قبل مانبدا الحلقة نبي نقوللكم ان التفاعل سفر ف اني لما نلقى التفاعل معدوم مش ح تجيني رغبة ف الكتابة وخاصة اني اغلب الوقت منكونش فاضية باش نقعمز ع التلفون بس مع دالك نخصصلكم ف وقت ان شاء الله التفاعل يتحسن واني بادن الله مش ح نقصر واهم حاجة ف الموضوع تقولولي رايكم ف التعليقات لان ياعزيزتي وعزيزي القُراء رايك مهم وانت رايك مهم كلكم رايكم مهم عندي واني بادن الله رح نتقبلا مهما كان يمكن عندي اخطاء نحاول نحسن منهم
يارا: به مع المغرب تعال
صالح: نجي نهدرز مع محمد شوية ونروح بيك
يارا: به... ونزلت... طقت الباب فتحلها مراد
يارا نزلت راسها: السلام عليكم
مراد: وعليكم السلام... تفضلي
يارا: فرح قاعدة!!
مراد: اه انتي يارا... خشي تو تلقيها داخل
يارا خشت
مراد وصلها للباب وطلع لاقة عمار مقعمز ف سيارتة....ركب معاه وتنهد: شدير
عمار: شي مقعمز نفكر... وانت خيرك اليوم مش عاجبني
مراد: تعبت ياعمار
عمار: وشن الي متعبك
مراد: ولاء
عمار: خيرها
مراد: هاملتني مرات نتصل بيها متردش تقعد ب اسبوع متتصلش وامس دارت شي قهرني وكسرني
عمار: خيرها شن دارت
مراد: نكلم فيها سمعت صوت ولاعة سالتها... بكل برود قتلي ندخن وهي حرية شخصية ومش عارفة شن
عمار انصدم: من جدك قاعد معاها هادي سيبها بس
مراد: مش قادر متعلق فيها مش قادر نفكر ف الموضوع حتى التفكير
عمار: اضغط علي روحك انت راجل المشكلة يامراد حدرناك منها حتى امي الي خالتها قتلك انها متصلحش بيك واخدة طبايع الاجانب بوها مخليها علي حل شعرها والدليل علي كلامي ان حتى حبك ليها سطحي
مراد: كيف حب سطحي
عمار: انت قبل ماتخطبها قداش مرة شفتها... مرة ولا مرتين لما كانت صغيره انت حبيتها من منشوراتها ف الانستا والفيس بالله شن عاحبك فيها وحدة تنزل ف روحها وتعرض فروحها ف النت ب لبس مش محترم ع فكرة لا بوي راضي بيها ولا امي
مراد فتح باب السيارة: اهم شي اني راضي... ونزل
عمار: تو صيورا يجيك كف من الواقع
~~~~~~~~~
يارا: صار انخطبتي
فرح: اي ولد جيرنا وخو ملاك
يارا: الله
ملاك: اي... واني علي علاقة مع خوها
يارا: وووك حركتولي مشاعري
فرح: قصدك ماعمركش درتي علاقة هكي ولاهكي
يارا: وين بالله عيلتنا تقول سجون عندهم كل شي حرام لكن نكلم ف واحد افريقي لاقياتة زي الرحمة ف الرصيد
البنات قعدو يضحكو😂😂😂
فرح: بالله شن جوة معاك
يارا: امس قالي عندي خدمة مبحبحة ناخد فلوس نازرو حوس في ونزوزو
البنات ماتو بالضحك
سجى: مصح وجهك جي لبلادنا يخدم علي راصة وانتي مكسدة طاح فيك باش تكسدي عليه
يارا: عادي تو يروح لبلادة
يازر حوس وياخد وحدة من غادي
~~~~~~~~~
مراد قاعد يفكر ف كلام خوه (فعلا اني من لما حبيتها حبيتها من النت من صورها من لبسها الي كان كلا مش محترم اني خلاص ح نضغط علي روحي وننهي ام الموضوع من اساسة)
