p16
فرح واقفة قدام المراية وواخدة شاربة امها وتقيس فيها وفجاة سمعت صوت امها حولتها
وهيبة: امضني تنزلي اديري معاي حاجة
فرح: به اهو نازلة
وهيبة نزلت: غريبة ماعلتش صوتها وبدت تنهق مفروض هادي كل يوم نديرولها فضانية
فرح نولت لحقت امها
(بعد شوي جو ماريا ويارا بس سجى مجتش)
~~~~~
سجى فتحت الباب وانصدمت: بابا!!
عمار: مني!... وانصدم: انت شن تبي
علي: جيت نتكلم مع بنتي
عمار: بنتك الي حدفتها
سجى: خليه يخش ممكن نفتحو صفحة جديدة
عمار: به تفضل واني ما دخلي ف شي قعمزي تكلمي انتي بوك واني قاعد ف الدار
سجى فرحانة: خش تفضل
علي خش: اني جيت بنفتح صفحة جديدة معاك واني نادم ع الي درته من قبل
سجى دمعت: اي عادي يعني انت ف النهاية بوي واني معنديش غيرك
علي ضعف قدامها وفتح يديه: تعالي
سجى خشت ف حضنه وتبكي
علي حس ب انه ضعف وحس بيها وحس بالندم
~~~~~
وهيبة: خير عمار طول
ماريا: توا كلمت سجى قتلي انهم جايين
وهيبة فرح شن لبستي
فرح خاشة لابسة قفطان وردي هافت وشاربه بيضة ومكياج خفيف
كلهم انصدمو
وهيبة فرحت: فرح انت تحجبتي
فرح: اي
ماريا: الف مبروك واخيرا
يارا: الف مبروك ياقلبي طالعة فيه تجنني
فرح: اي عارفة.. اصلا من زمان كنت نبي نديرها هادا وين اقتنعت
سجى خشت وقعدت تسلم لما شبحت فرح انصدمت: تحجبتي واخيرا؟
فرح: اي
سجى: لكن طالع عليك
وهيبة: يامن وبوه وجده من بكري هني خشي تناقشو
فرح: علي شن بنتناقشو راهو نكلم فيه
وهيبة: عارفاتك مش ساهلة
فرح مشت للمربوعة وطقت الباب
محمد: خشي بنتي
فرح خشت
يامن اول ما فرح خشت انصدم و نفس الوقت فرح كان من الاول يبيها تتحجب
محمد فرح ب بنته انها واخيرا اقتنعت بالححاب
فرح: السلام عليكم
ردو عليها: وعليكم السلام
موسى: قعمزي يابنتي
فرح قعمزت
موسى انت قاعدة موافقة علي يامن نفس قبل؟
فرح: اكيد... مدت القهوه
يامن خداها وكان خايف
فرح: اشرب
يامن: به
فرح قعمزت
يامن شرب لما حس بيها مالحة جي بيتفلها تحشم
فرح فنصت فيه
محمد: اشربها عادي
يامن شبح ف الطاسة شويه بعدين شربها كلها
كلهم ضحكو
سعد: هي تعالو نشربو القهوه برا ونخلوهم علي راحتهم
محمد: هي... وطلعو
يامن: واخيرا تحجبتي من الاول هكي نبي اديري
فرح ناضت تلود: اي شرايك
يامن: طالعة فيه زي الوردة غر عطيه شوية انوثة يبان اكتر
فرح: اني هادا طبعي منحبش نغيرة
يامن: به علاش مخلينا بروحنا
فرح: يحسابونا منكلموش ف بعضنا واحني مع بعض حتى قبل ماتتقوللهم
يامن شدها: ب ما ان قاعدين بروحنا هاتيها وحدة ع السريع
فرح: هي بسلامة وطلعلت
يامن ضحك
(فرح ويامن كانت قصتهم حلوة حبهم صادق بجد ف علاقتهم التفاهم اكتر من الحب واني متاكدا اغلبنا متمنين نعيشو قصة زيهم💕)
~~~~~
عيلةسعد بعد ماروحو
موسى: في واحد كلمني وقالي ان بيجيب امه يخطبو ملاك
ملاك انصدمت
سعد: من هو؟
موسى: واحد اسمه سامر ال** اني سالت وعرفت ان اغلب الوقت برا البلاد يخدم تاجر
سعد: والله علي بنتي شن تقرر
ملاك معاش تحملت ومشت لدارها تبكي
موسى: خلوها تو تفكر ب راحتها اهم شي ما تناقشوهاش ولا تحاولو تقنعوها خلي هي تقرر براحتها
سعد: وين يامن
زياد: طلع قال عنده خدمه
موسى: مرات نديرو بيان يامن الايامات الجايات
سعد: به زي ماتبي
