نور الاوسم

النور الثاني.

يا ليتني كُنت طيرًا في العراءِ
فلا ذنبٌ عليَّ ولا الآثام تحوِيني.

....................
#نور _الاوسم
بقلمي : تمارا الطائي🤍.
#عمري_لتنسون التصويت 🧡
......................................

دخلوها بنص الحوش ويكتلون بيها بدم بارد شبعوها كتل ظليت صافنه وخايفه وكلها جانت خايفه تحجي جنت مااعرف شنو اسوي شنو السبب وليش يكتلوها بهاي الطريقه امي ضلت تبجي و تتوسل بيهم حتى يحجون شنو صاير اخر شي حجه عمي كلمات خلتنه كلنه مصدومين وماممكن يخطر على بالنه كال

لكيتها ويه واحد..

هذه الكلمات جانت مثل الصاعقه ونزلت ع روسنا مجنت متوقعه لو بنسبه واحد بالميه اختي تسوي هيج لان هي تعرف عاداتنا وتقاليدنا وتعرف اهلنا من النوع المعقدين وما ممكن يرضون بهذا الشي مستحيل لحد هذه ألحظه اني واكفه ومو مستوعبه الكلام الي حجاة عمي

اسئله اهواي  تدور براسي زين منو هذا الولد ؟ وشلون تعرفت عليه واحنه مجنه نطلع من البيت؟ ووو...
كل هل اسئله جاي تدور بعقلي

صحيت من صفنتي على صوتهم وهمه مازالوا يعيطون ويكتلون بيها بكل وحشيه نمارق جانت شبه فاقدة امي جانت تبجي بحركه وهي تشوفهم هيج يسون بيها تتوسل بيهم حتى يعوفوها يمكن جان عدها امل يطلع كلامهم خطأ لان هي تعرف اختي كلش زين ما ممكن تسوي هيج  لان اختي كلش عاقله ومؤدبه مافد يوم واحد حجة عليها بفد حجايه

باوعت على نمارق الجانت فاقدة وعيوني تجري دموع على حال اختي واني اشوفها بهاي الحاله ومااكدر اسوي شي زادت دموعي اكثر وعلت شهكاتي وخوف من الراح يصير بيها كأنما عمي قره افكاري الي جانت تدور بعقلي وكال

يوسف: خلي نقتلها ونطم عارها لان هي هسه صارت بالنسبة النه عارر.

عمامي علت اصواتهم وايدو عمي على هذا القرار بس ابويه صدمنه من كال

ابو سرور: لا مااقتلها هسه لازم اعرف بالبدايه شنو الي وصلها هيج ومنو هذا الولد

اني وامي فرحنه بقرار ابويه صار عدنه امل لو بسيط مايقتلوها لان احنه نعرف ابويه وعمامي بقراراتهم وخصوصا مثل هيج موضوع حساس.

رجع عمي حجه وكال: خلوها بغرفه وحدها ولا وحدة تدخل عليها حد ما نفتهم السالفه

محد حجة من عدنه شالوها وخلوها بغرفه وحدها ومخلو احد يروح يمها او يوصل الغرفه لو يحجي وياها

ظلينه حايرين لانكدر نحجي ولا نكدر نسوي شي خلصناها بجي واني قلبي محترك على اختي الوحيدة الي ماعندي غيرها وخايفه عليها ومن الراح يصير شنو مصيرها باوعت على امي الي جانت كاعدة و شبه فاقدة ودمعتها على خدها يمكن امي جانت جزء من السبب بالجاي يصير بنمارق حاليا