاتة يامن
ملاك خافت: حي يامن يتصل
فرح: ردي عليه
ملاك ردت
يامن: عاطينكم طرد ولا؟
ملاك عيونها دمعو: يامن آخر مرة والله ماعاد تتكرر اني نادمة هلبا
يامن: به ساد من البكي
ملاك: به كيف بندير
يامن: ديري روحك مريضة تلات ايام هادو
ملاك: به وزياد
يامن: خليه عليا زياد
ملاك: باه
يامن سكر الخط
وفجآة يرن تلفون فرح لاقاتة مروان ردت
مروان: تعاليلي ف الحوش يافرخة
فرح بلعت ريقها: خيرك
مروان: خيرني!!! غر تعاليلي تو نتفاهم معاك...وسكر
ملاك: خيرك
فرح: مروان شكلة عرف وقالي تعالي ف الحوش
ملاك: اقعدي متمشيش
فرح: لالا والله كان هدا يفضح بيا...نقزت من الصور وفتحت باب حوشهم لاقاها مروان ف الباب
مروان لاقاها ب عصاة المكنسة ويضرب: فيها
فرح تعيط
مروان: علاش عطوك طرد!!
فرح: به تو نقولك
مروان: شن بتقوليلي يافرخة
فرح: غر اوقف..تو يسمعوك
مروان وقف: به تكلمي
فرح: في بنت تافهة وحقيرة سبتني وسبت امي ووصلت ف الشرف استفزتني
مروان: ومن هي البنت التانية ملاك صح!!
فرح: لا مش ملاك البنت الي تعاركت معاها
مروان: به يا فرح يصير خير
فرح شدت ف يدة: ارجوك مروان متقولش ل حد بالله عليك
مروان خش وماباش يرد عليها
فرح: ووواك كسرلي رجليا..وخشت للحمام عسلت وجهها وفتحت باب حوشهم وطلعت
~~~~~~~~
بعد تلات ايام واخيراً فرح وملاك قدرو يطلعو منها ب سلام ورجعو للمدرسة
~~~~~~~
فرح ركبت ف سيارتها تولع فيها والسيارة قالت شي نولع
فرح قعدت تخبط ع الستيرسو: شرولي امها بالغلي والكوي وتجي ف او قات غير مناسبة وتعطل
~~~~~~~~~
يامن: هي اطلعي يافرخة عام وانت تبدلي
ملاك: به شن بندير زياد مشي عليا
يامن: اني بنطلع نسخن السيارة شوية وتطلعي...وطلع لقي فرح قاعدة ف سيارتها وتسب وتلعن فيها ف مشالها: خيرك
فرح: مش عارفة خيرها اول مر اديرلي هكي
يامن: به عندك من يوصلك؟
فرح: لالا معنديش ولو توصلني ادير فيا معروف
يامن ضحك: به اطعلي
فرح نزلت وركبت ف سيارة يامن من الوراء: محلاها سيارتك من تركيا صح!!
يامن: عيونك الحلوة...اي من تركيا
ملاك: ركبت تاخرت عليك
يامن: لالا عادي
ملاك: شبحت ف فرح فافا ماشية معانا؟
يامن ضحك ويقول ف عقلة(فافا😍)
فرح توشوشلها: قتلك عشرطاش المرة معاش تقولي فافا اني اسمي فرح
ملاك: به
.....وبعد ماوصلو نص الطريق
يامن: منهية الي ضربتيها باش عطوك طرد
فرح: وحدة ليبية لابسة دبش وتاكل وتشرب
يامن: هاهاهاها دمك ولاعصير
فرح: دمك انت
يامن: يستفز فيها: لكن تستاهلي...ت قصتكم من وحدة ل وحدة من واحد ل واحد واحتمال فروخ مدرستكم صوروك
فرح تعفلقت: انت هكي نظامك سماطة وصحة وجه...نزلني
ملاك: فرح!! شن تقولي
يامن: اكيد تبصري!
فرح علت صوتها: نزلني والا اقسم بالله نفتح باب السيارة وهي تمشي وننقز...نزلنيييي توا
يامن وقف السيارة: انزلي اساسا المدرسة معاش بعيدة الحق فيا اني الي وصلتك
فرح نزلت وقربعت باب السيارة
يامن كلكسلها وطلع
فرح: واحد مريض...وقعدت تمشي...واول ماوصلت قدام المدرسة لاقاتة
يامن غمزلها وطلع
فرح: حيوان...وخشت ل فصلها تلقتها ملاك
ملاك: فرح خيرك
فرح: خيرة خوك مريض عندة انفصام ولا كيف؟
ملاك: كيف!!
فرح: انسي خلاص
وقف عليهم زياد: خيرا خوي
فرح: بارد زيك
زياد: هاهاهاها دمك ولا عصير
فرح: زياد برا اقلب وجهك احسن مانوض نفسدهولك
زياد: ياااااي
~~~~~~~~~
مراد يكلم ف ولاء خطيبتا
ولاء: عارفة روحي مقصرة معاك ياقلبي لكن انت عارف طبيعة شغل بابا كيف
مراد: عادي ياقلبي مادوريش اهم شي انتي
ولاء: وعندي ليك خبر
مراد: شنهوا
ولاء: بابا بيسافر ل بريطانيا وبيخلينا ف حوش حناي
مراد: كويس بكل معناها ف اي وقت نبي نجيك
وفجآة يخش عليه عمار: تي هيا ياراجل عام!!!
مراد: به تو نجي....ولاء نكلمك بعتالي
ولاء: به تمام
مراد: هي اطلع
...وطلعو
~~~~~~~~~
خلي نمشو لشخصيات مشفناهمش من قبل:-
سجى: اني طالعة
نورية( مرت اب سجى): وين؟
سجى: للجامعة
نورية: قعمزي واستهدي اليوم بوك عازم رجالة واني بنمشي ل حوش اماليا
سجى: راهو عندي قراية حتى من مستواي نزل من الخدمة
نورية: ديري الي قتلك عليه احسن ما نقول ل بوك وهو الي يتصرف معاك
سجى خشت لدارها غيرت حوايجها وطلعت للمطبخ وبدت اتطيب
~~~~~~~~~
فرح: خيرك العفو
ملاك: مش عارفة بطني قريب تتقطع
فرح: تحملي شوية خلاص مازال حصة ونروحو
وقف عليهم زياد: خيرها؟
فرح: قالت بطنها توجع فيها
زياد: تحملي لين ناخد ادن من المديرة ونروح بيك
ملاك: بسرعة بالله عليك
زياد مشي للادارة
....وبعد شوية جي زياد
زياد: هي اطلعي
ملاك: مش قادرة
زياد: شدها من يدها ووصلها للسيارة
~~~~~~~~~
صالحة(جدة فرح): بنتك لازم تتعلم التطييب وعادات نساوينا بكل واخدة طبايع الاجانب
سميرة: عادي يامي خليها علي راحتها تو تتعلم
ولاء: تسمع فيهم وساكتة
صالحة: تبيها تحشمك قدام مراد!!
ولاء: والله مراد يحبني زي ما اني وقال تتى لو متعرفيش اتطيبي يوم نحيب من برا ويوم عند امي
سميرة فنصت فيها
صالحة: تزعبين زايد
ولاء طلعت وخلتهم: يابابا آمتا بتروح بس باش نتريحو من نقيق حناي
~~~~~~~~~~~
مراد يسوق وعمار مقعمز جنبة
مراد: خيرة هادا
عمار: من هو!
مراد: واحد من بكري يضايق فيا
عمار: فوتة مادوراش
مراد فاتة لكن الولد مازال مصمم
مراد وقف السيارة ونزلولا
..وقعدو يتضاربو ويتعاركو ويسبو والناس تحز بينهم لين ح
جوهم الردع طبوهم مع بعضهم
~~~~~~~~~~
فرح خايفة وتفكر كيف بتروح: ياربي علاش هكي كل يوم نحيب ف تلفوني منستحقش فيه واليوم مجبتاش معنديش مع من انروح.....وطلعت من المدرسة...وقعدت تمشي: علي ه الحال بنوصل العصر
~~~~~~~~~
ماريا بعد ماتوظفت ب فضل مروان ف البداية عاجبها شغلها لكن مروان طلعلها قرون من طلباتة الي ماتمش وبعد ما ملت ومالقتش شن ادير طلعت برا وقعمزت علي مقعد قدام المشفى وطلعت ورقة وقلم وقعدت ترسم ف المشفى من برا
وفجآة وقف عليها مروان
مروان خدي منها الورقة
ماريا انصدمت
مروان مزق الورقة: مش وقت لعب توا انت ف مكان شغل
ماريا عيونها دمعو: ليا يومين ساهرة عليها علاش درت هكي
مروان: ميهمنيش خشي شوفي خدمتك....وخش وخلاها
ماريا قعمزت وبدت تبكي: علاش يعامل فيا هكي اني شن درتلا
~~~~~~~~~~
يامن كسدت قلت خلي نمشي ندهور شويه لين وصلت ف السريع....وفجآة
#يتبع💕
تفاعلو وديرو لايك واعطوني رايكم....وتشاااو❤👋🏻
