p17
بعد مرور عدة ايام:-
ملاك: خيرك عماد تتكلم هكي احترمني شوية
عماد: كيف تبيني نكلمك ترا
ملاك: وين كلامك الحلو الي كنت تقولي فيه خيرك حسيتك متغير
عماد: هو انتي من الموضوع لاوين تبي توصلي
ملاك: انت معاش تحبني ولا؟
عماد: تو شن جابها السيرة هادي... سكري راه منبيش نغلط معاك
ملاك سكرت الخط وبدت تبكي
وكانت حاسة ان في طرف ثالت ف علاقتهم كانت مصدومة من تغير عماد المفاجا بس عذراتة وقالت اكيدة ضغط الخدمة لان موظف جديد
~~~~~~
عماد قاعد يفكر (الفرق بين ملاك وسيلا فرق السما ع الوطا ملاك تربيت اني واياها وعشنا مع بعض ف عمري مافكرت اني نحبها الاتوا اما سيلا من اول يوم جدبتني وخلتني نطيح فيها)
~~~~~~~
علي سفرة الفطور عند عيلة سعد
العيلة كلهم ياكلو الا ملاك تتفرج عليهم
موسى: خيرك يابنت ما تاكليش
ملاك: معنديش نية
زياد: به خيرك اليوم لاوية السمرة ع الحمرة من كلمك
ملاك: لالا ولا شي غر تعبانة بس بنخش نرقد.. وناضت
زياد ويامن شبحو ف بعض
اما ملاك ركبت لدارها وطول انهارت واستسلمت للدموع
(فعلا لما يتغير عليك شخص تحبة بدون ولا شي هكي حيكون شعورك زي ملاك بالضبط رح تحس انك مقصر معاه او وانك درت شي خلاه يكرهك بس الحقيقة انت مادرت شي القصة ومافيها ان في طرف ثالت خش بينكم ونصيحتي ليكم لو مكنتوش النمبر وان ف حياة الشخص الي انتم تحبوه انسحبو علي طول🙂)
~~~~~~~
بعد السحور:-
فرح: سجى جعانة اني راه متسحرتش زين
سجى: اني شبعانة ونبي نرقد قبل صلاة الفجر
فرح: اني بنمشي ندير اندومي... وناضت ادير ف اندومي
خش عليها عماد: شديري.. كان اندومي احسبيني
فرح: به... وين شنجوك مع ملاك
عماد: معاش تجيبي سيرتها بالله عليك
فرح نصدمت: خيرها
عماد: نقيق 24 ساعة
فرح: والله لوكة تحبك وميتة فيك واني عارفة الشي هادا من دوتها صدقني مش ح تلقى كيفها تحبك
عماد: اقعدي فيها هي... وناض
فرح: وووك خسارة كيس الاندومي الي فتحتة علي خاطرك
~~~~~~
بعد مرور اسبوعين:-
يوم العيد:-
فرح لابسة توتة حرايرية كحله وفيها ورد ابيض بخت عطرها ووقفت قدام المراية: التكشخ ف التعيد والتانق ف التلبس.. هههههه.. ومشت لدار خوتها: قومو اليوم التعيد
عماد فتح عيونة: خيرك انتي ليك ايام تتكلمي هكي
فرح: اللهجة هادي طلعت ترند
عماد: زايطة معاك انتي
(وناضو الولاد مشو لصلاة العيد وجو مروان ومراد حطو نساوينهم ومشو معاهم للجامع والتمو العيلة كلهم بعتالي روحو)
العيلة كلهم يعيدو
ماريا: حبي نجيبلك قهوة!!
مروان تخزرط: جيبي
فرح وعماد مقعزين جنب بعض ويضحكو ع الصامت
مروان: مدورهاش يابوي صغيرة وخايبة متعرفش قاعدة
محمد تنهد: عليا اليمين ماخايبة كان امك ايوا
عماد وفرح ووسام ساخو من الضحك
ومراد ويارا يضحكو من تحت
وهيبة: شن قلت؟؟
محمد: لا مقلنا شي
